YESAYA41
1SAATE nwu labuɛ alɛ, “Aye nsɔ be di ntu lɛmana diekyi ni, bilo kanana beenu mi!Bita nnle nwu disɛnkɛsa osie lɛma fɔle!Bita ma bawa sitũ baakakatɛ;biɛta busi di kakankɔ.2Owe niɛsɛnkɛsa otii nwu eekyeko kufĩ kantunkɔ,nnwɔ di nkpaa didiki biala nwako ni lelenkee klekle?Ɛɛyɔ nnle eekpee nwɔ ninnɛɛni ɛɛwakosa baka kasɔ di anu nɔɔ nɛ.Ɛɛbla ma fɛ kudu ku kapamii nɔɔ,kɔtaa nɔɔ kafɔɔ lɛsamiisa ma fɛ sɛsɔ di kɔfɛɛfɔ kanya.3Antikanko ma ankyɛ sitũ lɛsalɛsaa nimbla nwɔ,di sisuku se di nkpaa nɔɔ diife ni diidii.4Owe niɛbla nle mmle ɛɛta diɛwa kaanya,ɔɔlɛɛ ni ana diɛyɔ ni kaasɔ kakyekɔ?Ami, SAATE nwu ninle ni ɔkasale ku ɔnyɛntɛle nwu, Ami ninle nnwɔɔ.”5Nsɔ be di ntu lɛmana diekyi ni ntɔɔnya lɛyɛkɛ lemufũ ma;kasɔ nyɛntɛlekɔ kotũkũ.Beesiisa bawo bɛɛwa;6obiala kɔkyakaako owo nɔɔɔɔtɔkɔ owo nɔɔ kafɔɔ alɛ, “Nwini lo!”7Asaa wolatɛ nkpee koto sɛɛle kpɛmblatɛ osie,nnwɔ kafɔɔ ninkyɔlɔkyɔlɔsa ni ku ditukasaankpee nnwɔ nikɔpɛ ni ditukafuɔ osie.Antɔkɔ nnwɔ nikɔkyasa ni alɛ, “Dilɛ.”Ampɛ obuɛ di afiɔ nwu suoto alɛ alabatũkũ8“Kafɔɔ afɔ, Oo Israel, kpɛmblatɛ nii,Yakob, afɔ wɔ ladiki ni,aye Abraham siɛwo nii banantii,9lɛkpaa fɔ lekyeko kasɔ nyɛntɛlekɔ,lɛlɛɛ fɔ lekyeko kasɔ nwu fanfa akɔ.Ni labuɛ nlɛ, ‘Kpɛmblatɛ nii fale’;ntoodiki fɔ ninsĩ fɔ kafɔɔ.10Nioso tanyɛkɛ, diekye nsiko fɔ,tanta ɔfɔɔ lasifi fɔ diekye ami ninle fɔ Yaa.Kamakpee fɔ osie, nkyakaako fɔ kafɔɔ;kamaklee fɔ ku koletanɛɛ nii siene nwu.11“Batii ba bamuu nimanya ni ɔblɔ di suoto lɛfɔnwaako sinunsɔ kamakpɛ ma nimbla ma kpo kafɔɔ;mba nimataka manyila fɔ ni di suotoblabadie kusi, babawɔɔ kafɔɔ.12Fabawolaa balo lɛfɔ,flabanya ma.Mba niɛtaka ni kakpɛ di suoto lɛfɔblabadie kusi diidii13Diekye ami ninle SAATE Yaa lɛfɔ,nnwɔ ninkle fɔ ni di koletanɛɛ lɛfɔlɛtɔkɔ fɔ kafɔɔ nlɛ, tanyɛkɛ nii;kamakyakaako fɔ.14Oo, Yakob wɔ niɛyɔɔ ni fɛ kunnwɔɔ, tanyɛkɛ,Oo, Israel biibii,diekye ami omu nimakyakaako fɔ,” SAATE nwu niebuɛ,Dikitɛ lɛfɔ Israel Klekletɛ Nwu niebuɛ.15Nyu, kamayɔ fɔ mbla kamɔɔ ɔpɛ lekloo,le niemuɔ dikpeni osie.Fabapɛ abokote, fambibiɛ nya muɛmuɛ,fababiɛ kafɔɔ akpenkpe ante fɛ sɛsɔ.16Fabafɛɛlɛ ma, kɔfɛɛfɔ ntuka ma,kɔfɛɛfɔ siene kafɔɔ nsamiisa ma.Kafɔɔ afɔ fabanya suoto lɛyɔɔ di SAATE nwu kamɛfantansa kafɔɔ ami Israel Klekletɛ nwu.17“Nse bapiitɛ ku mba diefĩ ni komiɛ ntu,di kunnwii nnaa;di sɛkplalomii lɛma lekoso ta otukɔnsɔ oso.Ami SAATE nwu kamatuna nta ma;Ami, Israel Yaa, namadiɛ ma nnɛɛ.18Kamata sekle mbiɛ sinfe di abokote ya niekpi ni nsintɛɛ,ntu ntaa kafɔɔ di sɛtaata.Kamata sɛfaafuu nkple ntu apanta,kasɔ kosole kafɔɔ nkple ntu ntaakɔ.19Kamata awoso nyie di ɔfaafuusida ku akasia awoso, mitle awoso ku nnɔnyi awoso.Kamata pine awoso nyie di kasɔ ka ninte ni kafukuti,fir awoso ku sipres awoso kamayie ankpɔtɔɔ,20mmle okle di batii kamanya mantofo,mambu ni diisi mannu ni kasɔ kafɔɔ,alɛ SAATE nwu kɔnɛɛ niɛbla nle mmle,alɛ Israel Klekletɛ Nwu niɛbla ni.21SAATE nwu alɛ “Biyɔ ɔlaa lee biwako.Biɛyɔ ɔlaa ɔnanfi lee nwu biwako.” Yakob Ɔka nwu niebuɛ.22“Bikpaa afiɔ lee nwu biwako aabatɔkɔ wolɛsaa le nimawa ni di kayi kamaa.Biɛtɔkɔ wo sekofolaa se niawa ni,alɛ buabu sĩ disimuntofo kafɔɔ mmle okle siawa nii.Ee bitɔkɔ wo asaa ya nimawa ni,23bitɔkɔ wo lɛsaa le nimawa ni di kayi kamaa,alɛ buatofo bulɛ aye ninle afiɔ.Bibla lɛsaa lewo, lɛnwaa ee lɛlalaale,alɛ diabla wo ɔkpɛ, lɛyɛkɛ mpɛ wo ni.24Kafɔɔ biedie lɛsalɛsaasɛkpɛ ɔbla lee kafɔɔ diedie lɛsalɛsaa;mba nikɔtɔ ye nii, ayududusaa bale.25Ntookpee otii onwii eekye katoo kasɔ ɔɔwa-lɛlɛɛ nwu ku leyooto nii lekyeko kufĩ katunkɔƆɔnwɔtɔ baka fɛ kɔtɛ bale,fɛ mmle di dibukii blatɛ nnwɔtɔ ni kɔtɛ.26Owe niabuɛ ɔlaa wɔ mmle di kasɔkayekɔ, alɛ buatofo,ee aabuɛ aatɛ, alɛ buafuo obuɛ bulɛ, ‘Ole nwɔ nkpe’?Kuonwii ditabuɛ nnwɔ mmle,kuonwii ditabuɛ nwu aatɛ,kuonwii ditanu ɔlaa kuonwii akyeko ɔkyɛ lɛfɔ.27Ami niale ɔkasale niatɔkɔ ni Sion nlɛ, ‘Nyu, nnya ma!’Lakpee ɔlaa biene tɔkyɛntɛ Yerusalem.28Lakpekpee anu kafɔɔ ntanya kuonwii-kuonwii nnaa kaamɛ lɛma aaka ma nii,kuonwii nnaa aadiki ni kanya nse lɛkaalɛ ɔlaa.29Nyu, amuu asaa fukuti ale!Ɔsaabla lɛma diesi di lɛsalɛsaa kamɛ;afiɔ lɛma nwu nte fɛ kɔfɛɛfɔ ku kakpɔkpɔtɔ.
The Seed Company