JO EPECO6
Lunyodo ki Lutinogi
1Wun lutino, pien wutye i Rwot, wuwiny lunyodowu pien meno obedo gin maber me atima.2Yam kicoyo ni, “Wor woru ki meni.” Man aye cik mukwongo ma kiciko pien gin maber bia ki iye,3“wek ibed ma nyimi leng dok irii i lobo pi kare malac.”4Dok wun wego, pe wunget i lutinowu mamiyo kiniga makogi, ento wupitgi gudong maber kun wupwonyogi dok wunyebogi ki kit mabeco ma Rwot pwoyo.Lutic ki luditogi
5Wun lutic, wuwiny luditowu me lobo man ki cwinywu acel, macalo wuwinyo Kricito, kun wulworogi ki myelkom.6Ticwu omyero pe obed tic ma yengo wangi keken me yomo cwinygi, ento omyero wutii gin ma Lubanga mito ki cwinywu ducu, macalo wun lutic pa Kricito.7Wutii ticwu ki cwiny maber, macalo wutiyo bot Rwot, ento pe wutii bot dano ni gunen wek gupwowu,8kun wungeyo maber ni, kit gin mo keken ma dano mo otiyo maber, Rwot bicule pire marom aroma ki tice ma en otiyo, kadi en latic nyo dano ma lone kene.9Dok wun wegi lutic, wutii bene ki luticwu i yo acelu; wuwek burugi obedi, kun wupo ni ladit maloyogi wa ki wun bene tye i polo, en tero jo ducu maromrom.Jami lweny pa Lukricitayo
10Me agikine, wubed tek i Rwot ki twero me tekone.11Wuruk jami lweny ducu ma Lubanga miyo, wek wucung kun wugenge kekenwu iroro pa Catan.12Pien wan pe walwenyo ikom dano matye ki kom ki remo, ento walwenyo ki luloc ki wegi twero ma woko, ki ikom luloc ducu maloyo wi lobo ikare man me colpiny, dok ki dul mony mogo maracu me cwiny matye i polo.13Pimeno omyero wuruk jami lweny ducu ma Lubanga miyo, wek okonywu me cungo matek inino marac, ci inge lweny dok pud wubicung ma nongo dong wuyele ikit yo ducu Wuruk jami lweny ducu ma Lubanga miyo14Pimeno, omyero wucung ma wutweyo pyerwu woko ki ada, wuruk bene kit ma atir wek obed nyonyo me gengo korwu,15kun wuyube me tito lok me Kwena Maber me kuc ma bedo macalo war ma wuruku ityenwu.16Makato ducu, niye aye omyero obed kwotwu ma bimiyo wutwero neko mac ki ikom atero ma Larac bayo.17Wumak lare aye obed tok nyonyo me wiwu, ki lok pa Lubanga ma en aye pala lucwan pa Cwiny Maleng.18Wuleg kare ducu kit ma Cwiny telowu kwede ki lega me bako dog. Wubed ma wuyube ilega kare ducu kun wuciro peko, kun wulego pi jo pa Lubanga ducu.19Wuleg bene pira wek Lubanga oyab doga, omiya gin ma omyero aloki, wek atuc mung me lok me Kwena Maber ki tekcwiny.20An lakwenane marom ki ngat mo ni ma cung pi lobone, ento gitweya woko ki nyor. Wuleg wek Lubanga omiya tek wek atit loke ki tekcwiny, kit ma omyero alok kwede.Mot me agiki
21Tukiko, ominwa ma kimaro dok en latic pa Rwot me agena, bititiwu lok ma dok ikoma ki ikom tica.22Acwalo en botwu pi lok man kikome, wek en omii wunge kit ma wan watye kwede, dok ocuk cwinywu.23Kuc ki mar ki niye ma a ki bot Lubanga Won ki Rwotwa Yecu Kricito obed bot utmegiwa.24Kica pa Lubanga obed bot jo ducu ma maro Rwotwa Yecu Kricito ki mar ma pe to.Bible Society of Uganda