JABULI109
Koko pa dano matye ki can
1Ai Lubanga ma apako,pe iling woko!2Pien jo maracu ki lugoba gubino kalweny ikoma,kun giloko lok goba keken ikoma.3Gimiya cwercwiny pi lok maracu me adagadaga ma giloko ikoma,gilwenyo ikoma nono ma pe abalo gin mo.4Gidota adota kadi bed an amarogi,kadi wa ikare ma nongo atye kalego pirgi.5Gitimo gin marac ikoma pi gin maber ma atiyo botgi,dok gidaga kadi bed amarogi.6Gin giwaco ni, “Yer langolkop marac wek opid kwede;ci iwek ngat mo ikin lukwore odote.”7Wek kipid ikome ci kinong ni kop oloye;dok legane bene kikwan macalo bal ma en otimo!8Wek kijwik nino me kwone woko obed manok,wek dano mukene aye ole dog tice!9Wek lutinone gudok lutino kic,ki dakone bene odok dato.10Wek lutinone gubed lumalgang ma gilak ata kun gibedo kalego jami alega;myero kiryemgi woko ki iwi obur kama onongo gibedo iye!11Wek won banya ma en yam odeno banya bote, okwany jamine woko ducu ma en tye kwede,dok dano mo ata oyak jamine ma en olimogi ki tic matek.12Wek ngat mo pe otim kica bote wa ki acel,dok dano mo pe kica omake ikom lutino kice.13Wek likwaye ducu guto woko,wek nyinge bene dano pe gupo pire ikare pa yalwak ma bilubu.14Wek Rwot opo ikom bal pa kwarine,dok pe ojwa bal pa mine woko wa ki acel.15Wek Rwot opo ikom balgi teretere,ento dano pe opo ikomgi matwal i lobo kany.16Pien en pe otamo me bedo lakica,ento obedo karyemo kor lucan ki jo ma piny obwoyogi,kadi wa jo ma cwinygi cwer en onekogi woko.17En omaro tutwal lok me ceno dano;wek dong lok me ceno dano odok i wiye!En onongo dag lamo gum;pimeno wek ngat mo pe olam gum ikome.18Onongo lok me ceno dano odoko calo koti ma en ruku;wek dong obid kome macalo pii,dok macalo moo ma mido i cogone!19Wek obed calo bongo ma en odwalo ikome;obed calo del pyer ma nino ducu en tweyo i pyere!20Man aye myero obed kit pwod ma Rwot pwodo ki jo ma dota,gin jo maloko lok maracu ma gimito rwenyo kwona woko!21Ento in, Ai Rwot Lubangana,konya pi deyo me nyingi,dok ilara bene pi mar meri ma pe loke!22An lacan, piny obwoya woko,cwinya bedo katon atona keken.23Arwenyo woko calo tipu yat me otyeno;kitenga woko cen macalo bonyo ma kitengo ki icing.24Pi rii kec kare ki kare omiyo conga dong odoko goro;omiyo bene ajony woko dok adoko goro.25Adoko dong ginanyera pa jo ma gidota;ka gunena, ci giyengo wigi ayenga.26Konya, Ai Rwot Lubangana;lara pi mar meri ma pe loke!27Wek lukwora gunge niin aye ma ilaro an, Ai Rwot!28Wek gin gucena, ento in imiya mere gum.Wek alee otwod jo ma lwenyo ikomani,ci an latici abed ma cwinya yom.29Wek jo ma gidota gulim lewic;wek lewic oboo komgi woko calo guruku bongo.30Ci abimiyo pwoc bot Rwot ki dwon malongo;dok abipake i dye lwake kama gucoke iye.31En cung tung lacuc inget jo ma piny obwoyogi,pi larogi ki i cing jo ma ngolo kop me to i wigi.Bible Society of Uganda