JABULI132
Wer me pak pi Ot pa Lubanga
1Ai Rwot, po pi Daudi,ki pi can ducu bene mayam en ociro.2Po kit mayam en okwongo kwede kwong bot Rwot,ma okwongo bot en ngat Matek pa Yakobo ni,3“Pe abidonyo i oda,nyo kadi me ito iwi kitandana;4nino bene pe bimako wanga,dok pe abinuru,5nio ka anongo kabedo pi Rwot,kabedo ma en ngat Matek pa Yakobo twero bedo iye.”6Nen, ikare ma watye i Eprata wawinyo pi Canduk me Gicike,ci wanongo tye i poti me Jaar.7Ci wawaco ni, “Wucitu kama en bedo iye,wek wawore inyim komkere!”8Ai Rwot, a icit i kabedoni me yweyo,kacel ki Canduk me tweroni.9Wek ajwakini guruke ki kit ma atir,wek joni ma gigeni gudange ki yomcwiny.10In yam icike bot latici Daudi;pe myero ikwer rwot ma in aye yam iyero ka i wiro, ai Rwot.11Rwot okwongo kwong me ada bot Daudi,kwong ma en pe dok bilokone.En owaco ni, “Abiketo latin awobi acel ki ikin awobeni bedo rwot,en bibedo kaloc lacen ki i ngeyi.12Ka likwayu ducu gibigwoko gicikena ki adaki lok me caden ma apwonyogi kwede,ci abiketo lutinogi bene bedo iwi komkeri,gibibedo kaloc nakanaka.”13Pien Rwot dong oyero Cion;en mito ni obed pacone kama en bibedo iye.14En owaco ni, “Man aye kabedo me yweyona ma abibedo iye matwal;abibedo kany, pien dong amito.15Abimiyo gum ikom Cion ci binongo gin ducu ma en mito;dok abimiyo lucan ducu ma bedo iye giyeng ki cam.16Abimiyo ajwakine gibiruku lar,ki jone ma geno Rwot gibidange ki yomcwiny.17Abiyero ngat mo acel ki ikom likwayo pa Daudi me bedo rwot;dong atyeko yubu danona ma kiwiro me bedo macalo mac tara ma pe to.18Abimiyo lewic umu lukwore woko limuk,ento kere bidoko dit dok bibedo maber.”Bible Society of Uganda