Oseasi11
Línsiñehabu Bungiu houn lumutuniña mabuchahatiña
1«Dan meha le ñǘraügili Ísüraeli, hínsiñetimatiha nun kei meha niráü lubéi; wátina lun Ehiptugiñe.2Gama lumoun dántima le nagúahan lun, ligíatima ladisedun nuéi. Dagagüdati houn búngiugu ha mama Bungiu, águdaha ligía kupali houn guáriuagu.3Lau sun lira, adundeha numutiña lumutuniña Éfürain, arufudaha au éibuguni houn; gama lumoun úati gunfuranda hamani luagu au lan buga adundehabaliña.4Achawaha numutiña nuouguoun lau ínsiñehabuni; yarafagüda numutiña luagun nubuyubu kamá hamuga irahüñü guragiña; lemutina lun néigagüdüniña.5Gama lumoun hagía máhatiña hagiribudun nun. Ligíati hagiribuduba lubéi Ehiptun, larúeihaba Asiria hawagu.6Tábürühaba eféin luagun burí haburugute, tagumuchuba lau burí liderebugu haburugute, tagünrinchaguboun ladüga hariban.7Aban le houn numutuniña lau hadisedun nuéi; agúarahatiña iñun, gama lumoun úati íderagutiña».8«Ida lubagia nígirunibu Éfürain? Ida lubagia nágurunibu Ísüraeli? Gayaraabei funagia nagünrinchagunibu kei nagünrinchaguni uburugu Adümá, o nadügün lan bun kei nadüga lun Seboimü? Buin tiña nanigi lau gudemehabu bun!9Múaradunbadina luma lanarime nigañi. Magünrinchagundigia naali Éfürain, lugundun mama au wügüri, Bungiu au. Au sandu le bamidanguabei, ani mama niábiña agünrinchaguabu».10Hagía hafalarubei Aburemei, ligía ladürürühaba kei aban liñún. Ladürügüdüba ábame hayabin lánigu adadagareina lídangiñe oubaü le ñeinhin lubéi lálüda weyu,11«Hayabinba kei dunuru adadagareina Ehiptugiñe; hayabinba Asiriagiñe kei unhun; ábame nadügün lunya haganóun hábiñe. Au, le Aburemei ariñagubalin».Lisalufurin lageira Bungiu
12«Geyegua láadina Éfürain lau iyeeni; geyegua hamaadina lumutuniña Ísüraeli lau eyeeraguni. Díreihali Hudá luéi Bungiu, guentoti gúnfuliti hama guáriua.Bible Society of Honduras