JABULI60
Lega pi kony ki i cing lukwor
1Ai Lubanga, ikwerowa woko do dok iloyowa;nene kiniga omaki ikomwa.Aya, ye wadwog boti do!2Imiyo lobo oyenge, ibaro dyere woko;yub kama obarri, pien yenge, matye kapoto apota woko.3Imiyo lwaki gulimo arem me can matego;imiyowa kongo bwino wamato, wamer ma wabange woko calo lumero kongo.4Ingabo bendera malo pi ciko jo ma gilwori,wek guring iye gulare ki ilak atum.5Larwa ki teki imii walo lukworwa, dok igam legawa,wek lwak ma imaroni gubwot.6Lubanga oloko ki ikabedone maleng ni,“Abipoko Cekem woko kideyo madit me loc,dok abipoko nota me Cukot woko i dul ki dul bot jona.7Gilead mera, ki Manace bene mera;Epraim aye tok nyonyo me wiya, ki Juda mere odo kera.8Ento Moab aye becen me lwoka;ki Edom mera, obedo kabolo war tyena;dok abidange matek me loc ikom jo Piliciti.”9Anga ma bikelo an i gang man ma kirumu ki cel gogoni?Anga ma bitelo wiya tera i Edom?10In mono pe dong ikwerowa woko, Ai Lubanga?In pe dong icito kacel ki dul monywa kalweny, Ai Lubanga.11Konywa me lweny ikom lukworwa,pien kony ma dano miyo pe gin mo!12Ka Lubanga tye kalweny kacel kwedwa ci wabiloyo;en aye ma binyono lukworwa diyogi woko piny.Bible Society of Uganda