LULEVI24
Gwoko tara ma i kema pa Rwot
1Rwot owaco bot Moses ni,2“Cik jo Icrael gukel boti moo me nyig jeituni ma kiodo aoda, ci kiliyo maber, me mac tara, wek kiket obed kalyel nino ducu ma pe to.3Aron omyero ocwiny mac olyel jwijwi inyim Rwot nia otyeno nio odiko, ki woko inge bongo kicika ma umu Canduk lok me Caden, i Kema me Rwate; meno bibedo cik matwal wa ikare pa likwayowu ducu.4Aron binenoni tara ma iwi okarmac me jabuni bibedo kalyel maber inyim Rwot jwijwi.Mugati me aketa inyim Rwot
5Dok ibikwanyo moko mapwote, ci ibitedo kwede capat apar wiye aryo, kun i capat acel acel bedo iye moko awalkwon aryo.6Ibicanogi ityeng aryo kun iryeyo mugati abicelabicel iwi meja me jabu ma kiliyo maberi.7Ikom tyeng acel acel ibiketo iye odok angwece ma kiliyo maleng, wek obed gityer ma kiwango ki mac bot Rwot maka mugatinu.8I ceng Cabit ducu Aron biryeyogi jwijwi inyim Rwot kun gamo ki bot jo Icrael; en gicike ma bedo matwal.9Mugati bibedo pi Aron ki awobene: gibicamo i kabedo mo maleng, pien en gin maleng makato ma kimiye ki ikin gityer ma kiwango ki mac bot Rwot ma myero kimii bote kare ducu.”Lanyut mamako miyo pwod ma opore
10Ikare mo wod pa nya jo Icrael mo ma wone onongo Laejipt, okato woko ikin jo Icrael, ci ocako lweny ki dano mo ma Laicrael igony.11Wod pa nya jo Icrael meno ocako yeto nying Lubanga kun ceno bene, ci kitere bot Moses. Nying mine Celomit, nya pa Dibri, ma i kaka pa Dan.12Ci kikete iot kol, nio ka Rwot binyutu botgi gin ma en mito.13Rwot owaco bot Moses ni,14“Kel ngat ma oceno cen woko inge gony, jo ducu ma guwinyo loke guket cinggi iwiye, ci wek lwak ducu gucele woko ki got.15Ka dok iwac ki jo Icrael ni, ngat ma ceno Lubangane, bale bidok iwiye.16Ngat ma yeto nying Rwot kibineko woko; lwak ducu gibicele woko ki got; labedo kacel ki anywali me lobo, ka oyeto Rwot kibineke woko.17Ngat ma oneko dano kibineke bene.18Ngat ma oneko lee pa lawote biculu acula; kwo kiculu ki kwo.19Ka ngat mo oketo ngolo ikom lawote, en bene kibiketo ngolo ikome.20Turu cogo kiculu ki turu cogo, wang kiculu ki wang, lak kiculu ki lak; kit macalo oketo ngolo ikom dano mo ni, en bene kibiketo ngolo ikome.21Ngat ma oneko lee biculu acula; ngat ma oneko dano kibineke woko.22Cik bibedo acel pi labedo ki pi anywali me lobo; pien An a Rwot Lubangawu.”23Ka Moses otyeko lok ki jo Icrael, ci gutero dano ma oceno cen woko inge gony, gucele woko ki got. Kitmeno jo Icrael gutiyo kit ma Rwot ociko ki Moses.Bible Society of Uganda