Micah7
1Keherei ada gwang lada! Ih au hekwa kela hepwak tsidung nzwa dida, nah kubetsidung kehwa kelu cai bang kedibe nzwa; cika kubetsi tyei kera ge de gada, Ih tyei mnunglu kera nzüttsi meu kecube gede gah da.2Makesangme deudi gade gah dida; mina leuh pelane gade ma petau tei kelame gah da. Hejai teu lwa kera penui pelane zeu lwe kwa bam; hangge ge kecu pekatei pe sinabe de tei ngkap bam.3Penui badung au mide tei msia kecu yi süt: mina reu kedime rangkang kie la, tutiakme hetauhenim lu kera mtei pwa bamla, nah mina kengkiengme kedame da ge pa daipai ngau lu neu la bi rang la. Ciciu eh penui hecim rim ncüt la.4Penui yitume au hetubangdung nzwa, masangtume de hetubang pui swa de sia ki. Cide ngu kekwame mrai rang kebeu tingba de delie, Tinggwang nnuide saja peu kera ting gwang zeuda. Cu au penui ma cetci ta kera ting da.5N kida keheibe de nlum so; n zangme keheibe dage de n kenlum kai so. Nang daipai rang bi n nau n taiga kezeube pui dade de mriaklu.6Pe napei pe pei de hengam tei, pe napui pe pui de renia cuh, nah pe napei nau pe nahpei pui de renia. Mipei ge ngauraumedung au pekatei pe kilungme. 7Dede a ziemne au, Ih RAMPAUBE de pie zie. Ih acu kelikelube Tinggwang de kwa bam zie; a Tinggwang a kekie kingneilu zie.8A ngauraume, Nnui sui yi so, Ih kau kedi cai, Ih cuh dai zie. Ih kemui ga kebam dau, RAMPAUBE a ziemne kebaa ge zie.9Kedanemene Ih RAMPAUBE dage kemau tei gai kedine, Ih pe rata de lia zie a ziemne pe nggia kie gai kemaktane, nah a tutiak beu kemaktane. Pa acu kebaa ga ngngwa gwang beu zie, nah pa pe kemzui teu acu keli kebeu Ih ngau zie.10Ciude a ngauraume aide ngau zie, nah hengam le acu, “Dai ga RAMPAUBE n Tinggwang bam no?” de kerangme de gum dizie, A miak pecu pie zie; pa puidi kidung ga tangdei daucim kedibe nzwa dizie.11N riekidung tei dai kera ting gwang zie; cipau benai heraidung kemdei gega tei mdi dizie.12Cipau benai n mina n da gwang zie, Assyria gade nah Egypt namdidung gade, Egypt gade Euphrate reuki cuikui ga kecang, dui kedi gade dui kedi ga kecang, nah lamlwatu gade lamlwatu ga.13Dede kideube au hetaideu ge dizie kedanemene cika lungh kebam mina ziemne, kedanemene penui ta tei kegai ziemne.14N tui le n mina de kwalu, n mapwamedung de. Penui renaamkang ga pekatei lungh ladi, cehei kendiak deudung kakga. Penuide peu Bashan nah Gilead ga tsehei tyei lo ndaa tingdau nzwa.15Nda nang Egyptme deu gade kempet dau nzwa, Ih penuide mimakecang batadung keulia zie.16Heleuhdung penui kengkiengdung de ngau nah nggam dizie. Penui swagah le penui mui ngkui dizie; nah penui kwendung heba dizie.17Penui henei nzwa rebui nniak zie, kideu ga bwa kela leune nzwa. Penui penui mbaikidung gade ngngi eh mpet zie; penui nda ngngi eh gwang zie, RAMPAUBE anui Tinggwang da, nah penui n ziemne ngngi dizie.18Nang kenzwa cau Tinggwang bam no, kemau keugi beu kela bang kebam n mapwame hezai gikah kedime mau gibeu kela? Pa pe rata kelungta kainzeu la ma, kedanemene pa pe samkakkelu kesamsang pesui la.19Nang anuide ngau nggia dai beu zie; anui kesia tadung de nang n pi kang gage caicim dizie. Nang anui maudung kelien pwa jaaidi kecok gage kai dizie.20Nang kesangbe Jacob de peu zie nah samkakkelu kesamsang Abraham de, nang ndaa anui paume dage sampet kebeu nzwa.
Bridge Connectivity Solutions Pvt. Ltd.