Numbers33
1मूसा आउर हारून के अगुवाई में अपन-अपन हथियारबंद झुण्ड द्वारा मिस्र देश छोड़े के बाद इस्राएल के लोग के ई सभे ई तरह से काम हल2यहोवा के आज्ञा के मोताबिक मूसा ऊ जगहिया के, जहाँ से छोड़ के ऊ निकसलन हल, अभिलेखवन नाम लिख लेलन। एक जगह से दूसरा जगह जाना, येही उनकर काम हल।3ऊ पहिलका महीना के दौरान रामसेस शहर से यात्रा कर के पहिलका महीना के पंद्रहवाँ दिन के छोड़ देलन। फसह के परव के बाद भोरे, इस्राएली लोग मिस्री लोग के सामने से आजाद होके चल देलन। 4ई तखनी होल जखनी मिस्री अपन सभे पहिलौठा के, जेकरा यहोवा मार देलन हल, ओखनी के मिट्टी दे रहलन हल, काहेकि मूसा यहोवा के आज्ञा के मोताबिक ऊ जगहिया पर जेज्जा ऊ गेलन हल सूचिबद्ध कईलन, एही उनकर काम हल, गेला के बाद उनकर देऊतवन के भी हरा देलन हल।5तब इस्राएल के लोग रामसेस छोड़ के सुक्कोत में डेरा डाललन।6तब ऊ सुक्कोत से निकसलन, आउर जंगल के छोर पर एताम में डेरा खड़ा कईलन।7ऊ एताम छोड़ के पीहहीरोत दने मुड़ गेलन, जौन बाल-सपोन के पूरब में हे, आउर मिगदोल के सामने डेरा खड़ा कईलन।8तब ओखनी सभे पीहहीरोत के सामने से निकस के समुद्र के बीच में से होके जंगल में गेलन। ओखनी एताम के जंगल में तीन दिन के यात्रा कईलन आउर मारा में डेरा डाल देलन।9ओखनी सभे मारा से निकसलन आउर एलीम ओसिस पहुँचलन। एलीम में पानी के बारहगो सोई आउर सत्तरगो खजूर के पेड़ हल। ईहें पर ओखनी डेरा डाललन।10ओखनी एलीम से निकललन आउर लाल सागर के किनारे डेरा खड़ी कईलन।11फिन लाल सागर से निकल के सीन के जंगल में डेरा खड़ी कईलन।12ओखनी सीन के जंगल से निकस के दोपका में डेरा खड़ी कईलन।13तब ओखनी सभे दोपका के छोड़ के आलूश में डेरा कईलन।14तब ओखनी सभे आलूश के छोड़ के रपीदीम जंगल में डेरा खड़ी कईलन जेकरा नखलिस्तान नाम देवल गेल। जेज्जा केकरो पीये ला पानी नऽ मिललई।15तब ऊ रपीदीम से निकस के आउर सीनै के जंगल में डेरा खड़ी कईलन।16तब ओखनी सभे सीनै के जंगल से निकस के किब्रोतहत्तावा में डेरा खड़ी कईलन। 17तब ओखनी सब किब्रोतहत्तावा छोड़ के हसेरोत में डेरा खड़ी कईलन।18तब ओखनी हसेरोत के छोड़ के रित्मा में डेरा खड़ी कईलन।19तब ओखनी रित्मा से निकसलन आउर रिम्मोनपेरेस में डेरा खड़ा कईलन।20तब ओखनी रिम्मोनपेरेस के छोड़ के लिब्ना में डेरा खड़ी कईलन।21तब ओखनी सभे लिब्ना के छोड़ के रिस्सा में डेरा खड़ी कईलन।22फिन ओखनी रिस्सा से निकस के कहेलाता में डेरा खड़ी कईलन।23तब ओखनी कहेलाता के छोड़ के शेपेर पहाड़ पर डेरा खड़ी कईलन।24फिन ऊ सभे शेपेर पहाड़ से निकसलन आउर हरादा में डेरा खड़ा कईलन।25तब ओखनी सभे फिन हरादा के छोड़ के मखेलोत में डेरा खड़ी कईलन।26तऽ ओखनी मखेलोत के छोड़ के तहत में डेरा खड़ी कईलन।27फिन ओखनी तहत से निकस के तेरह में डेरा खड़ी कईलन।28तऽ ऊ सभे तेरह के छोड़ के मित्का में डेरा खड़ी कईलन।29तऽ ओखनी मित्का से निकस के हशमोना में डेरा खड़ी कईलन।30ओखनी हशमोना निकसलन आउर मोसेरोत में डेरा डाल देलन।31तब मोसेरोत से निकसलन आउर याकानियन में डेरा खड़ी कईलन।32तब ओखनी सभे याकानी लोग के बीच से निकस के होर्हग्गिदगाद में डेरा खड़ी कईलन।33तब ऊ होर्हग्गिदगाद के छोड़ के योतबाता में डेरा कईलन।34तब ओखनी योतबाता के छोड़ के अब्रोना में डेरा खड़ी कईलन।35ओखनी अब्रोना के छोड़ के ओखनी सभे एस्योनगेबेर में डेरा खड़ी कईलन।36तब ओखनी एस्योनगेबेर के छोड़ के कादेश के सीन नाम के जंगल में डेरा खड़ी कईलन।37तब फिन कादेश के छोड़ के एदोम देश के छोर पर होर नाम के पहाड़ पर डेरा खड़ी कईलन।38आउर यहोवा के आज्ञा से हारून याजक होर पहाड़ पर चढ़ गेलन, आउर चालीसवाँ वरिस में जखनी इस्राएली मिस्र देश से पाँचवाँ महीना के पहला दिन निकस आयेल, तऽ ऊहें मर गेलन।39हारून जहिया होर पहाड़ पर मरलन तऽ ऊ 123 वरिस के हलन। 40कनानी अराद के राजा हलन, जे कनान देश के दक्खिनवारी रेगिस्तान में रहऽ हलन, ऊ इस्राएली लोग के आवे के समाचार सुनलन।41तब ओखनी सभे होर पहाड़ से निकसलन आउर सलमोना में डेरा खड़ी कईलन।42फिनो ओखनी सभे सलमोना छोड़ के पूनोन में डेरा खड़ी कईलन।43तऽ ऊ पूनोन छोड़ के ओबोत में डेरा खड़ी कईलन।44तऽ ओखनी सभे ओबोत से निकसलन आउर मोआब के सिवाना अबारीम में डेरा खड़ा कईलन।45तऽ ओखनी सभे अबीराम से निकसलन आउर दीबोन गाद में डेरा खड़ी कईलन।46तऽ ओखनी सभे दीबोन गाद से निकसलन आउर में अल्मोनदिबलातैम में डेरा खड़ी कईलन।47तऽ ओखनी सभे अल्मोनदिबलातैम के छोड़ के नबो के सामने अबारीम के पहाड़ पर डेरा खड़ी कईलन।48तब ओखनी अबारीम पहाड़ से निकस के यरदन नदी भीर यरीहो में यरदन नदी भीर मोआब के अराबा में डेरा खड़ी कईलन।49आउर ओखनी यरदन भीर बेत्यशीमोत से आबेलशित्तीम तक मोआब के अराबा में डेरा खड़ी कईलन।50तब यहोवा यरीहो में यरदन नदी भीर मोआब के अराबा में मूसा से कहलन,51"इस्राएल के लोगवन से कहऽ, कि जहिया तूँ यरदन नदी के ऊ पार कर के कनान देश में जईहऽ,52तऽ तोरा अपन सामने से देश के सभे रहे वालन के बहारसी निकाले के चाही। तोरा ओकर सभे बनाबल गेल मूर्तियन के नाश करे पड़त। तोरा ओकर सभे कारीगर के नाश करे पड़तो आउर ओकर सभे गढ़ के ध्वस्त करे पड़तो।53तूँ ऊ कनान देश में अधिकारी होके बस जईहऽ, काहेकि हम कनान देश तोर अधिकार में कर देली हे।54आउर सभे कुल के मोताबिक तूँ जमीन के मालिक होवऽ। बड़का कुल के तोरा जमीन के एगो बड़का हिस्सा देवे के चाही, आउर छोटकन कुल के तोरा एगो छोटा सा हिस्सा देवे के चाही। जहाँ कहूँ भी सभे कुल लागी जगह निकल हे, ऊ जमीन उनकर हो जायत। तूँ अपन पूरखा के गोत्र के मोताबिक जमीन के वारिस होवऽ।55बाकि जदि तूँ अपन सामने से ऊ कनान देश के बासिन्दा लोग के नऽ निकासवऽ, तऽ जौन लोग के तूँ रहे ला देवऽ ओही तोर नजर में कन्धा आउर तोर पंजरा के काँटा बन जईतन। ओखनी सभे ऊ देश में जेकरा में तूँ बसलऽ हे, तोर जिनगी के मुश्किल बना देतन।56यदि तूँ ओखनी के बहारसी नऽ निकालवऽ, तब अईसन होत कि जे कुछ हम कनानियन के साथे निर्दय वर्ताव करे ला योजना बनईली हे, ओही हम तोरा साथे भी करम।
Bridge Connectivity Solutions Pvt. Ltd.