Mateo16
Okadi hlami
1Ligbi ko ɔ, Farisi bi kɛ Saduki bi ɔmɛ ba ka Yesu nɛ a bi lɛ nɛ e tsɔɔ mɛ hiɔwe okadi ko.2E he nɔ nɛ e de mɛ ke, “Gbɔkuɛ mi ɔ, nyɛ deɔ ke, ‘Je mi ma tsɔ, ejakaa hiɔwe tsu;’ nɛ mɔtu mi ɔ nyɛ deɔ ke, ‘Hiɔmi maa nɛ mwɔnɛ ɔ, ejakaa hiɔwe tsu nɛ e hɛ mi ha.’ Nyɛ le hiɔwe je nihi a sisi tsɔɔmi, se nyɛ nyɛ we yi nɔ ɔmɛ a he okadi ɔmɛ a sisi nɛ nyɛɛ tsɔɔ!4Yi nɔ bimɛ yayamihi kɛ gba puɛli ngɛ nyakpɛ okadi hlae nɛ a na, se a be mɛ okadi kpa ko tsɔɔe, ja Yona okadi ɔ.” Kɛkɛ nɛ Yesu si mɛ.5Se benɛ kaseli ɔmɛ po wo ɔ kɛ ho e se ya a, a ya yo kaa a hɛɛ we abolo.6Nɛ Yesu de mɛ ke, “Nyɛ hɛ nɛ hi nyɛ he nɔ ngɛ Farisi bi kɛ Saduki bi ɔmɛ a ma sasɛ ɔ he.”7A susu kaa e ngɛ enɛ ɔ dee akɛnɛ a hɛɛ we abolo ɔ he je.8Se Yesu na a juɛmi nɛ e de mɛ ke, “Nyɛ nɛ nyɛ hemi kɛ yemi pi, mɛni he je nɛ abolo nɛ nyɛ hɛɛ we ɔ ngɛ nyɛ haoe?9Anɛ nyɛ nɛ níhi a nya kɛ sa? Nɛ nyɛ kai we nimli akpe enuɔ nɛ i ha mɛ abolo enuɔ nɛ a ye kɛ kusii abɔ nɛ nyɛ bua nya a?10Aloo nyɛ hɛ je nimli akpe eywiɛ nɛ i ha mɛ abolo kpaago nɛ a ye kɛ kusii abɔ nɛ nyɛ bua nya a nɔ lo?11Kɛ ji lɛ kɛɛ loko ji nyɛ nui sisi kaa tsa pi abolo he munyu nɛ i ngɛ tue ɔ? Se i ngɛ nyɛ dee ekohu ke, ‘Nyɛ hɛ nɛ hi nyɛ he nɔ ngɛ Farisi bi kɛ Saduki bi ɔmɛ a ma sasɛ ɔ he.’ ”12Enɛ ɔ ha nɛ a kɔ se jehanɛ ɔ kaa nɔ nɛ e ngɛ tsɔɔe kaa abolo ma sasɛ ɔ ji Farisi bi kɛ Saduki bi ɔmɛ a ni tsɔɔmi nɛ dɛ ɔ.Mɛnɔ ji mi?
13Benɛ Yesu ba Kaisaria Filipi zugba a nɔ ɔ, e bi e kaseli ɔmɛ ke, “Mɛnɔ ni ɔmɛ deɔ ke Nɔmlɔ Bi ɔ ji?”14A he nɔ ke, “Nihi deɔ ke, mo ji Yohane Baptisilɔ ɔ, nɛ ni komɛ deɔ ke mo ji Elia, nɛ ni komɛ hu deɔ ke mo ji Yeremia aloo gbali ɔmɛ a ti nɔ kake.”15E bi mɛ jehanɛ ɔ ke, “Se nyɛɛ lɛɛ mɛnɔ nyɛ deɔ ke i ji?”16Kɛkɛ nɛ Simon Petro he nɔ ke, “Mo ji Kristo, Mawu hɛ kalɔ Bi ɔ.”17Nɛ Yesu ha lɛ heto ke, “A gbaa mo, Simon, Yona bi, ejakaa pi nɔmlɔ adesa nɛ je enɛ ɔ kɛ tsɔɔ mo, se mohu ye Tsɛ nɛ ngɛ hiɔwe ɔ nɛ je kɛ tsɔɔ mo.18Nɛ i ngɛ mo dee ke mo ji Petro, tɛ sa, nɛ o nɔ ma fia ye asafo ɔ ngɔ ma, nɛ gbeje he wami ɔmɛ kulaa be nyɛe nɔ maa ye.19Nɛ ma ngɔ Hiɔwe Matsɛyemi ɔ nya samfie ɔmɛ kɛ ha mo, nɛ tsu tsuaa tsu nɛ o maa ngmɛ mi ngɛ zugba nɛ ɔ nɔ ɔ, a maa ngmɛ mi ngɛ hiɔwe, nɛ tsu tsuaa tsu nɛ o ma bli nya ngɛ zugba nɛ ɔ nɔ ɔ, a ma bli nya ngɛ hiɔwe!”20Kɛkɛ nɛ e bɔ e kaseli ɔmɛ kɔkɔ ke a ko de nɔ ko ke lɛ ji Kristo ɔ.Yesu tsi e gbenɔ kɛ e si temi nɔ ta
21Kɛ je jamɛ a be ɔ mi ɔ, Yesu bɔni e kaseli ɔmɛ demi paa ke e maa ya Yerusalem nɛ e ma ya na amanehlu babauu ngɛ nikɔtɔma amɛ kɛ osɔfo nikɔtɔma amɛ kɛ mlaa tsɔɔli ɔmɛ a dɛ mi. A maa gbe lɛ, nɛ a ma tle lɛ si kɛ je gbeje kɛ ba wami mi ekohu ngɛ ligbi nɛ ji etɛ ɔ nɔ.22Se Petro tsɛ lɛ kɛ ba se nɛ e bɔni lɛ kɔkɔ bɔmi ke, “Nutsɔ, a hiɔ ! Enɛ ɔ e ko ba o nɔ kɔkɔɔkɔ!”23Yesu plɛ e hɛ nɛ e de Petro ke, “Jee ye nɔ Abosiami! O ngɛ ye nane kpatae, ejakaa o susuu we Mawu níhi a he, se mohu nimli a nihi a he o susuu.”24Kɛkɛ nɛ Yesu de e kaseli ɔmɛ ke, “Ke nɔ ko suɔ kaa e nyɛɛ ye se ɔ, e kua e he nɛ e wo e sɛumi tso ɔ nɛ e nyɛɛ ye se.25Ejakaa nɔ tsuaa nɔ nɛ suɔ kaa e maa baa e klaa yi ɔ, e maa laa lɛ, se nɔ tsuaa nɔ nɛ maa laa e klaa ngɛ ye he ɔ, e nine maa su nɔ ekohu.26Mɛni se nɛ nɔmlɔ ma na, ke e nine su je mluku ɔ tsuo nɔ, se e laa e klaa? Aloo mɛni nɔmlɔ maa ngɔ kɛ to e klaa nane mi?27Ejakaa Nɔmlɔ Bi ɔ maa ba ngɛ e Tsɛ anunyami ɔ mi kɛ e bɔfo ɔmɛ, nɛ e maa kojo nɔ tsuaa nɔ ngɛ e ni tsumi ɔ nya.28Nɛ i ngɛ nyɛ dee anɔkuale mi ke, nyɛ nihi nɛ daa si ngɛ hiɛ ɔ, nyɛ ti ni komɛ maa hi wami mi kɛ ya si a maa na Nɔmlɔ Bi ɔ nɛ ma ngɛ e Matsɛyemi ɔ mi.”Biblica, Inc.