JABULI146
Wer me pako Lubanga ma Lalar
1Wupak Rwot!Pak Rwot, in tipuna!2Abipako Rwot pi kare ducu me kwona;abiwero wer me pako Lubangana ka pud akwo.3Pe ibed kageno rwodi,pe igen dano adana mamwa ma pe romo konyi.4Ka oto dok i ngom ka mayam oa ki iye;yube ducu mayam oyubu rwenyo woko liweng inino meno kikome.5Tye ki gum jo ma Lubanga pa Yakobo konyogi;ma gen gi ducu tye ikom Rwot Lubangagi,6ma ocweyo polo ki lobo, ki nam,ki jami ducu matye i igi.En gwoko cikene nakanaka;7en ngolo kop pa jo ma kiunugi kakare,dok miyo cam bot jo ma kec nekogi.Rwot gonyo lumabuc woko;8Rwot yabo wang jo ma wanggi oto.Rwot ilo malo, jo ma piny obwoyogi woko ada.Rwot maro jo ma kitgi atir.9Rwot gwoko jo ma gin lubedo i lobo moni,en konyo mon to ki lutino kic;ento balo yub pa jo maracu woko.10Rwot bibedo kaloc nakanaka;Lubangani, in Cion, bibedo pi kare pa yalwak ducu.Wupak Rwot!Bible Society of Uganda