KOKO1
Cwercwiny pa jo Jerucalem
1Jerucalem mayam opong ki dano,dong odong nono ningning kaa!En ma onongo obedo taun madit mada ikin lurok, odoko calo dato.En mayam obedo daker ikin taun maditogu ducu,kombedi odoko calo opii.2En kok malit i dyewor benebene,pig wange mol piny wa i leme.Pe tye ngat mo kadi ki acel ikin jo ma en ribe kwedgi,maromo kweyo cwinye.Jo ducu ma en ribe kwedgi dong guloke gudoko lukwore, ma gitimo en marac ki lok me roro.3Kitero jo Juda woko i opii kaneno can madwong, ki katiyo tic matego.Kombedi dong gitye kamal ata ikin lurok,ma pe ginongo kamo ma myero guywe iye;jo ma guryemo korgi gumakogi woko i wangayoikare ma onongo can dong obwoyogi woko marac.4Yoo mayam dano giwok ki iye ka gicito i Cion tye kakumu,pien ngat mo peke ma cito kakwero nino madito ma kiciko.Anyirane mayam giwero kunu cwinygi ton mada dok tamgi obale woko pien kidirogi cen,ki ajwakine bene gicur acura.Dog gange ducu dong odong nono,dok Cion kikome tye ki arem malit adada.5Lumeroke dong gitye maber ki kuc; dok gudoko luloc ikome.Pien Rwot oye ni can opot ikome,pi lwak bale mapol.Lutinone dong kiterogi woko,dok gudoko opii pa lumerok ma oyakogi.6Deyo ki dit dong oa woko ki ikom Cion.Rwodine ducu dong gudoko calo til ma tekogi dong peke pi kec ma onekogi,ma pe ginongo olet mo kama myero gucam iye lum;ka gingweco woko ki inyim jo ma ryemo korgi.7Ikare me can ki me atwom;jo Jerucalem wigi po pi jami me welgu ducumayam gitye kwede nia wacon.Ento kombedi dong jone gupoto i cing lumerokgi;dok bene pe tye ngat mo ma myero okonygi,lumerok gutyeko taun gi madit woko,kun gingalo can ma opoto ikomgini angala.8Jo Jerucalem gutimo bal madito adada, omiyo gudoko gin anyera;jo ducu mayam worogi dong cayogi acaya,pien guneno ni gin dong gitye munero.Jerucalem tye kacur,kun oloko wange okemo kamukene.9Kenine tye ma dong omoko woko ikom bongone,ento yam pe obedo ki tam mo ni kwone bigik ki can.Can ma opoto ikomeni rac atikatika,dok ngat ma kweyo cwinye bene peke.En kok ni, “Ai Rwot, nen can ma opoto ikoma magwani,pien lukwor gitye kawayo iwiya ki wayu me loc!”10Lamerok dong oryeyo cinge oyako jamine mabeco me welgu woko ducu.Eyo en onongo oneno lurokka gidonyo i kabedone malengi.Gin jo mayam onongo kigengogi wokoni pe gudony i coke pa Lubanga.11Lwake ducu gitye kacur acura kun giyenyo gin acama:gicato jamigi mabeco woko liweng pi cam,wek komgi dok olim tek.Giwaco ni, “Nenwa, ai Rwot, pien dong kitye kacayowa mada.”12En kok ni, “Man pe gin mo ki tung botwu ce,wun ducu ma wutye kakato akata ki ingetani?Wulok wangwu wunen ka tye kit cwercwiny momarom ki kit cwercwiny ma kikelo ikomani,ma Rwot omiyo opoto ikoma, ikare me kinigane.13En ocwalo mac oa ki malo,opoto ikom cogona:ociko obwo wek tyena omok iye,ci oloka woko atataro;ka dong oweka ma abange woko,kun abedo ma koma lit dyeceng jwi.14Bala ducu en otweyogi woko ikom okol,ci oridogi woko liking;ka dong orwakogi i nguta, omiyo tekona otum liweng;Rwot omiya woko i cing lumerokwa,ma pe dong aromo lweny kwedgi.15Rwot otero oteka lwenya ducu ma ikin jona calo gin me tuku ma konygi peke;en olwongo coke me neno lok ikoma,wek kingid awobena woko.Rwot onyono jo Juda piny, kit macalo kinyono kwede kongo bwino i bur.16Akok pi lok magima pig wanga mol adada.Pe tye ngat mo ma myero okwe cwinya,ngat ma kono oteg cwinya bene peke.Gen pa jona dong otum woko liweng,pien lamerok aye dong oloyo.”17Cion oryeyo cinge,ento pe tye dano mo ma kweyo cwinye;Rwot yam oywayo mony ikom Yakobo,wek jo ma gurume gudok lumeroke.Jo Jerucalem guloke gudoko gin me cilo ma kicayo.18Jerucalem waco ni, “Gin ducu ma Rwot otiyo ikoma tye atir,pien onongo ajemo akwero winyo loke;ento wun lwak me rok ducu wuwiny,dok wunen arem ma atye kwede;pien anyirana ki awobena dong kiterogi woko i opii.19Alwongo jo ma aribe kwedgini,ento gubwola abwola;ajwakina ki ludongona ducu,guto gutum woko i taun madit,ikare ma onongo giyenyo cam wek omii komgi dok olim tek.20Ai Rwot, nen, atye ki can marac, cwinya dong orube woko marac;nen, cwinya tye kapoto niling malit, pien abedo ngat ma lajemo;kitye kaneko dano woko i wangayo ki pala lucwan, kadi wa ki i ot bene to poto ikomgi.21Kong iwiny ka acur,pe tye ngat mo ma kweyo cwinya.Lukwora ducu dong guwinyo pi can ma opoto ikoma; cwinygi yom ni itimo man maber ikoma.Cwal nino mayam dong itito pireni obin,wek gin bene gubed ki can calo an.22Wek gin marac ducu ma gutiyo oo inyimi,ci ipwodgi bene kit ma ipwoda kwede,pi lwak bala ducu mayam atimo;pien atye kacur mada,dok tek dong otum woko ki i cwinya.”Bible Society of Uganda