La Amɛ7
Dami sane he sɔlemi
1Oo Nutsɔ, ye Mawu, o nɔ nɛ i ngɔ ye he kɛ fɔ nɛ o je mi kɛ je ye he nyɛli ɔmɛ a dɛ mi.2Ko ha he blɔ nɛ a nu mi kaa jata nuɔ nɔ, nɛ a sa mi kɛ ho nɛ nɔ ko be nɛ ma kpɔ mi.3Nutsɔ, ke ji i ngɛ yayami pee ɔ, lɛɛ e slo.4Ke i pee nɔ ko nɛ pee mi kpakpa yayami ko, aloo i ya tua nɔ ko nɛ i sume lɛ yaka gu.5Lɛɛ e maa da blɔ ke o ha nɛ ye he nyɛli ɔmɛ kpata ye hɛ mi, nɛ a pee mi posoposo, nɛ a naa ye nɔ nɛ a gbe mi klanaa.6Se ke pi ja a, lɛɛ Nutsɔ, tee si kɛ abofu kɛ kpee ye he nyɛli ɔmɛ. Mo wo o hɛ nɔ nɛ o ye dami sane ha mi.7Mo bua nimli kulaa a nya kɛ ba o hɛ mi nɛ o je hiɔwe lokoo kɛ kojo mɛ ngɛ a yayami ɔmɛ a he.8Moo wo mi nguɔ ngɛ ma hɛ mi, nɛ o je ye bumi kɛ anɔkuale kpo paa nɛ nɔ tsuaa nɔ nɛ e na.9Nutsɔ, mo ha nɛ yi mi wami kulaa se nɛ po; nɛ o jɔɔ nihi tsuo nɛ jaa mo ngɛ anɔkuale mi ɔmɛ, ejakaa dami Mawu kɛ dami sane yelɔ ji mo. O hyɛɔ nimli a tsui mi nɛ o naa a yi mi susumi kɛ a yi mi tomi ɔmɛ kɛ jee lokoo.10Ye kɛ̃ɛ̃ pulelɔ kɛ ye he bulɔ ji mo Mawu. O heɔ nihi nɛ a tsui mi tsɔ ɔmɛ a yi wami.11Mawu ji kojolɔ nɛ yeɔ dami sane kɛ pii si, nɛ e mi mi fuɔ yi mi wali daa ligbi.12Mawu maa duɔ e ta yami ha a nya nɛ e maa gbe mɛ, lɛɛ ja a tsake. E la kɛ̃ɛ̃ tso ɔ mi,13nɛ kɛ̃ɛ̃ mi bihi nɛ la ngɛ a nya ngɛ mi.14Nɔmlɔ yayami toɔ yi mi wami ga nɛ e tsuɔ he ni nyɔnyɔɔnyɔ. E yeɔ lakpa nɛ e peeɔ nyuami níhi.15Mo ha nɛ e klama amɛ a fɛ nɛ a du lɛ nitsɛ.16E yi mi wami ni ɔmɛ nɛ e to ha ni kpa amɛ a kpa bu lɛ nitsɛ e nɔ. Mo kpata e hɛ mi.17Oo, i naa Nutsɔ ɔ si, ejakaa e hi. Dalɔ ji lɛ. I ma la kɛ je Nutsɔ ɔ biɛ yi daa. Lɛ ji Nutsɔ nɛ pe nutsɔ ɔmɛ kulaa.Biblica, Inc.