Miamun36adz_png

Isau Tafan Rusan Nanggan

1Nani Isau (nida Idom) tafan rusan nanggan ragidan.2Isau iyu finin iruꞌrun imingꞌ Kanan: Ada, Elon garam Hit ugu narun finam, da Oholibama, Ana narun finam da Tsibion garam Hiwi rumpunggan.3Arangan itip iyu Basemat, Ismail narun finam da Nebaiot nafun finam, impruꞌ ibinigi.4Isau irim narun ruas da finin rusan ibiani, Ada sagat miamun irim Elifats, da Basemat irim Ruel.5Da Oholibama irim Dzeus da Dzalam da Kora. Isau irim narun rusan igi da gubuꞌ aru arangan mpada mingꞌa intap Kanan.6Raiyi da Isau iyu finin rusan da narun rusan, impruꞌ da garam guman, da makau gan da apu gan santan, da nanggan santan uda mingꞌa Kanan ugu da intsungꞌ iwaꞌ sinungꞌ rainggan Yakop, da ifampa intap wasaꞌ mangan ruguntiꞌ i arangan.7I intap arangan da rainggan Yakop mpada gin isisungꞌ ruan i ribarangan makau gan da dumpa gan da nuning gan, da wasangꞌ i rima ribarangan sib u.8Ibinigi da Isau (bingan mangan Idom) ifa mpa imingꞌ intap mamai Seir.
9Nigi Isau, garam Idom ramanggan mpada intap mamai Seir ugu, yangin rusan:
10Isau narun rusan marub binganggan ibiani: Elifats, Ada narunggan, da Ruel, Basemat narunggan.11Elifats narun rusan marub ibiani: Teman, Omar, Tsefo, Gatam da Kenats.12Elifats sagatan mangan Timna irim Amalek. Nigi Isau fininggan Ada rumpun rusan.13Ruel narun rusan marub binganggan ibiani: Nahat, Tsera, Sama da Misa. Nigi Isau fininggan Basemat rumpun rusan.14Oholibama, Isau finin mangan, Ana narun finam da Tsibion rumpun finam, irim Dzeus, Dzalam da Kora.15Da utup utup waꞌa mingꞌa Isau narun rusan ibiani: Elifats, Isau narunggan miamun, isu garam utup bida ani tafanggan: Teman, Omar, Tsefo, Kenats,16Gatam da Amalek. Ribarangan isu Ada, Isau fininggan, yangin rusan.17Da Ruel, Isau narun mangan igi, isu garam utup bida ani tafanggan: Nahat, Tsera, Sama da Misa. Ribarangan isu Basemat, Isau fininggan, yangin rusan.18Da Isau fininggan mangan Oholibama, Ana narunggan finam, isu garam utup bida ani tafanggan: Dzeus, Dzalam da Kora.19Garam utup utup igi Isau (ma Idom) yangin rusan.

Seir Yangin Rusan

20Garam Hor mpada intap Idom igi mungꞌ binganggan Seir yangin rusan ani. Ribigi impa utup utup yatsungꞌ tafan rusan binganggan ibiani: Lotan, Sobal, Tsibion, Ana,21Dison, Etser da Disan. Rib arigi Seir narun rusan da garam Hor garam gudzun rusan imingꞌ intap Idom.22Da Lotan narun rusan marub ibiani: Hori da Hemam. Lotan nafunggan Timna.23Da Sobal narun rusan marub ibiani: Alwan, Manahat, Ebal, Siefo da Onam.24Da Tsibion narun rusan marub ibiani: Aia da Ana. Ana arigi impa tayangꞌ ramanggan Tsibion dongki gan imingꞌ nam manaꞌ dadauntan da arangan isu miamun i tsanganda mpui maran sasusan fain.25Da Ana narun rusan ibiani: Dison da nafunggan finam Oholibama.26Da Dison narun rusan marub ibiani: Hemdan, Esban, Itran da Keran.27Da Etser narun rusan marub ibiani: Bilhan, Dzawan da Akan.28Da Disan narun rusan marub ibiani: Uts da Aran.29Garam ani garam Hor gudzun gudzunggan mpada intap Seir binganggan ibiani: Lotan, Sobal, Tsibion, Ana, Dison, Etser da Disan.

Garam Idom King Rusan

31Mungꞌ garam Israil mamida suda king, da garam bida ani isu king i intap Idom:32Beor narunggan Bela isu king miamun impa tayangꞌ Idom. Da gan gampan binganggan Dinhaba.33Gubuꞌ Bela mampan, da Tsera narunggan Dzobap mingꞌa gamp Botsra iyu arangan mumai gan isu king.34Gubuꞌ Dzobap mampan, da Husam, garam mingꞌa intap Teman, iyu arangan mumai gan isu king.35Gubuꞌ Husam mampan, da Bedad narunggan Hadad mingꞌa gampan Awit, isa garam gamp Midian sib mingꞌa intap Moab ugu, iyu arangan mumai gan isu king.36Gubuꞌ Hadad mampan, da Samla, garam gamp Masrika, iyu arangan mumai gan isu king.37Gubuꞌ Samla mampan, da Siaul, garam gamp Rihobot mingꞌa mpui ringan, iyu arangan mumai gan isu king.38Gubuꞌ Siaul mampan, da Akbor narunggan Bal-Hanan iyu arangan mumai gan isu king.39Gubuꞌ Akbor narunggan Bal-Hanan mampan, da Hadad iyu arangan mumai gan isu king. Arangan gampan binganggan Pau, da fininggan binganggan Mehetabel, Matret narunggan finam da Metsahap rumpunggan.40Isau garam Idom tafanggan da yangin rusan utup utup ibiani: Timna, Alwa, Dzetet, Oholibama, Ela, Pinon, Kenats, Teman, Mipsar, Makdiel da Iram. Intap garam utup igi mpada gin iyu bingan yatsungꞌ garam gudzun igi binganggan. Nigi Isau tafan rusan.
expand_more
Search