La Amɛ65
Mawu he wami kɛ e ni kpakpa peemi ɔmɛ
1Oo Tsaatsɛ Mawu nɛ ngɛ Zion, wa daa si ngɛ o yi jee, nɛ wa ngɛ wa si womi ɔmɛ a nɔ yee.2Akɛnɛ o buu sɔlemi kɛ pɛɛ kpami tue he je ɔ, adesa fɛɛ adesa maa ba o ngɔ kɛ a hiami ni ɔmɛ.3Yayami ngɛ wa tsui mi, se o kɛ kee wɔ.4A jɔɔ nɔ nɛ o hla nɛ e hi o hi he klɔuklɔu ɔ. Ní kpakpa amɛ nɛ ngɛ lejɛ ɔ ma ha wɔ bua jɔmi babauu.5Oo Tsaatsɛ Mawu wa kpɔlɔ, kɛ gu o ni tsumihi kɛ o he wami nɛ he ngɛ gbeye ɔ nɔ ɔ, o ma fɔ wa he kɛ je wa he nyɛli a dɛ mi. Mo pɛ ji adesa fɛɛ adesa hɛ nɔ kami ngɛ je ɔ mi kulaa kɛ wo nɔ tsitsaa.6O bɔ yoku ɔmɛ kɛ o he wami ɔ.7O jɔɔ wo ɔmɛ a glimi kɛ je ɔ tsuo gidigidi peemi he.8Mawu, o anunyami ni peemi ni ɔmɛ peeɔ nɔ tsuaa nɔ nyakpɛ ngɛ je ɔ kɔ nya he fɛɛ he. Mɔtu kɛ gbɔkuɛ kulaa a, a naa bua jɔmi.9O haa nyu nɛɛ kɛ pueɔ zugba a nɔ nɛ e baa ni. Mawu, o pa amɛ a mi be gblie! O dlaa zugba a kɛ haa o bimɛ nɛ e haa a kpaa blɛfo babauu.10O haa nyu nɛɛ babauu nɛ dɔ ɔmɛ hyiɔ. Nyu fiami haa nɛ zugba a he jɔɔ nɛ zu kpɔ ɔmɛ ywiaa, nɛ dumi wu ɔmɛ puɛɔ.11O ha nɛ ni baa babauu ngɛ jeha a tsuo mi, nɛ he tsuaa he nɛ o maa gu ɔ, niye ni baa lejɛ ɔ.12Nga amɛ a nɔ hyiɔ tɔtɔɔtɔ kɛ ngma, nɛ yoku ɔmɛ a he hu peeɔ bua jɔmi kɛ niye ni sɔuu.13Tohi hyiɔ nga amɛ a nɔ, nɛ dɔ ɔmɛ a mi yuɔ kɛ blɛfo sɔuu. Je ɔ tsuo laa kɛ bua jɔmi.Biblica, Inc.