Timoteo 24
Paulo slɔmi
1Lɔ ɔ he je ɔ, i ngɛ mo fae ngɛ Mawu kɛ Kristo Yesu hɛ mi, nɔ nɛ ma ba kojo hɛ kali kɛ ni gbogboehi be nɛ e ma ba to e matsɛ yemi ɔ sisi ɔ kɛ.2Moo fiɛ Mawu Munyu ɔ be fɛɛ be, deka ngɛ jio, deka be jio. Mo ka a hɛ mi nɛ o tsɔɔ mɛ nɔ nɛ da, nɛ o wo mɛ he wami, nɛ o kɛ tsui si tomi nɛ tsɔɔ mɛ Mawu Munyu ɔ be fɛɛ be.3Ejakaa be ko maa ba nɛ a be anɔkuale tsɔɔmi ɔ tue bue, se mohu a ma hla tsɔɔli nɛ ma de mɛ nɔ nɛ pɛ tue nɛ a ngɛ hlae nɛ a bu ɔ se blɔ.4A be Ngmami Klɔuklɔu ɔ tue bue, nɛ a maa nyɛɛ mɛ nitsɛmɛ a tsɔɔmi kpɛkpɛɛ ɔ se.5O hɛ nɛ ka si, nɛ o ko ye nɔ́ nɛ o maa na ngɛ Nutsɔ ɔ he gbeye. Mo kpaka nihi kɛ ba Kristo ngɔ, nɛ o ko si nɔ ko nɛ sa kaa o pee ngɛ o tsɛmi ni tsumi ɔ mi.6I ngɛ enɛ ɔ dee, ejakaa i be si hie, ye be su ta nɛ e be kɛe nɛ i ma si je ɔ mi.7I hwu Nutsɔ ɔ ta a be kɛkɛɛ kɛ ye nyɛmi kulaa nɛ i ye lɛ anɔkuale ngɛ kulaa mi. Jehanɛ ɔ ye ta kpami be ɔ su nɛ i ma ya jɔɔ ye he.8Nɔ nɛ fɔɔ si ngɛ mi mlɛe ngɛ hiɔwe ji dami jlasi ɔ nɛ Nutsɔ ɔ nɛ ji dami sane yelɔ ɔ ma ha mi ngɛ e bami ligbi ɔ nɔ. Nɛ pi ami nɔ kake nɛ e ma ha, se mohu nihi kulaa nɛ a je mi bami tsɔɔ kaa a ngɛ e bami ɔ blɔ hyɛe ɔ.Nyagbe Slɔmi
9I kpa mo pɛɛ nɛ o ba nɔuu,10ejakaa Dema si mi; akɛnɛ e suɔ je nɛ ɔ mi akɔnɔ níhi he je ɔ, e je ye he kɛ ho Tesalonika ya. Kreske ho Galata ya, Tito hu ho Dalmatia ya.11Luka pɛ nɛ e kɛ mi ngɛ. Moo ngɔ Marko kɛ piɛ o he kɛ ba, ejakaa e he ngɛ mi hiae.12Tihiko lɛɛ i tsɔ lɛ Efeso.13Bɔɔ mɔde nɛ o ngɔ kootu ɔ nɛ i je he ngɛ Troia ngɛ nyɛminyumu Karpo ngɔ ɔ kɛ ba, kɛ womi ɔmɛ hulɔ, titli ɔ, lohwe he womi ɔmɛ nɛ a ngma ni ngɛ a nɔ ɔ.14Aleksandro, sɔlɔ ɔ pee mi yayami wawɛɛ. I ngɔ e sane ɔ kɛ ha Nutsɔ ɔ;15se moo hyɛ o he nɔ nɛ hi ngɛ e he, ejakaa e te kɛ si nɔ tsuaa nɔ nɛ wa de ɔ.16Be mi nɛ a kɛ mi ya kojolɔ ɔ hɛ mi kekle ɔ, a ti nɔ ko nɔ ko ya sɛ́ mi; mɛ kulaa a tu fo si mi, nɛ ye suɔmi nya ji a kɛ mɛ nɛ ko ye ngɛ he.17Se Nutsɔ ɔ fí ye se nɛ e wo mi he wami nɛ i fiɛ Manye Munyu ɔ kɛ tsɔɔ je ɔ tsuo. Nɛ e ha we nɛ a ngɔ mi kɛ ha jata amɛ.18Nutsɔ ɔ ma je mi daa kɛ je nɔ́ yayahi kulaa mi, nɛ e kɛ mi maa ya e hiɔwe matsɛ yemi ɔ mi. A ngɔ anunyami kɛ ha Mawu kɛ ya neneene. Amen.19I biɔ Priska kɛ Akuila kɛ Onesiforo we ɔ.20Erasto ngɛ Korinto, se i si Trofimo nɛ be he wami ɔ ngɛ Mileto.21Bɔɔ mɔde nɛ o ba hiɛ ɔ loko ji fiɛ be ɔ nɛ su. Eubulo kɛ Pude kɛ Lino kɛ Klaudia kɛ nyɛmi ɔmɛ kulaa ke a biɔ mo.22Nutsɔ ɔ kɛ o mumi ɔ nɛ hi si; nɛ e dloomi ɔ hu kɛ mo nɛ hi si.Biblica, Inc.