Kpo Jemi2
1“Ngmaa womi kɛ ya ha Efeso asafo ɔ bɔfo ɔ ke:
Munyuhi nɛ nɔ nɛ hɛɛ dodoehi kpaago ngɛ e hiɔ nine mi, nɛ e nyɛɛ ngɛ sika tsu kane tso kpaago ɔmɛ a kpɛti ɔ de ji nɛ ɔ nɛ.2I le o ni peemi ɔmɛ, o dengme gbomi kɛ o tsui si tomi ɔ. Nɛ i le bɔ nɛ o sume nimli yayahi ha, nɛ o kaa nihi nɛ peeɔ a he kaa bɔfohi se a pi ja a.3Nɛ ngɛ ye he je ɔ, o toɔ o tsui si, nɛ o naa amanehlu, nɛ pɔ tɔɛ o he.4Se kɛ ɔ, nɔ́ ko ngɛ nɛ dɛ ha mi ngɛ o he. Lɔ ɔ ji, o sume mi kaa bɔ nɛ o suɔ mi sa a.5Mo kai bɔ nɛ o suɔ mi kekle ɔ, konɛ o tsake o tsui, nɛ o hi si kaa kekle ɔ, ke pi ja a, ma ba o ngɔ nɛ ma ba je o kane tso ɔ kɛ je e ma he ɔ.6Se nɔ́ kake nɛ ngɛ o he nɛ hi ji kaa, o sume Nikolaime a ni tsumi ɔmɛ kaa bɔ nɛ imi hu i sume ɔ.7Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. I ma ha kunimi yelɔ ɔ he blɔ nɛ e ye wami tso ɔ nɛ ngɛ Mawu Paradeiso ɔ mi ɔ nɔ yiblii ɔ eko.8Moo ngma womi nɛ ɔ kɛ ya ha Smirna asafo ɔ bɔfo ɔ nɛ o de lɛ ke:
Nɔ́ nɛ Kekle no ɔ kɛ Nyagbe no ɔ, nɔ nɛ gbo nɛ e te si kɛ je gbeje ɔ de ji enɛ ɔ nɛ:9I le o ni tsumi ɔmɛ kɛ o haomi ɔmɛ kɛ o ohia a, se kɛ ɔ, niatsɛ ji mo ngɛ mumi mi. I le ni yayahi nɛ o he nyɛli ɔmɛ deɔ ngɛ o he. A tsɛɔ a he Yuda bi, nɛ ji Mawu bimɛ, se a pi ja, ejakaa Abosiami ni tsumi nɛ a tsuɔ.10Mo ko ye amanehlu nɛ maa ba o nɔ ɔ he gbeye; Abosiami maa ngɔ nyɛ ti ni komɛ ngɔ wo tsu mi nɛ a ka nyɛ, nɛ nyɛ maa na amanehlu ‘ligbi nyɔngma.’ Moo pee anɔkualetsɛ kɛ ya si gbenɔ mi, nɛ ma ha mo wami jlasi ɔ.11Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. Nɔ nɛ maa ye kunimi ɔ, a be lɛ nɔ́ yaya ko pee ngɛ gbenɔ nɛ ji enyɔ ɔ mi.12Ngmaa kɛ ya ha Pergamo asafo ɔ bɔfo ɔ ke:
Níhi nɛ nɔ nɛ hɛɛ hiɔ̃ nya enyɔtsɛ nɛ nya ba a de ji enɛ ɔ nɛ.13I le o sihi he, he nɛ Abosiami matsɛ sɛ ɔ ngɛ nɛ a jaa lɛ wawɛɛ ɔ. Se kɛ ɔ, o ngɛ ye se nyɛɛe kɛ sa. Nɛ benɛ Abosiami se nyɛɛli ɔmɛ gbe Antipa, ye he anɔkuale odase yelɔ ɔ ngɛ nyɛ kpɛti tete ɔ, o kua we mi.14Se kɛ ɔ, i kɛ mo ngɛ munyu bɔɔ ko, ejakaa o ngɛ nihi ngɛ lejɛ ɔ nɛ nyɛɛɔ Balaam tsɔɔmi ɔ se, nɔ nɛ ha Balak mlɔɔ Israel bi ɔmɛ nɛ a ye níhi nɛ a kɛ sã bɔ kɛ ha wɔhi, nɛ a bɔ ajuama, nɛ ha a nane tɔtɔ.15Ja a nɔuu kɛ o ngɛ nihi nɛ hɛɛ Nikolai bi ɔmɛ a tsɔɔmi ɔ mi.16Lɔ ɔ he je ɔ, mo tsake o tsui; ke pi ja a, i ma ba tlukaa nɛ i kɛ mɛ maa hwu ta kɛ ye nya mi hiɔ̃ ɔ.17Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. Nɔ nɛ maa ye kunimi ɔ, ma ha lɛ mana nɛ a kɛ laa a eko nɛ e ye. Nɛ i ma ha lɛ tɛ hiɔ nɛ a ngma biɛ he nɛ nɔ ko li ngɛ nɔ, ja lɛ pɛ.18Moo ngma womi nɛ ɔ kɛ ya ha Tiatira asafo ɔ bɔfo ɔ nɛ o de lɛ ke,
Sɛ nɛ je Mawu Bi ɔ nɛ e hɛ ngmɛ tsuɔ kaa la, nɛ e nanehi a he ngɛ kpɛe kaa ayawa a ji enɛ ɔ nɛ.19I le o ni tsumi ɔmɛ, o suɔmi kɛ o hemi kɛ yemi ɔ, o sɔmɔmi kɛ o tsui si tomi ɔ, nɛ i na kaa o piɔ ni tsumi ɔmɛ hi pe kekle ní ɔmɛ.20Se kɛ ɔ, nɔ́ nɛ i sume ngɛ o he ji kaa, o ha Yesebel, jamɛ a yo ɔ nɛ tsɛɛ e he gbalɔ ɔ, he blɔ nɛ e tsɔɔ ye sɔmɔli ɔmɛ ajuama bɔmi, nɛ e haa a yeɔ niye ni nɛ a kɛ sã bɔ ha wɔhi.21I ha lɛ be nɛ e kɛ tsake e tsui, se e tsakee we.22Enɛ ɔ he je ɔ, i ma ngɔ hiɔ nɛ nya wa kɛ fɔ e nɔ, kɛ e ajuama bɔli ɔmɛ tsuo. A maa na nɔ́ saminya, ja mɛ tsuo a tsake.23Nɛ i ma kpata e se nyɛɛli ɔmɛ a hɛ mi, nɛ asafo ɔmɛ tsuo ma na maa le kaa ami ji nɔ nɛ leɔ nimli a juɛmi kɛ a susumihi. Nɛ i ma wo nyɛ ti nɔ tsuaa nɔ hiɔ ngɛ e ni tsumi nya.24Se nyɛ Tiatira bimɛ nɛ he we tsɔɔmi nɛ ɔ yi, nɛ nyɛ kase we nɔ́ nɛ nihi tsɛɛ ke Abosiami nihi nɛ a mi kuɔ ɔmɛ ɔ, i ngɛ nyɛ dee ke i be tlomi kpa ko woe kɛ fɔ nyɛ nɔ.25Se mohu, nyɛɛ hɛɛ nɔ́ nɛ nyɛ le ɔ mi kpɛii kɛ ya si be nɛ ma ba.26Nɔ nɛ maa hɛɛ ye ni tsumi ɔ mi kɛ ya si nyagbe nɛ e maa ye kunimi ɔ, i ma ha lɛ he wami ngɛ ma amɛ a nɔ.27O maa ye a nɔ kɛ nine si wami kaa bɔ nɛ ye Tsɛ ha mi he wami kaa ma ye a nɔ ɔ. Nɛ o maa gbɛ mɛ dugudugu kaa bɔ nɛ a ywiaa buɛ ɔ.28Nɛ i ma ha mo neneene wami kaa dodoe ngɛ hiɔwe.29Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ.”
Munyuhi nɛ nɔ nɛ hɛɛ dodoehi kpaago ngɛ e hiɔ nine mi, nɛ e nyɛɛ ngɛ sika tsu kane tso kpaago ɔmɛ a kpɛti ɔ de ji nɛ ɔ nɛ.2I le o ni peemi ɔmɛ, o dengme gbomi kɛ o tsui si tomi ɔ. Nɛ i le bɔ nɛ o sume nimli yayahi ha, nɛ o kaa nihi nɛ peeɔ a he kaa bɔfohi se a pi ja a.3Nɛ ngɛ ye he je ɔ, o toɔ o tsui si, nɛ o naa amanehlu, nɛ pɔ tɔɛ o he.4Se kɛ ɔ, nɔ́ ko ngɛ nɛ dɛ ha mi ngɛ o he. Lɔ ɔ ji, o sume mi kaa bɔ nɛ o suɔ mi sa a.5Mo kai bɔ nɛ o suɔ mi kekle ɔ, konɛ o tsake o tsui, nɛ o hi si kaa kekle ɔ, ke pi ja a, ma ba o ngɔ nɛ ma ba je o kane tso ɔ kɛ je e ma he ɔ.6Se nɔ́ kake nɛ ngɛ o he nɛ hi ji kaa, o sume Nikolaime a ni tsumi ɔmɛ kaa bɔ nɛ imi hu i sume ɔ.7Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. I ma ha kunimi yelɔ ɔ he blɔ nɛ e ye wami tso ɔ nɛ ngɛ Mawu Paradeiso ɔ mi ɔ nɔ yiblii ɔ eko.8Moo ngma womi nɛ ɔ kɛ ya ha Smirna asafo ɔ bɔfo ɔ nɛ o de lɛ ke:
Nɔ́ nɛ Kekle no ɔ kɛ Nyagbe no ɔ, nɔ nɛ gbo nɛ e te si kɛ je gbeje ɔ de ji enɛ ɔ nɛ:9I le o ni tsumi ɔmɛ kɛ o haomi ɔmɛ kɛ o ohia a, se kɛ ɔ, niatsɛ ji mo ngɛ mumi mi. I le ni yayahi nɛ o he nyɛli ɔmɛ deɔ ngɛ o he. A tsɛɔ a he Yuda bi, nɛ ji Mawu bimɛ, se a pi ja, ejakaa Abosiami ni tsumi nɛ a tsuɔ.10Mo ko ye amanehlu nɛ maa ba o nɔ ɔ he gbeye; Abosiami maa ngɔ nyɛ ti ni komɛ ngɔ wo tsu mi nɛ a ka nyɛ, nɛ nyɛ maa na amanehlu ‘ligbi nyɔngma.’ Moo pee anɔkualetsɛ kɛ ya si gbenɔ mi, nɛ ma ha mo wami jlasi ɔ.11Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. Nɔ nɛ maa ye kunimi ɔ, a be lɛ nɔ́ yaya ko pee ngɛ gbenɔ nɛ ji enyɔ ɔ mi.12Ngmaa kɛ ya ha Pergamo asafo ɔ bɔfo ɔ ke:
Níhi nɛ nɔ nɛ hɛɛ hiɔ̃ nya enyɔtsɛ nɛ nya ba a de ji enɛ ɔ nɛ.13I le o sihi he, he nɛ Abosiami matsɛ sɛ ɔ ngɛ nɛ a jaa lɛ wawɛɛ ɔ. Se kɛ ɔ, o ngɛ ye se nyɛɛe kɛ sa. Nɛ benɛ Abosiami se nyɛɛli ɔmɛ gbe Antipa, ye he anɔkuale odase yelɔ ɔ ngɛ nyɛ kpɛti tete ɔ, o kua we mi.14Se kɛ ɔ, i kɛ mo ngɛ munyu bɔɔ ko, ejakaa o ngɛ nihi ngɛ lejɛ ɔ nɛ nyɛɛɔ Balaam tsɔɔmi ɔ se, nɔ nɛ ha Balak mlɔɔ Israel bi ɔmɛ nɛ a ye níhi nɛ a kɛ sã bɔ kɛ ha wɔhi, nɛ a bɔ ajuama, nɛ ha a nane tɔtɔ.15Ja a nɔuu kɛ o ngɛ nihi nɛ hɛɛ Nikolai bi ɔmɛ a tsɔɔmi ɔ mi.16Lɔ ɔ he je ɔ, mo tsake o tsui; ke pi ja a, i ma ba tlukaa nɛ i kɛ mɛ maa hwu ta kɛ ye nya mi hiɔ̃ ɔ.17Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. Nɔ nɛ maa ye kunimi ɔ, ma ha lɛ mana nɛ a kɛ laa a eko nɛ e ye. Nɛ i ma ha lɛ tɛ hiɔ nɛ a ngma biɛ he nɛ nɔ ko li ngɛ nɔ, ja lɛ pɛ.18Moo ngma womi nɛ ɔ kɛ ya ha Tiatira asafo ɔ bɔfo ɔ nɛ o de lɛ ke,
Sɛ nɛ je Mawu Bi ɔ nɛ e hɛ ngmɛ tsuɔ kaa la, nɛ e nanehi a he ngɛ kpɛe kaa ayawa a ji enɛ ɔ nɛ.19I le o ni tsumi ɔmɛ, o suɔmi kɛ o hemi kɛ yemi ɔ, o sɔmɔmi kɛ o tsui si tomi ɔ, nɛ i na kaa o piɔ ni tsumi ɔmɛ hi pe kekle ní ɔmɛ.20Se kɛ ɔ, nɔ́ nɛ i sume ngɛ o he ji kaa, o ha Yesebel, jamɛ a yo ɔ nɛ tsɛɛ e he gbalɔ ɔ, he blɔ nɛ e tsɔɔ ye sɔmɔli ɔmɛ ajuama bɔmi, nɛ e haa a yeɔ niye ni nɛ a kɛ sã bɔ ha wɔhi.21I ha lɛ be nɛ e kɛ tsake e tsui, se e tsakee we.22Enɛ ɔ he je ɔ, i ma ngɔ hiɔ nɛ nya wa kɛ fɔ e nɔ, kɛ e ajuama bɔli ɔmɛ tsuo. A maa na nɔ́ saminya, ja mɛ tsuo a tsake.23Nɛ i ma kpata e se nyɛɛli ɔmɛ a hɛ mi, nɛ asafo ɔmɛ tsuo ma na maa le kaa ami ji nɔ nɛ leɔ nimli a juɛmi kɛ a susumihi. Nɛ i ma wo nyɛ ti nɔ tsuaa nɔ hiɔ ngɛ e ni tsumi nya.24Se nyɛ Tiatira bimɛ nɛ he we tsɔɔmi nɛ ɔ yi, nɛ nyɛ kase we nɔ́ nɛ nihi tsɛɛ ke Abosiami nihi nɛ a mi kuɔ ɔmɛ ɔ, i ngɛ nyɛ dee ke i be tlomi kpa ko woe kɛ fɔ nyɛ nɔ.25Se mohu, nyɛɛ hɛɛ nɔ́ nɛ nyɛ le ɔ mi kpɛii kɛ ya si be nɛ ma ba.26Nɔ nɛ maa hɛɛ ye ni tsumi ɔ mi kɛ ya si nyagbe nɛ e maa ye kunimi ɔ, i ma ha lɛ he wami ngɛ ma amɛ a nɔ.27O maa ye a nɔ kɛ nine si wami kaa bɔ nɛ ye Tsɛ ha mi he wami kaa ma ye a nɔ ɔ. Nɛ o maa gbɛ mɛ dugudugu kaa bɔ nɛ a ywiaa buɛ ɔ.28Nɛ i ma ha mo neneene wami kaa dodoe ngɛ hiɔwe.29Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ.”
Biblica, Inc.