Bɔfo Ɔmɛ17
Paulo na amanehlu
1Jehanɛ ɔ a nyɛɛ kɛ gu Amfipoli kɛ Apolonia ma amɛ a mi kɛ ba Tesalonika he nɛ Yuda bi ɔmɛ a kpe he ko ngɛ ɔ.2Nɛ kaa bɔ nɛ Paulo pɔɔ peemi ɔ, e ya fiɛ ngɛ kpe he ɔ ngɛ Hejɔɔmi Ligbi etɛ sɔuu nɔ nɛ e tsɔɔ Tesalonika bi ɔmɛ nihi nɛ ngɛ Ngmami Klɔuklɔu ɔ mi.3E de mɛ níhi nɛ gbali ɔmɛ ngma nɛ kɔɔ Yesu nɛ ji Mesia a e amanehlu kɛ e si temi kɛ je gbeje ɔ he.4Nɛ nihi nɛ nu munyu ɔ he ye nɛ a tsake a tsui. A kpɛti ni komɛ ji Hela bi Mawu gbeye yeli kɛ ma mi yi nikɔtɔma komɛ.5Enɛ ɔ pee Yuda bi ɔmɛ a nikɔtɔma amɛ tai. Lɔ ɔ he je ɔ, a ya dɔ awi yeli kɛ wo a he nɛ a bɔni gidigidi peemi; nɛ a ya bɔle kaselɔ ko nɛ a tsɛɛ lɛ ke Yason ɔ e we ɔ konɛ a nu Paulo kɛ Sila kɛ ya kojomi he ɔ nɛ a ya kojo mɛ.6Se benɛ a ya nɛ mɛ ngɛ lejɛ ɔ, a nu Yason kɛ kaseli ɔmɛ a ti ni komɛ kɛ ba kojomi he ɔ nɛ a ba po a nya kɛ ngmlaa ke, “Paulo kɛ Sila plɛ je ɔ hɛ mi bu si, nɛ a ba hiɛ ɔ hu nɛ a ba pee wa ma a mi gidigidi.7Nɛ Yason he mɛ kɛ to ngɛ e we ɔ mi. Mɛ tsuo a yeɔ gbenɔ fɔ, ejakaa a ngɛ matsɛ kpa nɛ a ngɛ tsɛe ke Yesu toe ngɛ Matsɛ Kaisare nane mi.”8Sane nɛ ɔ he wa ha ma mi bi ɔmɛ kɛ kojoli ɔmɛ tsuo, lɔ ɔ he je ɔ, a he se dami ni ngɛ Yason kɛ kaseli kpa amɛ a dɛ loko ji a ngmɛɛ a he.10Jamɛ a nyɔ ɔ mi nɔuu ɔ, kaseli ɔmɛ je Paulo kɛ Sila blɔ kɛ ho Beroia ya; nɛ kaa bɔ nɛ a pɔɔ peemi ɔ, a ya fiɛ ngɛ lejɛ ɔ kpe he ɔ.11Se Beroia bi ɔmɛ nuɔ nɔ́ sisi pe Tesalonika bi ɔmɛ. Lɔ ɔ he je ɔ, a bu Mawu Manye Munyu ɔ nɛ Paulo kɛ Sila fiɛ ha mɛ ɔ tue, nɛ a kaneɔ Ngmami Klɔuklɔu ɔ daa. A ngɛ hlae nɛ a hyɛ kaa nɔ́ nɛ Paulo kɛ Sila ngɛ mɛ dee ɔ ngɛ mi ja a lo.12Enɛ ɔ ha nɛ a ti nihi fuu kɛ Hela yi nikɔtɔma komɛ nɛ a le mɛ saminya a he ye.13Benɛ Yuda bi ɔmɛ nɛ ngɛ Tesalonika a nu kaa Paulo ngɛ fiɛe ngɛ Beroia a, a bu e nɔ nɛ a ya puɛ ni ɔmɛ a tue.14Se kaseli ɔmɛ ye kɛ bua Paulo nɛ a je lɛ blɔ kɛ gu wo ɔ nya, se Sila kɛ Timoteo tlɔ si.15Nɛ Paulo blɔ jeli ɔmɛ kɛ lɛ ya su Atene loko a kpale a se, nɛ a wo e sɛ kɛ ba ha Sila kɛ Timoteo kaa e ke a bu e nɔ.16Benɛ Paulo ngɛ mɛ mlɛe ngɛ Atene ɔ, e bua jɔɛ e he ngɛ wɔhi nɛ e na ngɛ Atene ma a mi he fɛɛ he ɔ he.17E yaa kpe he ɔ nɛ e kɛ Yuda bi ɔmɛ kɛ Hela bi Mawu jali komɛ ya naa ni sɛɛmi, nɛ e ya fiɛɔ daa ngɛ ma a nɔ kɛ tsɔɔ nihi nɛ buaa a he nya ngɛ lejɛ ɔ.Paulo kɛ womi leli kpanaa amɛ
18Paulo kɛ ni leli nɛ je Epikuro kɛ Stoa a kpɛti ɔ, a ti ni komɛ ya na nya sami, ejakaa benɛ e de mɛ Yesu gbenɔ kɛ e si temi ɔ he sane ɔ, nɔ́ nɛ ni leli ɔmɛ de ji, “E ji nɔ ko nɛ ngɛ nlae.” A ti ni komɛ hu de ke, “Ma se jami kpa ko nɛ e ba ngɛ wɔ tsɔɔe nɛ ɔ nɛ.”19Kɛkɛ nɛ a kpee lɛ ke e ba a kojomi he nɛ a tsɛɛ ke Areopago ɔ. A de lɛ ke, “Wa ngɛ ma se jami kpa ko nɛ o ngɛ tsɔɔe ɔ he nue.20Lɔ ɔ he je ɔ, moo ba nɛ o ba de wɔ jami he ɔ nɛ o ngɛ he munyu tue ɔ he nɔ́ ko.”21Nɔ́ kake nɛ ngɛ Atene bi kɛ nibwɔhi nɛ ngɛ ma a mi ɔ a he ji, a suɔ nɛ a puɛ a be kɛ sɛsɛ nɔ́ he ko nɛ ba a he.22Lɔ ɔ he je ɔ, benɛ Paulo ya da si ngɛ Areopago ɔ, e de mɛ ke, “Atene bi, i na kaa nyɛ jaa wɔ saminya,23ejakaa benɛ i ngɛ ma a mi nyɛɛe ɔ, i na nɛ a ngma ngɛ nyɛ afɔle sami la tɛ ɔmɛ kake nɔ ke, ‘Kɛ ha Mawu nɛ a li lɛ ɔ.’ Mawu ɔ nɛ nyɛ li lɛ se nyɛ ngɛ lɛ jae ɔ, e he munyu nɛ i ba nɛ ma ba tu nyɛ ɔ nɛ.24Lɛ ji Mawu nɛ bɔ je ɔ kɛ e mi nɔ́ fɛɛ nɔ. Nɛ akɛnɛ lɛ ji hiɔwe kɛ zugba Nutsɔ he je ɔ, e hí sɔlemi tsu nɛ a ma kɛ nine mi,25nɛ nimli a nine be lɛ nyɛe ma sɔmɔ, ejakaa nɔ́ ko he hia we lɛ; nɛ lɛ ji nɔ nɛ haa nɔ tsuaa nɔ wami kɛ mumi kɛ nɔ́ fɛɛ nɔ.26Lɛ ji nɔ nɛ bɔ adesahi tsuo kɛ je nɔ kake nɛ ji Adam mi, nɛ e gbɛ mɛ kɛ fia zugba a nɔ. E le mahi nɛ maa ya nɔ kɛ mahi nɛ maa gbee si, kɛ be nɛ nɔ́ nɛ ɔmɛ maa ba mi ɔ kɛ fɔ si. Lɛ ji nɔ nɛ wo a huzu ɔmɛ.27E pee nɔ́ nɛ ɔmɛ bɔ nɛ pee nɛ a hla e se blɔ nɛ a na lɛ; tsɛ be ɔ, e ngɛ wɔ tsuo wa kasa mi haa.28Ejakaa e mi nɔuu nɛ wa ngɛ wami mi ngɛ, nɛ e mi nɔuu nɛ wa ngɛ yae ngɛ bae ngɛ kaa bɔ nɛ nyɛ nitsɛmɛ nyɛ kpɛti la polɔ ko de ke, ‘Mawu bimɛ ji wɔ.’29Ke Mawu bimɛ ji wɔ niinɛ ɔ, lɛɛ e sɛ nɛ wa susu kaa Mawu ngɛ kaa amaga ko nɛ nimli pee kɛ sika tsu loo sika hiɔ loo amaga nɛ a kpɛ kɛ je tɛ mi.30Be ko nɛ be ɔ mi ɔ, nimli li kikɛmɛ a ni nɛ ɔmɛ, nɛ lɔ ɔ he je ɔ Mawu kamaa we mɛ ngɛ he; se amlɔ nɛ ɔ, e bɔ nɔ tsuaa nɔ kɔkɔ ngɛ wɔ jami he, nɛ e ke a ja lɛ pɛ.31Ejakaa e to be nɛ e maa kojo je ɔ kɛ gu nɔ ko nɛ e hla, nɛ e tle lɛ si kɛ je gbeje ɔ nɔ.”32Benɛ a nu nɛ Paulo de ke nɔ ko gbo nɛ e te si kɛ je gbeje ɔ, a kpɛti ni komɛ muɔ nɛ a ye e he fɛu. Nɛ ni komɛ hu de ke, “Wa maa suɔ nɛ hwɔɔ se ɔ, waa nu nɔ́ ko kɛ je enɛ ɔ he ekohu.”33Kɛkɛ nɛ Paulo wo a ni sɛɛmi ɔ kɛ ba nyagbe nɛ e je a he.34Se a kpɛti ni komɛ nyɛɛ e se nɛ a ba pee kaseli. Nimli nɛ ɔmɛ a kpɛti ni komɛ ji Dionisio nɛ ji Ma Kpe ɔ mi no kɛ yo ko nɛ a tsɛɛ lɛ ke Damari kɛ ni kpa komɛ.Biblica, Inc.