JABULI140
Lega pi gwoke ki ikom jo maracu
1Ai Rwot; lara ki bot jo maracu,gwoka bene ki ikom jo ma gin lutim bwami,2ma giyubu lok maracu ki i cwinygi,ci gitugu lweny teretere.3Lebgi bit calo lak twol madongo,lok ma giloko obedo calo kwir pa twol ororo.4Ai Rwot, gwoka ki i cing jo maracu;gwoka ki ikom jo ma gin lutim bwami,ma dong gupiro lok me dwalo tyena wek apoti.5Jo ma nyate guciko owicgi gukano woko pira,guciko obwo ki tol kun gimito maka kwede;inget yoo ducu nongo guciko obwo tye kakura akura.6Awaco bot Rwot ni, “In Lubangana.Winy legana me bako dog, Ai Rwot!”7Ai Rwot Lubangana, lalara matek,igwoka maber ikare me lweny.8Ai Rwot, pe imii bot jo maracu gin ma gimito;dok pe iwek tim maracu ma gupironi ocobe.9Pe iwek lukwora guloya woko,wek tim aranyi ma gimito timone odok ikomgi.10Wek lodi mac ocore ikomgi owanggi woko;wek kibolgi i bur matut, pe dok gunong yoo me kati woko!11Wek jo ma giloko lok gobagoba me balo nying luwotgi pe gubed i lobo;wek gin marac omak gin lutim bwami ci ityekgi woko.12Angeyo ni Rwot konyo jo ma lucan,dok ngolo kop kakare pi jo ma piny obwoyogi.13Adada jo ma kitgi atir bimiyo pwoc boti;ki jo ma cwinygi atir gibibedo inyimi.Bible Society of Uganda