Yakobo2
Nyɛ ko hla nimli a mi
1Anyɛmimɛ, kɛ maa pee kɛɛ nɛ nyɛ ma de ke Nutsɔ Yesu Kristo nɛ ji anunyami Nutsɔ ɔ ní ji nyɛ, ke nyɛ suɔ niatsɛmɛ se nyɛ sume ohiafohi.2Ejakaa ke ji niatsɛ nɛ wo sika tsu nguɛ ga kɛ e he afɛu tade ba nyɛ he nya buami he, nɛ ohiafo hu ba kɛ e he tade yaya,3nɛ nyɛ he niatsɛ ɔ kɛ bumi nɛ nyɛ de lɛ ke, “Taflatsɛ, o sɛ ji enɛ,” se nyɛ de ohiafo ɔ lɛɛ ke, “Moo da si ngɛ lejɛ ɔ” aloo “Moo hi si ngɛ zugba” a nɛɛ,4anɛ nyɛ hlɛ nimli a mi lo, nɛ nyɛ wo we juɛmi nɛ dɛ kɛ kojo we lo?5Anyɛmimɛ nɛ a suɔ, nyɛɛ bu mi tue, Mawu hla ni nɛmɛ nɛ be nɔ́ ko ngɛ je mi ɔmɛ nɛ e pee mɛ niatsɛmɛ ngɛ hemi kɛ yemi mi, nɛ Hiɔwe Matsɛyemi ɔ peeɔ a nɔ, ejakaa ja a ji bɔ nɛ e wo he si kaa e maa ngɔ kɛ ha ni nɛmɛ nɛ suɔ lɛ ɔ.6Se nyɛɛ lɛɛ nyɛ bui ohiafo kɛ ha nɔ́ ko. Tsa pi niatsɛ ɔmɛ nɛ a waa nyɛ yi mi nɛ a woɔ nyɛ kɛ yaa sane yemi he ɔmɛ ɔ lo?7Tsa pi mɛ nɛ a muɔɔ Yesu Kristo, nɔ nɛ biɛ nɛ a kɛ tsɛɔ nyɛ ɔ lo?8Ke nyɛ ye wa Nutsɔ ɔ mlaa nɛ e wo ngɛ Ngmami ɔ mi nɔ, nɛ deɔ ke, “Moo suɔ o nyɛmi nɛ o ye kɛ bua lɛ kaa bɔ nɛ o suɔ mo nitsɛ o he nɛ o hyɛɔ o he nɔ” ɔ, lɛɛ nyɛ pee saminya.9Se ke nyɛ hla nihi a mi, nɛ nyɛ hyɛ nihi a hɛ mi pɛ, nyɛ pee yayami nɛ nyɛ tɔ Nutsɔ ɔ mlaa a nɔ.10Ejakaa nɔ tsuaa nɔ nɛ yeɔ Mawu mlaa amɛ kulaa a nɔ se e tɔɔ a mi kake too nɔ ɔ, e ngɛ kaa nɔ nɛ tɔ mlaa amɛ tsuo nɔ.11Ejakaa nɔ nɛ de ke, “Mo ko bɔ ajuama” a, lɛ kɛ nɛ e de ke, “Mo ko gbe nɔmlɔ.” Nɛ lɔ ɔ he je ɔ, ke o bɔɛ ajuama se o gbe nɔmlɔ pɛ o pee Mawu mlaa a nɔ tɔlɔ.12Nɛ lɔ ɔ he je ɔ, nyɛɛ ba nyɛ je mi ngɛ nyɛ ni peemi ni kɛ nɔ́ nɛ nyɛ susuu mi, kaa nihi nɛ a maa kojo mɛ kaa a ye Kristo mlaa amɛ a nɔ aloo a yi nɔ.13Nɛ nihi nɛ a nɛ mɔbɔ ɔ, a be mɛ mɔbɔ nae, se nihi nɛ naa mɔbɔ ɔ, Mawu mɔbɔ nami ɔ maa ye kojomi nɛ e maa kojo mɛ ɔ nɔ.Hemi kɛ yemi kɛ ni tsumi
14Anyɛmimɛ nɛ a suɔ, mɛni se nami nɛ ngɛ he, ke nyɛ ma de ke Kristo se nyɛɛli ji nyɛ nɛ nyɛ ngɛ hemi kɛ yemi, se nyɛ yi kɛ bua we ni kpahi konɛ nyɛ kɛ tsɔɔ ja. Anɛ jamɛ a hemi kɛ yemi ma nyɛ nɔ ko yi wami ma he lo?15Ke ji nyɛminyumu loo nyɛmiyo ko he bo gba nɛ e be nɔ́ ko hu nɛ e yeɔ,16nɛ nyɛ ti nɔ ko de lɛ ke, “Moo ya ngɛ he jɔmi mi, fiɛ nɛ ko ye mo, nɛ hwɔ hu nɛ ko ye mo”, se e ha we lɛ níhi nɛ a he ngɛ lɛ hiae ɔ nɛɛ, mɛni se nami nɛ ngɛ he lo?17Lɔ ɔ he je ɔ, pi hemi kɛ yemi kɛkɛ nɛ he hia, se mohu e he hia kaa nyɛɛ pee kpakpa hulɔ nɛ nyɛ kɛ tsɔɔ kaa nyɛ ngɛ hemi kɛ yemi. Hemi kɛ yemi nɛ ni tsumi piɛ we he ɔ, e ji hemi kɛ yemi nɛ he be se nami ko.18Se nɔ ko ma de ke, “O de ke hemi kɛ yemi kɛkɛ nɛ a kɛ naa Mawu se blɔ, nɛ nɔ́ ko piɛ we he hu. Se i ngɛ dee ke, ni tsumi kpakpa hu he hia, ejakaa ke ni tsumi kpakpa piɛ we he ɔ, o be nyɛe maa tsɔɔ kaa o ngɛ hemi kɛ yemi, se kɛ gu ye nɔ́ peepee mi ɔ, nɔ ko maa na kaa i ngɛ hemi kɛ yemi.”19Anɛ ni komɛ ngɛ nyɛ kpɛti kɛ sa nɛ deɔ ke hemi kɛ yemi kɛkɛ hiɛ lo? Mawu kake ɔ nɔ hemi kɛ yemi? Se nyɛ kai kaa mumi yayahi hu heɔ enɛ ɔ yeɔ kɛ gbeye kɛ he kpokpomi.20Mɛni be o maa le kaa hemi kɛ yemi gu he be se nami ke o pee we nɔ nɛ Mawu ngɛ hlae ɔ kɛ piɛ we he. Hemi kɛ yemi nɛ ni tsumi kpakpa ji mi ɔ, e pi anɔkuale hemi kɛ yemi.21O kai we kaa nɔ́ nɛ wa tsɛ Abraham tsu, kaa e bu Mawu tue nɛ e ngɔ e bi Isak nɛ e ma kɛ sã bɔ ɔ, he je nɛ a bu lɛ dalɔ ɔ lo?22O maa na kaa hemi kɛ yemi he je nɛ e suɔ nɛ e maa pee nɔ́ tsuaa nɔ nɛ Mawu de lɛ ɔ nɛ; nɛ kɛ gu nɔ́ nɛ e tsu ɔ nɔ ɔ, e hemi kɛ yemi ɔ hyi obɔ.23Nɛ Mawu munyu nɛ de ke, “Nɛ Abraham he Mawu ye nɛ enɛ ɔ ha nɛ e bu lɛ dalɔ” ɔ ba mi. Nɛ a tsɛ lɛ Mawu huɛ.24Enɛ ɔ ma ha nɛ nyɛ maa na kaa nɔ ni tsumihi hu a nɔ nɛ a daa kɛ heɔ e yi wami, se pi e hemi kɛ yemi pɛ kɛkɛ.25Nɛ ja a kɛ̃ nɛ a da Rahab ajuamatsɛ ɔ ni peemi nɔ, kaa e ngɔ tsɔli ɔmɛ ngɔ laa nɛ e tsɔɔ mɛ blɔ kpa kɛ ho ɔ, nɛ a kɛ he e yi wami.26Ejakaa, kaa bɔ nɛ ke mumi ɔ be nɔmlɔ tso ɔ mi pɛ nɔmlɔ tso ɔ peeɔ nɔ gbogboe ɔ, ja a kɛ̃ nɛ hemi kɛ yemi nɛ ni tsumi kpakpa piɛ we he ɔ, peeɔ hemi kɛ yemi gbogboe.Biblica, Inc.