1 Timoteo6
1Kamabi an ñu më́ëkë uni an ka, an ñu më́mikë uni ami sinakima upiokin kamabi nuibati ꞌikën, Diosan anë ꞌatimakin ñuiana nun ꞌunamikë a ñuiribi ꞌatimati batima kupí.2ꞌImainun ka uix kara axa Jesucristomi katamëkë an ñu mëmikëñu ꞌikë anribi, ka an ñu mëxunkë nuibati ꞌikën, ax ribi Jesucristomi katamëkë ꞌixun ka. Anribi upiokin ñu axunti aín, usakian an ꞌakë ax ka nun xukën ꞌixun kuë́ëkin ñu bitsi upí ꞌiti ꞌikën.3Uin kara abi sinankë ñu ꞌunamia ax ka nukën ꞌIbu Jesucristo, ñuia nun ꞌunamikë usama ꞌikën.4An ka rabiakakin añu ñubi ꞌunanima, ꞌimanun ka ꞌatima sinañu ꞌaish kuëbikanani bëtsi ñui banaia ax ka achúshi insinsa ꞌikën. Anun ka pishuti, nishti, chichananti, mëananti usama kiti akama ꞌaia,5ꞌimainun ka nëtëtima mëanankin bëtsi ꞌatimakin sinamia, usai ꞌikëkama an ka ñu atima ꞌakin sinanima, ka asérabi ka kixun ꞌunanima Diosmi katamëkinsa ꞌitsaíira kuríki biti ꞌikë kixun sinania.6Ka asérabi ꞌikën Diosmi katamëti ax ka itsaíira ñuñu ꞌiti ꞌikë, aibi ka usama ꞌikë uin kara bitsia an ka ashi biti ꞌiti ꞌikën.7Añu ñubi kananuna ënë nëtënu bëkëma ꞌain, ꞌimainun ka ꞌañu ñubi kananuna ubantima ꞌain.8Usa ꞌaish kananuna pitiu ꞌianan chupa pañu ꞌaish kuë́nti ꞌain.9Usa ꞌain ka axa ꞌitsaíira ñuñu ꞌisatankë ax ñu ꞌatima ꞌai ñunshinan tankë ꞌiti ꞌikën. Atux ka ñu ꞌakë kupin kurikiñu ꞌiti sinankë kupí ꞌaisama okin këñukë ꞌiti ꞌikën.10Nux kurikiñu ꞌitishi sinánkë ꞌixun kananuna ꞌatima ñu ꞌati sinani; usa ꞌain ka bëtsikama an bëtsi ñu kuë́ënkë, ax ñu upí ꞌakë a ëni tëmëraia.11Aibi mix Diosan uni ꞌaish kamina, ëne ñukamanua chikíti ꞌain, upiokin sinani tsóti, ami katamëti, nuibani, ami kushi tëmërakibi ñu biti ꞌimainun mi nuitunën sinani ñumara ꞌiti ꞌain.12Upiti mëanani kamina upiokin min sinanbëtabi ami katamëti ꞌain, anumi nëtë́timoi tsóti a kamina ꞌëntima ꞌain, akupia mi Diosan kaisá a kamina, ami katamëkin ꞌitsaíira unia mi isnun ñuiñakën.13Bëri kana Dios an kamabi ñu unio ꞌimainun Jesucristo an ribia Poncio Pilato ꞌupiokin unamikin ñuixua an kuaiminun kana, ësakin mi kain,14usa ꞌain kamina ꞌën kakëxun kuati ꞌain, unin ka uisakinbi mi katima ꞌikë, Jesucristo pënëíira kuatsini utëkënti ꞌitamainun.15Anun ax uti nëtë ꞌikëbëtan ka, Diosan Jesucristo xutëkënti ꞌikën axa,
ꞌApuíira ꞌianan kushíira ꞌai ꞌapukaman ꞌApu ꞌimainun ꞌibukama ꞌIbu ꞌikë ꞌiminuxun ꞌaia.16Axëshi ka bamatimaoi tsókë a ꞌikë, ax ka tirí xabaira uinbi ꞌurama oisama anu sotia. Uinu ꞌikë uninbi ka ꞌiskëma ꞌikë, ꞌimainun ka uinu ꞌikë uninbi isima ꞌikë uinbi ka istima ꞌikën. ¡Kushíira ꞌikë ami sinankin xënibua aibi a rabiti ꞌikën!17Ënë nëtënu ꞌitsaíira ñuñukama mitsun kamina, min ñun rabiakatima ai, min kuríki ami katamëtima ꞌain. Usai ikima kamina upiokin Dios ax uti a kainti ꞌain, an ka chaíira ñu abitsinu asabi ꞌinun nu inania.18Kamina upiokin ñu ꞌaia, anubi ñuñuiara ꞌinun kati ꞌain, ꞌimainun ka aín ñuñu ꞌixun bësi kuënki ꞌinanti ꞌikë, ianan ka ñu inantishi ikë.19Usokin ai kamina ꞌitsaíira ñuñu ꞌinuxun ami katamëkin asérabi këmëma bana a anun tsóti a biti ꞌain.20Timoteo, kamina upiokin bëruanti ꞌain Diosan mi ꞌinankë a, ñankabia ënë mënuxun këmëki ñuikë ꞌaisama banakama a kamina kuatima ꞌain.21Bëtsi kaman ka an unairakë unamikima ëanxa, ëni ka ami sinanti manuaxa.
Nukën ꞌIbu ka mikama nuibatia, ꞌAshi.
ꞌApuíira ꞌianan kushíira ꞌai ꞌapukaman ꞌApu ꞌimainun ꞌibukama ꞌIbu ꞌikë ꞌiminuxun ꞌaia.16Axëshi ka bamatimaoi tsókë a ꞌikë, ax ka tirí xabaira uinbi ꞌurama oisama anu sotia. Uinu ꞌikë uninbi ka ꞌiskëma ꞌikë, ꞌimainun ka uinu ꞌikë uninbi isima ꞌikë uinbi ka istima ꞌikën. ¡Kushíira ꞌikë ami sinankin xënibua aibi a rabiti ꞌikën!17Ënë nëtënu ꞌitsaíira ñuñukama mitsun kamina, min ñun rabiakatima ai, min kuríki ami katamëtima ꞌain. Usai ikima kamina upiokin Dios ax uti a kainti ꞌain, an ka chaíira ñu abitsinu asabi ꞌinun nu inania.18Kamina upiokin ñu ꞌaia, anubi ñuñuiara ꞌinun kati ꞌain, ꞌimainun ka aín ñuñu ꞌixun bësi kuënki ꞌinanti ꞌikë, ianan ka ñu inantishi ikë.19Usokin ai kamina ꞌitsaíira ñuñu ꞌinuxun ami katamëkin asérabi këmëma bana a anun tsóti a biti ꞌain.20Timoteo, kamina upiokin bëruanti ꞌain Diosan mi ꞌinankë a, ñankabia ënë mënuxun këmëki ñuikë ꞌaisama banakama a kamina kuatima ꞌain.21Bëtsi kaman ka an unairakë unamikima ëanxa, ëni ka ami sinanti manuaxa.
Nukën ꞌIbu ka mikama nuibatia, ꞌAshi.
The Seed Company