JOEL2
Bonyo obedo macalo gin me ciko dano pi nino pa Rwot
1Wukut tum; wugo odurui Cion, iwi got mera maleng!Wuwek jo ducu mabedo i lobo komgi omyel,pien nino pa Rwot tye kabino, dong cok.2Bibedo nino me colpiny ki me mutu,nino me pol ma ocido ki mutu macol licuc.Lwak bonyo dong ocore i lobo mapol, calo rok madit, ma jone tego,gumone iwi got macalo piny macol licuc.Gin mo macalo man peya onen nia wacon,dok pe binen i anyimikare pa yalwak ducu.3Macalo mac gin ginango cam woko ki i poti,Inyimgi lobo nen calo poto Eden,ento tung ngegi calo tim ma odong nono;gin mo ma obwot iye peke.4Calgi nen calo aguragura,giringo macalo aguragura me lweny.5Gipye iwi lacol godi,kun gimor calo gadigadi lweny,gimor calo leb mac ma wango reng kal ma otwo;gical ki dul mony matek ma oyube pi lweny.6Rok ducu gitye ki remcwiny ka gunenoni gitye kabino,wang jo ducu bale woko.7Gimwome ki ngwec macalo lulweny matek,gimonyo taun madito kun giito ki iwi cel matego ma orumugi calo lumony.Ngat acel acel lubu yone kene pe giwire giweko tyeng meggi.8Pe tye ngat mo ikin gi ma twomo lawote,ngat acel acel lubu yone kene;gicoro jami lweny ma kibayogi kwede,gin mo peke ma jukugi.9Gimwome ikom taun madit, giringo iwi cel;giito malo i odi,giito ki iwang dirica macalo lakwo.10Lobo yenge inyimgi ka giwoto,polo bene yenge,Ceng ki dwe gucido macol,lakalatwe bene dong pe giryeny.11Dwon Rwot mwoc,winye ki inyim monye;monye tek makato dok bene pol atika.Jo ma mako cike gibedo tek tutwal.Adada nino pa Rwot dit, dok kelo atiba ikom dano;anga mono matwero ciro?Kilwongo dano me ngut ikom balgi
12Rwot kikome owaco ni, “Kombedi dong,wudwog bota ki cwinywu ducu,kun wurii kec, ki koko, dok ki kumu madwong.13Pe wuyec ginaruka mewu, ento wulok cwinywu aye.”Wudwog bot Rwot Lubangawu,pien en latim kica,en won kica madwong.Kiniga pe make oyot,mar mere ma pe loke dwong, dok loko tame pe timo gin marac.14Anga ma ngeyo ka pe biloko tame,ci biweko camwu cek mapol,ci wubityero bote gityer me moko kwon ki gityer amata pi Rwot Lubangawu?15Wukut tum i Cion,wukwer kare me rii kec;wulwong coke madit me woro Lubanga.16Wucok dano kacel.Wulony lwak mucoke;wugur ludongo kacel;wucok lutino bene,wa lukere ma gitye i kor.Lanyom oa woko owek ode,nyako ger bene owek kicikane.17Wek ajwaki ma lutic pa Rwot gukok,i dye dogola Ot pa Rwot ki keno tyer,kun giwaco ni, “Ai Rwot, tim kica ki joni,pe imii kingal ginaleyani,pe imii nyinggi odok carolok me abola ikin lurok.Pingo iweko rok mukene giwaco ni, ‘Lubangagi tye kwene?’”Lubanga oroco lobo ocako ceko cam
18Omiyo nyeko omako Rwot pi lobone,kica omake ikom jone.19Rwot odok iye ki jone ni,“Nen abimiyo botwu ngano ki kongo bwino ki moo,ma wubiyeng kwede;pe dok abiweko kingalowu ikin lurok.20Abiryemo mony ma gua ki tung kumaloni woko kamabor ki wun,dok abiryemo monygi woko wa i lobo ma i aroo;jo ma otelo yo bicore i nam me kado tung kunyango,ki jo ma i ngegi bicore i nam Mediterranean ma tung kupotoceng.Komgi ma okwok ma ngweni biduny marac.Abityekogi woko pi gin ma gutiyo ikomwu.21Pe ilwor, wun poti;wubed ki yomcwiny ki um,pien Rwot dong otiyo tic madito pirwu!22Pe wulwor, wun lee me tim,pien olet ma i tim dong olot.Yadi tye kanyak,oduru ki olok gitye kanyak maber.23Cwinywu obed yom, wun lutino me Cion,cwinywu obed yom ikom Rwot Lubangawu;pien omiyowu kot me cwir me kwanyo kop ikomwu,omiyo kot ocwer pirwu madwong,omiyowu kot me cwir ki me oro, kit macon.24Laro bipong ki kal me adina,bur me kongo bwino ki me moo ducu, gibipong woko libyeny.25Abiculu wang mwaka ducu ma bonyo abum ocamo,ki bonyo adwek, ki lagara, ki labar,ma gin mony mera madit ma ceng acwalo i dyewu.26Wubicamo cam madwong dok wubiyeng,wubipako nying Rwot Lubangawu,ma otiyo kwedwu ikit me aura.Jona pe dok kibiketo lewic ikomgi.27Wubingeyo ni an atye i dye Icrael,dok ni an Rwot, an Lubangawu,pe dok tye mukene.Pe dok kibiketo lewic ikomwu.Nino pa Rwot
28Lacen abicwalo Cwiny mera Maleng ikom jo ducu;lutino awobewu ki anyirawu gibitito lok pa Lubanga,jowu ma otii gibileko lek,awobewu gibineno ginanyuta.29Ikare meno abicwalo Cwiny mera wa ikom lutic ma co ki ma mon.30Abinyutu tango pi nino menoi polo ki iwi lobo,oyo remo ki mac ki yito ma duny bibedo tye.31Ceng bicido woko macol,dwe bidoko remoma nongo nino pa Rwot madit makelo lworo peya oo.32Ento jo ducu ma gilwongo nying Rwot kibilarogi;macalo Rwot yam owaco;‘Jo mogo ma iwi got Cion ki i Jerucalem gibibwot.’”Bible Society of Uganda