Evangelium Lukas13
1Doa wieren en de Tiet atelje doabie, dee Am von de Galiläa berechten, dee äa Bloot Pilatus met äare Opfasch jemenjt haud.2Un Jesus auntwuad un säd to äant: Meen jie, daut dise Galiläa ver aule Galiläa Sinda wieren, wiels see soont jeläden haben? Joh 9:23Ekj saj junt: Nä; oba wan jie nich woaren Busse doonen, woa jie aula jrod soo omkomen.4Ooda jane achtieen, opp woone de Torm en Siloa foll un äant dootmuak: Meen jie, daut see Schildna wieren ver aule Menschen, dee en Jerusalem wonden?5Ekj saj junt: Nä; oba wan jie nich woaren Busse doonen, woa jie aula jrod soo omkomen.6Hee säd oba dit Jlikjnis: Doa haud eena eenen Fiejenboom, dee wia en sienem Wiengoaden jeplaunt; un hee kjeem un socht Frucht doaraun un funk kjeene. Mat 21:197Dan säd hee to däm Wiengoadna: Kjikj, ekj kom nu aul dree Joa un sieekj Frucht aun disem Fiejenboom un finj kjeene. Hak dän auf! wuarom vedoaft hee daut Launt?8Hee oba auntwuad un säd to am: Har, lot am noch dit Joa, bat ekj rom am grow un Dung aunjelajcht hab, 2Pe 3:9,159veleicht brinjt hee noch Frucht; wan oba nich, dan hak am doahinja auf. Luk 3:910Hee lieed oba en eene von de Synagogen aum Sabat. Luk 6:6-1111Un kjikj, doa wia eene Fru, dee aul achtieen Joa eenen Krankheits-Jeist haud, un see wia kromm un kunn sikj goanich opprechten.12Oba aus Jesus ar sach, roopt Hee ar no sikj un säd to ar: Fru, du best jeleest von diene Krankheit.13Un hee läd ar de Henj opp; un see recht sikj fuaz opp un lowd Gott.14Oba de Synagogen-Väastona wort onwellich , daut Jesus aum Sabat heeld, un säd to de Volkjshäad: Doa sent sas Doag, aun dee eena oabeiden saul; aun dise komt un lot junt heelen, un nich aum Sabatdach. 2Mo 20:9-1015Dan auntwuad am de Har un säd: Du Heichla! Leest nich een jiedra von junt aum Sabat sienen Oss ooda Äsel von de Kjrebb un fieet dän no de Drenkj? Luk 14:516Dise oba, dee eene Dochta von Abraham es, dee vom Soton jebungen wia aul achtieen Joa, kjikj, sull see nich von dise Benja jeleest woaren aum Sabatdach? Luk 19:917Un aus Hee dit säd, worden aul siene Jäajna beschämt, un aul daut Volkj freid sikj äwa aul de harliche Dinja, dee derch Am passieeden.18Hee oba säd: Met waut es Gott sien Rikj jlikj, un met waut saul Ekj daut vejlikjen?19Daut es een Sampkuarn jlikj, daut een Mensch neem un schmeet daut en sienen Goaden; un daut woss un wort een groota Boom, un de Väajel vom Himmel kjeemen un nasten en siene Asta.20Un Hee säd wada: Met waut saul Ekj Gott sien Rikj vejlikjen?21Daut es däm Suadieech jlikj, dän eene Fru neem un mank dree Mot Mäl vestuak, bat dee gaunz derchjesuat wia.22Un Hee jinkj derch Städa un Darpa, wäarent Hee lieed un no Jerusalem reisd.23Dan säd oba eena to Am: Har, sent daut weinich, dee jerat woaren? Hee oba säd to äant:24Sträft doano, daut jie derch de enje Puat nengonen; wiels väle, saj Ekj junt, woaren vesieekjen, nenn to gonen, un woaren daut nich kjennen.25Von dan aun, wan de Hushar oppjestonen es un de Däa veschloten haft un jie aunfangen woaren buten to stonen un aun de Däa to kloppen un to sajen: Har, Har, moak ons op! Dan woat Hee auntwuaten un to junt sajen: Ekj kjan junt nich, wua jie häa sent. Mat 25:11-1226Dan woa jie aunfangen to sajen: Wie haben ver Die jejäten un jedrunken, un opp onse Gaussen hast Du jelieet. Mat 7:22-2327Un Hee woat sajen: Ekj saj junt: Ekj kjan junt nich, wua jie häa sent; velot von Mie aula, dee jie Iebel wirkjen! Ps 6:828Doa woat daut Hielen un Tänen-Kjnirschen sennen, wan jie Abraham un Isaak un Jakob un aule Profeeten en Gott sien Rikj seenen woaren, junt selfst oba rutjeschmäten. Mat 8:11-1229Un see woaren komen vom Oosten un Wasten, un vom Nuaden un Sieden, un aum Desch setten en Gott sien Rikj. Luk 14:1530Un kjikj, doa sent Latste, dee woaren de Ieeschte sennen, un doa sent Ieeschte, dee woaren de Latste sennen. Mat 19:3031Aun dämselwjen Dach kjeemen atelje Farisäa un säden to Am: Go rut, un reis wajch, wiels Herodes well Die dootmoaken!32Un Hee säd to äant: Got han un sajcht dän Foss: Kjikj, Ekj driew Diewels rut un vollbrinj Heelungen, vondoag un morjen, un aum dredden Dach woa Ekj verecht haben.33Doch mott Ekj vondoag un morjen un aum foljenden Dach waundlen; wiels daut jeit nich, daut een Profeet buta Jerusalem omkjemt.34Jerusalem, Jerusalem, dee du de Profeeten dootmoakst un steenichst, dee no die jeschekjt woaren! Woo foaken hab Ekj diene Kjinja saumlen wult, soo aus eene Han äare Kjikjel unja de Flichten, oba jie haben nich jewult! Luk 19:41-4435Kjikj, jun Hus es junt ladich jeloten worden. Woarhauftich, Ekj saj junt: Jie woaren Mie nich mea seenen, bat daut kjemt, daut jie sajen woaren: Jeloft es dee, dee em Nomen vom Harn kjemt! Ps 69:26; 118:26; Jer 22:5
Lebenswasser