JABULI29
Dwon Rwot winye i dye yamo mapek
1Wupak Rwot, wun gin makwo ducu ma wubedo i polo,wupak Rwot pi deyone ki pi teke.2Wupak nying Rwot matye kideyo;wuwor Rwot pi deyone maleng.3Dwon Rwot mor winye wa iwi pii;dwon Lubanga me deyo tye kamor,Rwot dwone tye kawinye iwi nam madongo.4Dwon Rwot winyema opong ki tek dok ki dit me loc.5Dwon Rwot baro wa yadi cedar woko,kadi wa yadi cedar madongo me Lebanon.6En miyo godi me Lebanon pye calo roya dyang,ki Cirion bene en miyo pye calo wod jubi ma i tim.7Dwon Rwot meny ci miyo leb mac puk woko lipil.8Dwon Rwot miyo tim yenge,Rwot yengo tim Kadec.9Dwon Rwot miyo til nywal,dok jwero yadi me bunga woko ducu;dano ducu ma gicoke i ode gidange ni,“Deyo obed bot Lubanga!”10Rwot aye maloyo pii matut ducu matye i nam;en bedo iwi komkere matwal macalo rwot.11Rwot myero omii teko bot lwake!En myero omii gum me kuc ikom jone!Bible Society of Uganda