Bɔfo Ɔmɛ4
A nu Petro ke Yohane
1Benɛ Yohane kɛ Petro ngɛ munyu ɔ tue kɛ ngɛ ni ɔmɛ tsɔɔe ɔ, osɔfo nikɔtɔma amɛ kɛ Sɔlemi We Asafoatsɛ ɔ kɛ Saduki bi komɛ ba na mɛ2kɛ abofu, ejakaa a ngɛ dee ke Yesu te si kɛ je gbeje.3A nu mɛ, nɛ akɛnɛ je jɔ he je ɔ, a ya wo mɛ tsu kɛ ya si je na.4Se nihi nɛ nu a fiɛmi ɔ, a ti nihi fuu he ye, nɛ nihi nɛ he ye jehanɛ ɔ maa su akpe enuɔ.5Nɛ e ba mi kaa benɛ je na a, Yuda bi ɔmɛ a nikɔtɔma amɛ tsuo ba bua a he nya ngɛ Yerusalem,6nɛ Osɔfo Nɔkɔtɔma Anas kɛ Kaiafa kɛ Yohane kɛ Aleksandro kɛ ni kpahi nɛ je Osɔfo Nɔkɔtɔma a weku ɔ mi ɔ ba piɛ a he ngɛ lejɛ ɔ.7Kɛkɛ nɛ a kpaka kaseli enyɔ ɔmɛ kɛ ba da si ngɛ a hɛ mi nɛ a bi mɛ ke, “Mɛni he wami nyɛ ngɛ aloo mɛnɔ ji nɔ nɛ ha nyɛ he blɔ nɛ nyɛ kɛ tsu kikɛmɛ a nɔ́ nɛ ɔ?”8Kɛkɛ nɛ Petro nɛ Mumi Klɔuklɔu ɔ hyi lɛ tɔ ɔ ha mɛ heto ke, “Wa nimeli kɛ ma hɛ mi nyɛɛli,9ke nɔ́ kpakpa nɛ a pee kɛ ha akpaketsɛ ɔ, kɛ bɔ nɛ a pee kɛ tsa lɛ ɔ he je nɛ a nu wɔ ngɛ ɔ,10lɛɛ i ngɛ hae nɛ nyɛ kɛ Israel ma a kulaa nɛ le kaa Yesu Nazaret no nɛ ji Mesia a nɛ nyɛ sɛu lɛ, nɛ Mawu tle lɛ si kɛ je gbeje ɔ biɛ mi, kɛ he wami nya nɛ wa tsa nyumu nɛ daa si nɛ ɔ ngɛ.11Ejakaa Yesu, Mesia a ji tɛ ɔ nɛ a tu he munyu ngɛ Ngmami ɔ mi ke tsu fiali ɔmɛ sake ngɔ fɔ he, se lɛ nɔuu e ba plɛ kɔ nya tɛ ɔ nɛ.12A be yi wami hemi nae kɛ je nɔ kpa ko dɛ, nɛ biɛ kpa ko hu be hiɔwe nɛ a maa gu nɔ kɛ he nimli a yi wami.”13Benɛ kpe ɔ na ka nɛ Petro kɛ Yohane hɛɛ ɔ, nɛ a na le kaa a li womi mi nɛ a ji nimli gu komɛ kɛkɛ ɔ, a nya kpɛ a he nɛ a kɔ se kaa a ji nihi nɛ a kɛ Yesu hi si.14Akɛnɛ nɔ nɛ a tsa a hu daa si ngɛ lejɛ ɔ he je ɔ, a nyɛ we nɛ a gbe e tsami ɔ he guɛ.15Lɔ ɔ he je ɔ, a je mɛ kpo nɛ a ya a he dami.16Nɛ a bi a he ngɛ dami ɔ ke, “Kɛ wa maa pee nimli nɛ ɔmɛ kɛɛ? Ejakaa nɔ tsuaa nɔ ngɛ Yerusalem ɔ na le okadi agbo nɛ a pee nɛ ɔ, nɛ wa be nyɛe ma de ke e be mi.17Se bɔ nɛ pee nɛ a ko gbɛ a ni tsɔɔmi ɔ kɛ fia ngɛ ma a mi he je ɔ, nyɛ ha nɛ waa wo a he gbeye konɛ a ko pee nɔ́ ko kaa kikɛ ɔ hu.”18Nɛ a tsɛ mɛ kɛ ba ekohu nɛ a bɔ mɛ kɔkɔ ke a ko tu Yesu he munyu ko kulaa hu.19Se Petro kɛ Yohane he nɔ nɛ a de mɛ ke, “Ke e sa ngɛ Mawu hɛ mi kaa waa bu nyɛ mohu tue pe Mawu ɔ, lɛɛ nyɛɛ kojo.20Ejakaa wɔɔ lɛɛ wa be kɔ nyɛe maa pee kaa ja wa de nyakpɛ níhi nɛ Yesu pee kɛ níhi nɛ wa nu ngɛ e nya a.”21Kɛkɛ nɛ a wo a he gbeye ekohu nɛ a ngmɛɛ a he, ejakaa ke a gbla a tue ɔ, gidigidi maa ba ma a mi; ejakaa nɔ tsuaa nɔ ngɛ Mawu yi jee22ngɛ nyakpɛ tsami nɛ a tsa akpaketsɛ nɛ nyɛɛ we jeha nyingmi eywiɛ sɔuu ɔ he.23Benɛ a ngmɛɛ a he ɔ, Petro kɛ Yohane ba kaseli kpa amɛ a ngɔ nɛ a ba bɔ mɛ nɔ́ nɛ osɔfo nikɔtɔma amɛ kɛ ma mi nikɔtɔma amɛ de mɛ ɔ.Asafo ɔ sɔle kɛ yi jemi
24Benɛ Yesu se nyɛɛli ɔmɛ nu nɔ́ nɛ ba Petro kɛ Yohane nɔ ɔ, mɛ tsuo a sɔle kɛ gbi kake nɛ a de ke, “Nutsɔ, Hiɔwe kɛ Zugba kɛ Wo kɛ nɔ́ tsuaa nɔ nɛ ngɛ a mi ɔ Bɔlɔ,25mo nɛ o tu munyu ngɛ Mumi Klɔuklɔu ɔ mi kɛ gu wa nɛ Matsɛ David o tsɔlɔ ɔ nɔ nɛ o de ke, ‘Mɛni he je nɛ wɔ jali na Nutsɔ ɔ he abofu, nɛ mahi hu te si kɛ wo Mawu Ope ɔ yaka gu?26Nɛ zugba a nɔ matsɛmɛ hu pee kake kɛ te si kɛ si Mawu kɛ e Bi nɛ e pɔ lɛ nu ɔ.’27Enɛ ɔ ji nɔ́ nɛ ngɛ nɔ yae ngɛ ma nɛ ɔ mi amlɔ nɛ ɔ. Ejakaa Matsɛ Herode kɛ Pontio Pilato nɛ ji amlaalo ɔ kɛ Roma bi kɛ Israel ma a tsuo pee kake kɛ wo o tsɔlɔ nɛ ji o Bi Klɔuklɔu Yesu nɛ o pɔ lɛ nu ɔ he.28Nɛ a be kpae kaa ja a pee nɔ́ tsuaa nɔ nɛ o de kɛ to ngɛ o nile kɛ o he wami nya kaa a pee ɔ.29Nutsɔ, moo hyɛ bɔ nɛ a ngɛ wa he gbeye woe ha. Moo wo o tsɔɔli ɔmɛ ka nɛ a kɛ fiɛ o Manye Munyu ɔ,30nɛ o ha wɔ hiɔ tsami he wami, nɛ o ha waa pee okadihi kɛ nyakpɛ níhi babauu ngɛ Yesu o Bi Klɔuklɔu ɔ biɛ mi.”31Benɛ a gbe sɔlemi nɛ ɔ nya pɛ nɛ tsu ɔ mi he nɛ a kpe ngɛ ɔ tsuo hoso nɛ Mumi Klɔuklɔu ɔ ba hyi mɛ tɔ nɛ a fiɛ Mawu Munyu ɔ kɛ ka.Asafo ɔ pee kake kɛ hi si
32Nɛ nihi nɛ he ye ɔmɛ tsuo pee kake kɛ hi si nɛ a ti nɔ ko pee we e he kaa níhi nɛ e ngɛ ɔ, lɛ nitsɛ e nɔ́ i. Se mohu a ngɔ kulaa ngɔ pee kake nɛ a dla kɛ ha nɔ tsuaa nɔ.33Nɛ bɔfo ɔmɛ fiɛ Manye Munyu ɔ kɛ he wami nɛ a ye Nutsɔ Yesu si temi ɔ he odase, nɛ mɛ nihi nɛ a he ye ɔ na a bi a he bua jɔmi babauu.34A ti nɔ ko yí ohia, ejakaa a ti nihi nɛ ngɛ zugba loo wehi ɔ, a ho ya jua mɛ35nɛ a ngɔ sika a kɛ ba ha bɔfo ɔmɛ nɛ a gba kɛ ha a ti nihi nɛ be nɔ́ ko ɔmɛ.36E ba mi kaa Yosef nɛ ji Levi no ko nɛ je Kipro wo kpɔ ɔ nɔ ɔ, nɛ bɔfo ɔmɛ wo lɛ biɛ ke Barnaba a hu37piɛ nihi nɛ ya jua a zugbahi nɛ a kɛ sika a ba ha bɔfo ɔmɛ nɛ a dla kɛ ha ohiafo ɔmɛ ɔ a he.Biblica, Inc.