Yeremia20
Yeremia Kalɔ Ku Oletatɛ Pasur
1Obe wɔ di Imer obisuɔtɔbi oletatɛ Pasur, wɔ niale ni ɔnɔɔfotii-nɔɔfo di SAATE nwu olekatakɔ, lanu alɛ Yeremia kobuɛ sɛlaa se mmle antɛ ni yi,2ni aata baamufũ ɔlaabuɛtɛtɛ Yeremia baapɛ, baapɛ nwɔ lekpo, ni baayɔ nwɔ baakpee di Benyamin Katoo lɛkyɛ Kayoko leyo kamɛ di SAATE nwu olekatakɔ nɛ.3Di kale lasɛ nii, di Pasur lafukuti nwɔ ni di lekpo yi, ni di Yeremia latɔkɔ nwɔ alɛ, “Leyooto le di SAATE nwu lɛta fɔ ni diele Pasur, kafɔɔ Magor-Misabib aatika fɔ.4Diekye nnya ɔlaa wɔ di SAATE nwu kobuɛ ni alɛ: ‘Kamabla fɔ fanle lɛyɛkɛsaa fanta suoto lɛfɔ ku basiɛwo lɛfɔ bamuu; ku anu lɛfɔ amu fabanya ma mankpi di balo lɛma kapamii kanya. Kamayɔ Yuda omuu nkpee di Babel ɔka nnɛɛ, nnwɔɔ nimakpaa ma ansifiko Babel ee anlo ma ku kapamii nɛ.5Kamayɔ okpoo kplɛ wɔ mmle lɛsaawɛ nimuu nkpee di balo lɛma nnɛɛ- asaa ninya amuu, asaa finle ninya amuu ku Yuda baka asaa ya niefũ ni kɔya amuu. Babayɔ nya fɛ kakpɛ kamɛ asaa mantuka nya mansifiko Babel.6Ni afɔ, Pasur, ku mba bamuu ninsi ni di leyo lɛfɔ kamasifi sɛlanle kamɛ di Babel kasɔ suoto. Nfa bibakpi mankokaa ye nɛ, afɔ ku basiɛwo lɛfɔ ba bamuu niabuɛ kakyɔnkyɔ sɛlaa biatɛ nii.’ ”Yeremia Layɔ Ɔlaa Aatɛ Di SAATE Nwu Anu
7Oo SAATE, faakyɔnkyɔ mi, ni baakyɔnkyɔ mi nɛ;osie lɛfɔ lalenkee mi, ni faalenkee nɛ.ntookple lɛmansaa dii kufĩ kumuu;otii biala kɔma mi.8Obe lele kɔkakatɛ, nfafaan-yie lɛkya di kudu okpee ku kawɔɔ suoto.Nioso SAATE nwu ɔlaa ntɔɔtaatufa ku sinunsɔ lɛwa di suoto nii dii kufĩ kumuu.9Kafɔɔ nse lebuɛ nlɛ, “Nɔmalɛɛ nwɔ leyootoee nkple nkakatɛ di leyooto nɔɔ kamɛ yi,”ɔlaa nɔɔ nsi di otu nii kamɛ fɛle ɔtɔ,ɔtɔ wɔ bɛɛsɛɛ beekpee ni di akufi nii kamɛ.Oklee ninwu ntootuudi mi di kamɛ nii;nwaako, nɔmafuo.10Nnu batii kpinwu kobuɛ sɛwɛwɛɛ alɛ,“Difu nkpe di ɔfankyi biala!Diki nwɔ kalɔ! Bita budiki nwɔ kalɔ!”Basiɛwo nii bamuunsoko mi alɛ nfɛntɛ, mambuɛ alɛ,“Loobia babakyɔnkyɔ nwɔ;n-se butɔɔwɛ osie di suoto nɔɔmumbla ɔbla okyisa loo di suoto nɔɔ.”11Kafɔɔ SAATE nwu nsiko mi fɛle kpɛtɛ kplɛ;nioso mba ninkomiɛ ni dikpile nii kamatuula, blɔbalenkee kafɔɔ.Babapɛ kaasɔ, manfũ sinunsɔ osie kanya;blɔbayee sinunsɔ lɛma nwu diidii.12Oo SAATE wɔ Ninlenke ni, afɔ wɔ ninsɔ tininitɛ fannyu nifanwolaa ni otu ku disibu nɔɔ kamɛ fannyu ni,tɛɛ nnya ɔbla okyisa lɛfɔ di suoto lɛma,diekye afɔ lɛyɔ ɔlaa nii lɛta.13Bisa onu bita SAATE nwu!Biyɔ katansa bita SAATE nwu!Diekye nnwɔɔ ninfũ batii ba diefĩ ni nkpaankyeko basiensiɛtɛ nnɛɛ nɛ.14Lɛkpaani dile dita dii le baalofo mi nii!Batan-wii dii le di yaami lalofo mi ni lɛtɔtrɔ!15Lɛkpaani dile dita otii wɔ niayɔ kanya aakyɛnko ni teemi,aatɔɔ aanya ni suoto lɛyɔɔ, aabuɛ ni alɛ,“Beelofo obisuɔtɔbi bɛɛta fɔ nii!”16Otii nwu ate fɛle sekpoo sedi SAATE nwu lawɔɔsa ni, atanya sĩ ni nyaami.Tɔɔ anu mmuntũ di olesɛ,kakpɛ kudu di kakũ.17Diekye atalo mi di olofofɔtɔ kamɛ,ku yaami fɛ ɔkya nii,alɛ lɛmɛ nɔɔ kate, dinaa ni kaloo.18Obe lɛsaa oso latɛ ladie di olofofɔtɔ nwu kamɛ lawaalɛ kanya dibuo ku sɛnyaami owialɛ ayi nii kaloo di sinunsɔ kamɛ?The Seed Company