Efeso1
1Mamimɛ ngɛ Efeso, anɔkua Kristo se nyɛɛli nɛ a suɔ ngɛ Nutsɔ ɔ mi: Imi Paulo nɛ ji Yesu Kristo tsɔlɔ nɛ Mawu hla, nɛ ngɛ nyɛ womi nɛ ɔ ngmae.2Dloomi kɛ he jɔmi nɛ je wa Tsɛ Mawu kɛ wa Nutsɔ Yesu Kristo dɛ mi ɔ ha nyɛ.3Yi jemi ha Mawu, wa Nutsɔ Yesu Kristo Tsɛ ɔ, nɔ nɛ kɛ hiɔwe jɔɔmi babauu jɔɔ wɔ, ejakaa Kristo nihi ji wɔ ɔ.
Mawu yi mi tomi ɔ je kpo
4Kɛ je blema, loko ji e bɔ je ɔ, Mawu hla wɔ kɛ pee lɛ nitsɛ e nimli ngɛ nɔ́ nɛ Kristo ma ba tsu ha wɔ ɔ he je. Nɛ e to nɛ e maa pee wɔ klɔuklɔu nɛ yayami ko nɛ ko hi wa he ngɛ e hɛ mi, ngɛ suɔmi nɛ e suɔ wɔ ɔ he je.5E yi mi tomi nɛ tsakee we ji kaa e ma ha nɛ Kristo nɛ e ba gbo ngɛ wa he konɛ e ngɔ wɔ kɛ piɛɛ lɛ nitsɛ e weku ɔ he. Nɛ e ha e yi mi tomi nɛ ɔ ba mi.6Jehanɛ ɔ, nyɛ ha nɛ wa je Mawu yi ngɛ nyakpɛ suɔmi nɛ e kɛ suɔ wɔ, kɛ dloomi nɛ e dloo wɔ ngɛ e suɔmi Bi ɔ níhi nɛ wa ji ɔ he.7Ngɛ e mi mi jɔmi babauu ɔ nya a, e kɛ e Bi ɔ muɔ je wa he yayami ɔmɛ nɛ e kɛ kpɔ wɔ.8E dloo wɔ kɛ dloomi nɛ pe kulaa, ejakaa e le wɔ nɛ e le nɔ́ nɛ hi ha wɔ be fɛɛ be.9Mawu ha nɛ wa le e laami yi mi tomi ɔ, nɔ́ nɛ he je nɛ e tsɔ Kristo kɛ ba ngɛ ɔ. Nɛ enɛ ɔ ji yi mi nɛ e to momoomo ngɛ e mɔbɔ nami ɔ nya.10Nɛ ke be nɛ e to ɔ su ɔ, e ma bua wɔ tsuo wa nya kɛ je he tsuaa he nɛ wa ngɛ, hiɔwe jio, zugba a nɔ jio, kɛ ba e ngɔ nɛ waa kɛ lɛ nɛ hi si ngɛ Kristo mi kɛ ya neneene.11Ngɛ nɔ́ nɛ Kristo tsu ɔ he je ɔ, wa peeɔ nike níhi kɛ ha Mawu, nike níhi nɛ e suɔ. Nɛ akɛnɛ wa ngɛ e yi mi tomi ɔ mi he je ɔ, e hla wɔ kɛ je sisije kɛ pee e nihi, nɛ nɔ́ tsuaa nɔ́ ya nɔ pɛpɛɛpɛ kaa bɔ nɛ e to he blɔ nya kɛ je blema a.12Nɔ́ nɛ Mawu ngɛ hlae ji kaa wa je e yi, nɛ waa wo e hɛ mi nyami ngɛ ni nɛ ɔmɛ nɛ e tsu kɛ ha wɔ ɔ he, wɔ nɛ wa ji kekle nihi nɛ he Kristo nɔ ye ɔ.13Ngɛ nɔ́ nɛ Kristo tsu ɔ he je ɔ, nyɛ nihi hu nɛ nyɛ nu yi wami hemi he Manye Munyu ɔ nɛ nyɛ he Kristo nɔ ye ɔ, Mumi Klɔuklɔu ɔ nɛ a wo wɔ Kristo se nyɛɛli tsuo si ngɛ he ɔ, e wo nyɛ he so kaa Kristo nihi ji nyɛ.14Wa mi nɛ e ngɛ ɔ tsɔɔ kaa Mawu maa ye e si womi ɔ nɔ niinɛ nɛ e ma ha wɔ nɔ́ tsuaa nɔ́ nɛ e wo wɔ si ngɛ he ɔ. Mumi ɔ hu maa nɔ mi ngɛ wa mi kaa Mawu he wɔ momo, nɛ e wo si nɛ e ma ba ngɔ wɔ kɛ ho e ngɔ ya. Ngɛ enɛ ɔ hu he ɔ, e sa nɛ wa je wa anunyami Mawu ɔ yi.15Enɛ ɔ he je ɔ, kɛ je benɛ i nu nyɛ hemi kɛ yemi nɛ nyɛ ngɛ ngɛ Nutsɔ Yesu mi ɔ, kɛ suɔmi nɛ nyɛ ngɛ kɛ ha Kristo se nyɛɛli nɛ ngɛ he fɛɛ he ɔ,16i jɔɔ we Mawu si nami kɛ ha nyɛ. I kaiɔ nyɛ daa ngɛ sɔlemi mi, nɛ i biɔ anunyami Mawu ɔ, wa Nutsɔ Yesu Kristo Tsɛ ɔ, nɛ e ha nyɛ nile nɛ nyɛɛ na paa, nɛ nyɛɛ nu nɔ nɛ Kristo ji ɔ sisi kɛ nɔ́ nɛ e ba tsu ha nyɛ ɔ.18Nɛ i sɔleɔ hu kaa e bli nyɛ mumi mi hɛ ngmɛ ɔmɛ nɛ nyɛɛ na nɔ́ nɛ e tsɛ nyɛ kɛ ha a, nɛ fɔɔ si ngɛ nyɛ hɛ mi nɛ nyɛ nine maa su nɔ hwɔɔ se ɔ. I ngɛ hlae nɛ nyɛɛ le kaa a pee Mawu niatsɛ, ejakaa wɔ nɛ ji Kristo nihi ɔ, a ngɔ wɔ kɛ ha lɛ.19Nɛ i ngɛ sɔlee nɛ nyɛɛ le bɔ nɛ e he wami kle hluu kɛ ha, nɛ e ma nyɛ ye kɛ bua nihi nɛ heɔ e nɔ yeɔ. Jamɛ a he wami ɔ nɔuu20nɛ e kɛ tle Kristo si kɛ je gbeje nɛ e kɛ lɛ hi anunyami ngwɔ he ngɛ Mawu hiɔ nine nɔ ngɛ hiɔwe,21nɛ e wo e nɔ pe matsɛ loo nɔ yelɔ loo hɛ mi nyɛɛlɔ ko. Nɛ nɔ ko be nɛ kɛ lɛ sɔ ngɛ anunyami mi ngɛ je nɛ ɔ mi loo je nɛ maa ba a mi.22Mawu ngɔ níhi kulaa ngɔ wo e dɛ, nɛ e pee lɛ asafo ɔ kulaa Yi.23Asafo ɔ ji lɛ nitsɛ e nɔmlɔ tso ɔ, nɛ lɛ nitsɛ e ngɛ mi, nɛ lɛ ji nɔ́ tsuaa nɔ peelɔ, nɛ lɛ ji nɔ nɛ haa nɔ nɔ́ tsuaa nɔ ngɛ he fɛɛ he.Biblica, Inc.