2 Yuuhanna1
1Usuurkina, tootakat tuwaasamaatwa yꞌareehwa ookiik, ani batooh usidkiib areeyani. Aree aneeb oobhaat kaaki, laakiin oosdik ikteen kassaah han areeyeen.2Uusdik hineeb eefee aree diimaab geeboon daayi indi.3Ukwaasana Ubaabaaywa Yasuuꞌaab Umasiih Ubaabaay Ooriiwwa ikatiint tinꞌimaawwa, tirhamaawwa, umꞌasigwa baꞌiyaaw hoon, aree usidkiibwa ureeriibwa geeboon daayi iyadna.4Gali yꞌareesook usidkiib sakee rhanihoob ani winneet afirhan. Ubaaba bak waseeya hoon.5Yaa tutakatay, oontꞌa ani gayiit wasi dehook kaakitib laakiin gaat suur tibadootee akay nimaasweet dehook akantiib. Hinin taktak areenayeet toona hook harriiw.6Aree uun baruuh ooreer ikati: bariiteeh tiwasi sinaakirtiit saknay. Batuuh suur tibadootee timaasweet toonaatiit, aree bariituuh tuwasi ooreeriib sakteeneet toonaatiib teefi.7Gwida toolana kastooh tuduniyaatiib ibrarniit, Yasuuꞌa Umasiih wꞌaadamiit hayꞌaatii yꞌiiniyeet toona kasooyaan. Bak tꞌiiteeb uutak toolanaabu, aree Umasiihi ashu ikati.8Aflaay toona hinin dehaay shagaamnaneet bitkwidhayi jillaay gwꞌadna. Laakiin wꞌijrookna timmiima imaar tiyadna.9Gaal han suurbeeti dhaabeetiit Umasiihi utꞌaliim biisoorariimeek, baruuh Ukwaasana kiibari. Laakiin Yasuuꞌiib utꞌaliim isoorariimka Ubaabaawwa Wꞌoorwa mhalleehna ibari.10Gaal han yꞌeetiit hookna oon utꞌaliim haay biiyꞌayeek, ugawookna baashuumsaana tari baahadaarna!11Barooh itehadiirka bariiyooh geeb tumaagtu shaga itꞌadhiidh.12Ani gwidaana bareek beeti akantiibeet teefi, laakiin galamwa waragtiiwwa akantiibeet toona kaahariw. Laakiin rheesameetiit hookna suurookna fiir fiiree hadiidaniyeet toona aharriiw. Aflaay tifirhaataan timmiimeent ikatiin.13Tukwaatook tuwaasamaati ar tishboonay salaameen hook.
The Seed Company