Iwomo11
1Wa zɛ ilɔ mbala Wambwalu mu Ozhudiya ndii o pwa te enzu umba bɔkɔ akwu Azhu mo o na iso Ukpo tete.2Akwɛyi ta bɔkɔ Opita a ka mu Ɔzhɛrusalɛ, Azhu umbafo wa mbwalu umba bɔkɔ o gyi te enzu umba bɔkɔ akwu Azhu mo, lo zɛ mba ɛsɔ ma awu o gwu wu anu akwɛyi o za wu te,3<<Ŋɔ ka mu agba iyi enzu umba bɔkɔ akwu Azhu mo wa zɛ ɛsɔ mo akwɛyi ŋɔ ri kiya mbala mba.>>4Akwɛyi Opita e so mbo kiya ingyi ki wo lɛɛbi te:5<<Mi yi mu kwuse ungwu Ozhopa mu Ukpo ilɛma, mi ma ɛbɛ. Mi ma kiya ki wɔ moshi kyamate kwulamba o ma ekyikyi mu eko endo ungwu, akwɛyi a kala ngwu ma mu idu mi.6Mi yese mɛmi iyi kwulamba kwɔngu akwɛyi mi ma Iuzhi ndu alɛ endo mbala Izɔfyi umba ɔsɛ mbala izɔfyi umba bɔkɔ o pyipyi ubwu mɛzhi mbala afyi mba oshi.7Akwɛyi mi pwa opwu uwu u za mi te, <Opita yimo, ngbɛ kaa kwu.>8<<Akwɛyi mi gba opwu te <Ɔkwu mi! Mi do ɛlɛ iwomo mo! <<Mi di ri kiya ingyi ɛrama iyi Azhu nzu inyima naa ingyi ki wuluma mo dɛ mo.>>9<<Opwu ɔnwu u gba u u wɔ ungwopo kpɔ u za mi te <Gba Ukpo a wulu kiya ma ki zɔ kiya ngyɛngyi ki sheshimo mo.>10Ɛlɛ iwo tayi izhɛla akwɛyi o to okpayi awu ma o gbawu o ka moshi.11<<Mu kwotota kwɔngu enzu wala umba bɔkɔ o lɔ mba ma bɔkɔ o wɔ mu Oseseriya o fye mogba mbaa mi yi le.12Kwundu a za mi te la mi tomo iyi isomo mbala mba mo. Wambwalu warɛnyi mbɔlɛ o kama mbala mi akwɛyi ki fye mogba uwu onzu awu.13Ɔkɔnɛliyɔ e so nzu ewo iyi bɔkɔ a ma ɔlɔgbulɔ uwu Ukpo mogba wu akwɛyi a za wu te <Lɔma mu Ozhopa mbaa Ɔsamɔ uwu bɔ o ya wu te Opita awu.14Aa ka ŋa la ɛlɔgbulɔ iyi bɔkɔ uŋɔ mbala agba ŋa o fya isama.>15 Tabɔkɔ mi ye la iso isomo akwɛyi Kwundu uwu Ukpo e fye mamba mate bɔkɔ kwundu uwu Ukpo e fye ma nzu mu ɔnuwu kwonze awu.16Akwɛyi mi lolo iso iyi bɔkɔ Ɔkwu e so te: <Ɔzhɔnu e wo yi obatisima mu embyi, Imi ba mi wo yi obatisima mu Kwundu uwu Ukpo.>17Ukpo uwu e shi kwundu wu e fye ma mba awu uwu gba e shi nzu le tete, kinzu umba ki kwidu ki fulo mu Ɔzhizɔsi Okrasi awu, imi mi kwu uwe bɔkɔ mi domo te mi se Ukpo ɔgwuzɛ ma?>>18Tabɔkɔ o pwa iso iyi Opita ɛlɛ, akwɛyi o lafya la Opitanu igwumo akwɛyi o du Ukpo ma, o zɔ te, <<I zɔ te, Ukpo a nyama la enzu umba bɔkɔ akwu Azhu mo te lo fya kwunyɔ ungwɔkpɔ tete, gba o kwira mba ɔsu akwɛyi o kwu idu lu fulo mu Ɔzhizɔsi.>>
Wambwalu Umba Bɔkɔ O Yi Mu Atiyɔki
19Mizhikembo iyi o ngbɛ Ositivi ma wa mbwalu gyɔɔ o lafya la Ɔzhɛrusalɛ o ka mu ese ewa kwuwongu enzu o ye mbo mu inyashi ilomo mɔmɔ. Umbafo mba o ka mu Ofonesiya, mu Ɔsapurɔ, mu Atiyɔki mu ɛzhi iyi Osiriya. o so iso iyi Ukpo laa Azhu kɛɛkyi..20Wambwalu umbafo umba bɔkɔ o wɔ mu Ɔsapurɔ mbala Osarini o ka mu Atiyɔki akwɛyi o le mu iso iyi Ɔzhizɔsi isomo la umba Ogiriki tete, o zɛ mba ilɔ iyesheshi iyi Ɔkwu Ɔzhizɔsi.21Ekpasu iyi Ɔkwu i yi mbala mba, akwɛyi enzu gyɔɔ o nyama o mbwalu Ɔzhizɔsi.22Ɛza iyeshi ɛlɛ i fye mu alu iyi wa mbwalu mu Ɔzhɛrusalɛ, akwɛyi o lɔ Obanaba ma kaa le so mu Atiyɔki.23Tabɔkɔ a kama mɔmɔ, a mwu ɔnyɛ kwuwongu a ma esheshi iyi Ukpo mu enzu mbɔlɛ. Akwɛyi a ka mba ɛnwu ma te lo rima kpakiri mu Ɔzhizɔsi imbwalu ma mu egbo mbo lɛɛbi.24Obanaba akwu onzu uwoshoshi, uwu bɔkɔ Kwundu uwu Ukpo e yi mbala wu, uwu bɔkɔ e kwidu e fulo mu Ukpo. Kwuwongwu ɛduma iyi bɔkɔ e wo, enzu gyɔɔ o na iso iyi Ɔzhizɔsi.25Akwɛyi Obanaba a ka mu Otasu kaa la gagyi Ɔsɔlu,26kwuyengwu e fye wu mo akwɛyi e bo wu mu Atiyɔki. Obanaba mbala Ɔsɔlu o to kari ngyɔɔ mu Atiyɔki la enzu ɛzu izɔma mu Ɔshɔshi. Mu Atiyɔki gba o ye la wa mbwalu iyama te Akirisitɛ le.27Kwuye kwɔngu, anukenzu umbafo o wɔ mu Ɔzhɛrusalɛ o bo mu Atiyɔki.28Akwɛyi ukpɛnyi mba uwu o ya wu te Agabu awu, e yimo mu ekpasu iyi Kwundu akwɛyi a za la enzu te ɛzhi iyi Oroma lɛɛbi i ya lonzu. <Ɛlɛ i wo mu kwuye ungwu Ɔkaladiyɔ akwu Ɔsu awu.>29Wambwalu umba Atiyɔki o kamasa te lo mbwama la wa mbwalu umba bɔkɔ o yi mu ɛzhi iyi Ozhudiya. Uwewe ee shi iyi bɔkɔ ekpasu wu i ba.30Akwɛyi o lɔ Obanaba mbala Ɔsɔlu la rɛshi ngyɛlɛ te lo kala enzu umbakɔ umba ɔshɔshi mu Ɔzhɛrusalɛ.The Word for the World International