La Amɛ47
Matsɛ ɔ la
1Nyɛɛ ba, nyɛ ba fia nyɛ dɛ kɛ bua jɔmi, nɛ nyɛ la kɛ je Mawu yi.2Ejakaa Mawu Ope ɔ he ngɛ gbeye. Lɛ ji je ɔ tsuo Matsɛ.3E ha wa ye ma amɛ a nɔ kunimi,4nɛ e ngɔ jɔɔmi nɛ hi pe kulaa kɛ ha Yakob bimɛ nɛ e suɔ ɔ.5Mawu ho hiɔwe ya kɛ ngmlaa nɛ nya wa, kɛ tɛtlɛmatlɛ pɛmi.6Nyɛ la yi jemi la kɛ ha Mawu, nyɛ la yi jemi la! Nyɛ la yi jemi la kɛ ha wa Matsɛ ɔ, nyɛ la yi jemi la!7Ejakaa Mawu ji je ɔ tsuo Matsɛ, nyɛ la yi jemi la kɛ ha lɛ.8E hii si ngɛ e matsɛ sɛ klɔuklɔu ɔ nɔ, nɛ e ngɛ ma amɛ tsuo a nɔ yee.9Je ɔ mi nɔ yeli ɔmɛ kɛ wɔ pee kake kɛ ngɛ Abraham Mawu ɔ yi jee, ejakaa Mawu nɔ́ ji zugba a nɔ ta hwumi ni ɔmɛ. A woɔ e hɛ mi nyami babauu ngɛ he fɛɛ he.Biblica, Inc.