Yohane 11
Mawu ɔ, la i
1Kristo ngɛ kɛ je je ɔ sisije. Wɔ nitsɛmɛ wa na lɛ kɛ wa hɛ ngmɛ, nɛ wa nu e gbi. Wa na lɛ nɛ wa ta e he kɛ wa nine. Lɛ ji Mawu wami munyu ɔ nɛ.2A wo nɔ nɛ ji Wami munyu nɛ je Mawu ngɔ ɔ kɛ tsɔɔ wɔ nɛ wa yeɔ e he odase kaa wa na lɛ. Kristo he munyu wa ngɛ tue ɔ nɛ, nɔ nɛ ji neneene wami ɔ. E kɛ Tsɛ ɔ nɛ ngɛ, nɛ a je lɛ kɛ tsɔɔ wɔ.3Ní nɛ wa na, nɛ wa nu ɔ he odase wa ngɛ yee kɛ ngɛ nyɛ hu tsɔɔe, bɔ nɛ pee nɛ nyɛɛ kɛ wɔ nɛ pee kake kaa bɔ nɛ waa kɛ Tsɛ ɔ kɛ e Bi Yesu Kristo ngɛ ɔ.4Nɛ ke nyɛ pee kaa bɔ nɛ i ngɛ nyɛ ngmae ngɛ womi nɛ ɔ mi ɔ, lɛɛ nyɛ hu nyɛ ma na bua jɔmi babauu kaa wɔ.5Enɛ ɔ ji munyu nɛ Mawu kɛ ha wɔ ke waa fiɛ kɛ ha nyɛ kaa la ji Mawu, nɛ diblii be e mi kulaa.6Lɔ ɔ he je ɔ, ke wa ke e huɛhi ji wɔ, se wa ngɛ mumi mi diblii kɛ yayami mi lolo ɔ, lɛɛ wa ngɛ wa he sisie.7Se ke waa kɛ Mawu ngɛ, kaa bɔ nɛ Kristo kɛ lɛ ngɛ ɔ, lɛɛ waa kɔ wa si bi ngɛ nyakpɛ huɛ bɔmi kɛ bua jɔmi mi, nɛ Yesu nɛ ji e bi ɔ muɔ maa tsu wa he kɛ je yayami tsuaa yayami mi.8Ke wa ke yayami ko be wa he ɔ, wɔ nitsɛmɛ wa he nɛ wa ngɛ sisie, nɛ wa sume nɛ waa ngɔ anɔkuale dloomi munyu ɔ.9Se ke wa jaje wa yayami ɔmɛ kɛ tsɔɔ lɛ ɔ, anɔkualetsɛ kɛ dalɔ ji lɛ, e maa ngɔ wa yayami ɔmɛ kɛ ke wɔ, nɛ e maa tsu wa he kɛ je yayami fɛɛ yayami mi.10Ke wa ke wa pee we yayami ɔ, wa ngɛ Mawu lakpatsɛ tsɛe, nɛ e munyu ɔ be wa mi.Biblica, Inc.