JABULI4
Lega me otyeno pi kony
1Ai Lubanga, gam doga ka akok boti,in aye ma lacungudwar ma mera!Ikare ma atye i can, in ceng ibino ikonya.Kombedi dong ibed ki kica ikoma, dok iwiny legana.2Wun mono, wubibedo kayeta pi kare marom mene?Wun mono wubimaro lok ma konye peke ki me goba pi kare marom mene?3Myero wunge ni Rwot dong otyeko yera me bedo dano mere kikome;ka akok bote en winyo kokona.4Kadi bed kiniga omakwu, ento pe wutim bal;wutam tam matut mada ki icwinywu,wubed kenwu dok wubed laling iwi kitandawu.5Wutyer gitum ma myero bot Rwot,dok wuket gen mewu ikome.6Tye jo mapol ma gilego ni,“Wek walim gum!”Nenwa ki kica, Ai Rwot!7Yomcwiny ma in imiya dwong,kato yomcwiny pa jo ma gitye ki kal ki kongo madwong ata.8Ka abutu piny, acako nino woko mot liyoo ki kuc;Ai Rwot, in keni aye ma igwoka miyo abedo maber.Bible Society of Uganda