Mark14
1qebl elfeSH delεiyδ ntifĎiyrin s enhariyn, eqqiymen imeqqaren nelkuhhan dimuεelmen necceriyεeθ etHewmen max δeTfen yesuwε s elHiyleθ bac e θenγen.2emme ennen: «muc g elεiyδ bac leεbaδ etteδfenc beεDhum.» temeTTuwθ eθenγel erriyHeθ f yesuwε3max i ykan yesuwε g biytεenya, iθet g elHuwc nsemεan enebraS, tuseδ temeTTuwθ g wefuses teδebbuzeθ tebhe nerriyHeθ teγle seg ennardiyn eSSafi, eθkessert tenγel erriHetdiyn f ixfes.4eθγececen lebHaD nelli kanen diyn ennen ibeεDhum: «imette elxsareθe nerriyHeθ?5eθkan deθemmezzenz s eθmaliyθ , emferqen f iqelliylen!» ebδen εerxen g temeTTuwθ.6yemenni yen yesuwε: «edjemt, imette itqelqem δiys? θahen δelmziyyeθ tegeyiyttiyδ.7iqelliylen iyδwem kul yuwm ulemmi iθexsem eθgeddem eθeθsedqem fellasen. emme neč muc diyme iyδwem.8w temeTTuwθe tege elli eθged etteg, teδhen erriyHeθ felle bac e mHeĎre ywerδem.9exennenne elHeq: meni eθembeccer elbcareθ g eddunyeθ elkulhe, δeHkan s elli θegi bac e tmettiwc.»10welbeεδ yexDem yehuwδa esxeryuwTiy, iyjen seg etlamδe leθnac, yimeqqaren nelkuhhan bac e senyezzenz yesuwε.11eferHen max i sliyn edwiys, uεδent s lefluws. yeqqiym yetxemmem lemmi δeθyezzenz.12as emezwar g elεiyδ ntifĎiyrin, uδiys γer-sen iεellec yelfeSH, encδent etlemδas: «elmeniy iθexseδ enexDem bac e xenHeDDer emensi nelfeSH bac e ttečeδ?»13yezen sen seg etlemδas yennasen: «berreθ taδfem ytemuwreθ, δexenyeεreD eryaz yqam teqliylt nwamen, eθebεemt.14umeni eyaδef enneθ yiθbab nelHuwc: imuεellem yeqqar, <mani tezeqqaw elli δeče δiys emensi nelfeSH neč detlemδaw?>15δexenyesxen δenni elHuwc tezeqqe tuseε wettimHeDDerθ, HeDDermane diyn kul cey.»16efγen sennadiyn netlamδe eδfen θemuwreθ, afen kul cey emmax i senyenne, HeDren emensi nelfeSH.17g tisemsiyn, yuseδ nette detlemδas leθnac.18max i bδen tetten g umensi, yenneyasen yesuwε: «exennenne elHeq: iyjen essiywem δeyezzenz, unette iθet iyδi.»19eHznen etlamδe ebδen necδen δiys iyjen s iyjen: «enneč?»20yennasen: «nette δiyjen seg eθnac, unette yetneqqeε iyδi g iyjen neSHen.21ubnaδem δeyjaf emmax i yemmari felles g elxθabaθ imqedsen, emme yeHliyle elli δeyezzenz bnaδem! lukan elyemmeruwc xiyr.» 22unihnin tetten yiwi eγrum ibarex δiys ikesserθ yezlesent yen: «ewyeθ, tay elbeδniyw.»23yawi elkas necrab yecxer yezlasen, eswen essis elkul,24yennasen: «tay iδemniyw, iδammen nelεaheδ elli δeyemwezzeε f elxaĎer nleεbaδ egget.25δexennenne elHeq: seg asse elsessac elεeSiyr nelεneb, elδeyeddes as eθeswe δiys δejδiyδ g elmelx nrebbi.»26usiyn sebHen efγen yeddehreθ nuzemmuwr.27yennasen yesuwε: «δeyθedjem elkul, εlexaTer elxθab yeqqar: <δewθe eniylti eruwlen iεellec.>28emme beεεeδ ekkeriyw δexennesbqe yeljliyl.»29yennes buTrus: «lukan exedjen elkul, neč exettedjixc!»30yer felles yesuwε: «exenne elHeq, δeggiyδe, qebl eyedden eyaziδ merθiyn, δeyθenkreδ tlaθe merraθ.»31yeTTef buTrus eSHiyH yen: «exnekrac Hette lukan δejafe iyδex!» usahen ennen etlamδe elkul.32exeDmen ywemxan ellesmes jetsiymaniy, yen yetlemδas: «eqqiymeθ dahen, elmezzalle.»33yawi iyδes buTrus dyeεquwb dyuwHenna, yebδe yetHus s elxuwf umuc merθaH.34yennasen: «neč Hziyn εuddi jafe. rajeθ dahen teshrem!»35yebεeδ qiqqi yeggez f elqeεεeθ yetzalle bac e θeθεedde essaεeθ nelwjiyεeθ, kan iged.36yen: «ibba, dadde! cex eθgeddeδ eθegeδ kul cey, beεεeδ felle elkase, muc emmax i xse neč emme emmax i θexseδ cex.»37yeδwel yafin enεesen, yennes ybuTrus: «endre tenεeseδ esemεan? eltgeddec eθeshreδ essaεeθ icθ?38esehreθ tezzallem, bac e ltHeslemc g ujerreb, erruwH texs yemenni elbδen Dεiyf.»39yebεeδ tikkelt xlaf yezzal, iεaweδ edwi biyδe.40yeδwel xlaf yafin enεesen, εlexaTer enuddem yeγlebθen, wellessinenc δmette δesennen.41yeδwel tikkelt teθθalet yennasen: «eltuciym tenεesem umerθeHiyn? yezzi! yuseδ elweqθ. tay bnaδem δeyemmuwc yifassen nelli γleĎen.42ekreθ bac e nexDem! elli δeyyezzenz yeqreb.»43unette elyuwc iδukke yeweD yehuwδa, iyjen seg eθnacdiyn, wiyδes eljmaεeθ qamen lesyuwf etγeryiyn, uznenten imeqqaren nelkuhhan dimuεelmen necceriyεeθ diwessaren.44w ykan elli yezzenzi yuceyasen elεlameθ yennasen: «elli δeθkubbe eyendeγ nette, eTfemt tewyemt eθεussem felles belgde.»45max i yiweD yehuwδa, yeqreb yyesuwε yennes: «ya siydiy!» ikubbi.46ezlen ifesnensen felles eTfent.47yemenni yenzeγ iyjen seg elli diyn essifes yewweθ exeddam numeqqar nelkuhhan iquSSes θemedjiθes.48yennasen yesuwε: «endre f uxennab teffeγem s lesyuwf etγeryiyn bac e yθewyem?49kane kul yuwm iyδwem esseqrγ g elheykel weyθeTTifemc, emme wahen ySar bac e kemlen elxθabaθ imqedsen.»50edjent elkul erwlen.51yeθbeεθ eεezri iHuT f imenes kan δejjebbeθ, eTfent.52yemenni yedj ejjebθes yerwel δ eεeryan.53ewyen yesuwε yumeqqar nelkuhhan, emlaymen imeqqaren nelkuhhan elkul diwessaren dimuεelmen necceriyεeθ elkul.54yeθbeεθ buTrus seg lebεiyδ ywemmes nelHuwc numeqqar nelkuhhan, yaδef yeqqiym diεessasen yetteddeffe f elεafyeθ.55ukanen imeqqaren nelkuhhan diyh nelmejles elkul etHewmen g echaδeθ f yesuwε bac e θenγen yemenni wellufiync,56εlexaTer leεbaδ egget cheδen f elles s ezzuwr, yaδef edwiynsen g beεDe.57ekkeren eljmaεeθ essisen echδen felles s ezzuwr, ennen:58«nečin nesli yeqqar, <δessendre elheykele elli yemmebne s ifassen, ebniyγ g etlaθe eyyam elheykel elyetmebniyc s ifassen.>»59udahen zade yuwδef edwiynsen g beεDe.60yekker emeqqar nelkuhhan uggemmes nelmejles yenceδ yesuwε: «elγrexc mette δeθerreδ fellasen? δmette wahen elli cehδen essis fellex?»61yemenni yeqqiym yesger, elyeqqar Hette cey. yenceδt emeqqar nelkuhhan tikkelt xlaf: «δcex elmesiyH memmis nrebbi emebruwx?»62yer felles yesuwε: «enneč nette. uδeθezrem bnaδem yeqqiym f elymiyn nrebbi elqader, uyuseδ s esHab nesme!»63icerxes emeqqar nelkuhhan edbeces yennes: «meεεač elHajeθenne s eccuhhaδ?64tesliym ywekferes, δmette iθenniym?» eHkmen felles elkulhum elli yettesθahel ejafi.65ebδen eljmaεeθ essisen eskufasen felles, uraDnes g uδmes wettewθen δiys s lexfuwf unihnin eqqarnes: «essuwli δwiyn.» Hette δiεessasen kanen ettewθen δiys.66max i ykan buTrus g elHuwc elweddey, teθεedde texeddamt seg etxeddamin numeqqar nelkuhhan s ezzeθes.67max i θezre buTrus yetteddeffe, terqebθ tennes: «cex zade tkaneδ dyesuwε ennaSriy!»68yemenni yenker, yen: «ellessinac wellefhimac δmette iθeqqareδ!» yeffeγ ytesqifθ, yedden eyaziδ. 69tezri texeddamt, tebδe teqqar yelli diyn elmerreθ xlaf: «wahen essisen!»70yenker xlaf. beεεeδ qiqqi, ennen elli diyn ybuTrus elmerreθ xlaf: «lazem cex essisen, εlexaTer cex seg eljliyl.»71yebδe yetsubb uyetteθjul: «neč ellessinac eryaze elli tHekkem felles.»72g elweqθes yedden eyaziδ tikkelt xlaf, yesfekker buTrus edwi nyesuwε: «qebl eyedden eyaziδ merθiyn, eyθenkreδ tlaθe merraθ.» yebδe yetεeyyeĎ.
Chutney Media Agency Limited