La Amɛ94
Yi mi wali a ni tsumi
1Oo Tsaatsɛ Mawu, mo nɛ o yeɔ nɔ nɛ a ye lɛ amimi sane kɛ haa lɛ ɔ, mo ha nɛ o anunyami ɔ nɛ kpɛ.2Moo te si, mo nɛ o ji je ɔ kulaa kojolɔ, nɛ o wo he nɔ wolɔ ɔ hiɔ.3Tsaatsɛ Mawu, mɛni be kulaa yi mi wali ɔmɛ maa ye a he kɛ ya si?4Mɛni be a maa tu munyu nɛ sɛ kɛ ya si? Nɛ mɛni be nihi nɛ tsuɔ yi mi wami ni tsumihi maa fia kɛ ya si?5Oo Tsaatsɛ Mawu, moo hyɛ bɔ nɛ a ngɛ o nimli ɔmɛ yi mi wae ha, nɛ a ha o suɔli ɔmɛ ngɛ nɔ́ nae.6A gbe yalɔyi ɔmɛ kɛ nibwɔ ɔmɛ, nɛ a gbe awusa amɛ.7Se kɛ ɔ, a ngɛ dee ke, “Mawu nɛ, aloo e pi Yakob Mawu ɔ kɔmɔ.”8Nyɛɛ le nɔ́, nyɛ nihi nɛ be juɛmi; nyɛ kuasiahi, mɛni be nyɛ hɛ mi maa tɛ?9Anɛ nɔ nɛ bɔ tue ɔ, lɛ nitsɛ e nui nɔ́ lo? Nɛ nɔ nɛ bɔ hɛ ngmɛ ɔ, lɛ nitsɛ e hyɛ we nɔ́ lo?10Lɛ nɔ nɛ gblaa wɔ jali a tue ɔ, anɛ e be nyɛ hiɔ woe lo? Lɛ nɔ nɛ tsɔɔ adesa nile, anɛ e be lee lo?11Neneene Tsɛ ɔ le adesa yi mi susumi ɔmɛ kaa a ji yakayaka níhi.12Oo Tsaatsɛ Mawu, a jɔɔ nɔ nɛ o gblaa e tue ɔ, nɛ o ngɔɔ o mlaa a kɛ tsɔɔ lɛ ni ɔ.13Konɛ o ha lɛ tue mi jɔmi ngɛ haomi behi a mi kɛ ya si a maa tsua muɔ kɛ ha yi mi wali ɔmɛ nɛ a ma kpata a hɛ mi.14Ejakaa Tsaatsɛ Mawu be e nimli ɔmɛ a he ngmɛɛe, nɛ e be e we bi ɔmɛ kuae hulɔ.15Kojomi kpakpa maa kpale kɛ ba ekohu, nɛ dali ɔmɛ tsuo ma nya.16Mɛnɔ maa te si kɛ wo yayami peeli ɔmɛ kɛ ha mi? Aloo mɛnɔ maa te si kɛ si yi mi wali ɔmɛ kɛ ha mi?17Kaa Tsaatsɛ Mawu yi kɛ bua we mi ɔ, jinɛ i gbo.18I kpa ngmlaa ke, “Tsaatsɛ Mawu, ye nane ngɛ sanee!” Kɛkɛ nɛ e na mi mɔbɔ nɛ e je mi.19Tsaatsɛ Mawu, ke ye juɛmi ngɛ mi pee sikɔsikɔ ɔ, ke ye tsui ngɛ mi haoe ɔ, moo jɔɔ ye bua nɛ o ha mi hɛ nɔ kami.20Anɛ o maa ngmɛ nɔ yeli ojo fiali blɔ nɛ a ye nɔ, nihi nɛ a kɛ mlaa tsu we ni ɔ lo?21A kpee kɛ woɔ dalɔ he, nɛ a buu nɔ nɛ li nɔ́ ko ɔ fɔ.22Se Tsaatsɛ Mawu ji ye he falɔ; lɛ ji tɛ sa, he nɛ i laa ye he ngɛ.23Nɛ e ma ha mɛ nitsɛmɛ a ni yayami ɔmɛ ma kpa bu a nɔ, nɛ e ma ha a yi mi wami ni tsumi ɔmɛ ma kpata a hɛ mi. Yehowa, wa Mawu ɔ maa poo mɛ kɛ pue si.Biblica, Inc.