La Amɛ149
Kunimi yemi la
1Nyɛ je Yehowa yi! Nyɛ la la he kɛ ha lɛ. Nyɛ e nimli ɔmɛ, nyɛ tsuo nyɛ la kɛ je e yi.2Oo Israel, o bua nɛ jɔ ngɛ o Bɔlɔ ɔ he. Oo Yerusalem bi, nyɛ nya ngɛ nyɛ Matsɛ ɔ he.3Nyɛ je e biɛ ɔ yi kɛ do; nyɛ fiɛ do, nɛ nyɛɛ fia saku kɛ je e yi.4Yehowa naa e nimli ɔmɛ a he bua jɔmi; nɛ e woɔ he si bali ɔmɛ a hɛ mi nyami nɛ e haa a yeɔ kunimi.5Nyɛ ha nɛ Mawu nimli ɔmɛ a nya ngɛ a kunimi yemi ɔ mi, nɛ a la kɛ bua jɔmi nyɔ mi tsuo.6Nyɛ ha nɛ a kpa ngmlaa kɛ je Mawu yi, nɛ a hɛɛ a ta yami ha amɛ ngɛ a dɛ mi.7Nɛ a ye ma amɛ a nɔ kunimi, nɛ a gbla nimli ɔmɛ a tue.8Nɛ a wo a matsɛ ɔmɛ kɔsɔkɔsɔ kɛ asafoatsɛ ɔmɛ ga.9Nɛ a gbla a tue kaa bɔ nɛ Neneene Tsɛ ɔ fa a.Tsaatsɛ Mawu nimli ɔmɛ a kunimi yemi ji enɛ ɔ nɛ. Nyɛ je Yehowa yi!
Biblica, Inc.