Titus2
1Mơya kon, păl tơs lơ̆gay jơno găy la iyŏ ngăn î jơno ƀăn mơntău niem.2Mơ̆ndơm-mơ̆nieng cĕ tơmpôl ông dơng năm păl gư̆t kơhea, krañ-cê, gư̆t sơndư̆ng dơnău, niem-lơhơn nơ̆m jơno don, nơ̆m jơno kơñ-kơloh, î nơ̆m jơno kŏng-ăt.3Kŭng tîgư̆n, mơ̆ndơm-mơ̆nieng cĕ tơmpôl mò dơng năm păl jăt jơno duh kơ̆mbrit dubă dî păl, ơ̆ tơs bờk hala kŏng lơh dê̆-gơna ma alăk, mơya păl la cro bơtău jơno niem,4lơi ma ƀòn gô digơlăn ƀăn mơntău tơmpôl cro-ua êt năm gôjîng tơmpôl cro kơloh bo-klo, kơloh kon,5gư̆t sơndư̆ng dơnău, sang lơhiê, rgê lơh bră hîh î don kơ̆mbrit bo-klo mơ̆n, lơi jơno Yang Tơm Trồ ơ̆ kŏng tơs bờk.6Kŭng gư̆p tîgư̆n, mê păl ƀăn mơntău lơ̆gay cro pơnu păl gư̆t sơndư̆ng dơnău,7tơm tô̆ rang sơđah sătan kon nơ̆m lơ̆gay kơp jơno gư̆ptî jơno lơh krơh bơh lơ̆gay bră niem, rang sơđah jơno tơpăt-durư̆ng, krañ-cê nơ̆m bră ƀăn mơntău,8î jơno bơtău iyŏ ngăn ơ̆ anẵu găy ƀoah-đas dî, lơi kơp cro găy bơh tơmpôl tơmdră păl kŏng ƀasmôh ƀasmăt bơh ơ̆ tom jơno bờk găy lơi tơs bơh ƀòn mơ̆n.9Păl ƀăn mơntău lơ̆gay cro lơh dê̆ păl don kơ̆mbrit cro pơnhơm mơ̆n, lơh niem-nùs cro pơnhơm nơ̆m lơ̆gay kơp bră, ơ̆-iyŏ tơmbơkai,10bư̆ng kơntô̆ng-kơño, mà ala bơh gư̆n păl sơđah tơlôh nùs don-tơpăt wêl-tăl, lơi nơ̆m kơp jơno lơh, ƀòn gô digơlăn iyà wăl jơno ƀôhơ̆ ma bră ƀăn mơntău bơh Yang Tơm Trồ, Yang Dŏng-Klàs ƀòn mơ̆n.11Bơh jơno sơmah Yang Tơm Trồ dê lơi dŏng-klàs lơ̆gay cro sŏng dî rang sơđah,12jơ dô ndăng hôm bơtău tơngkah ƀòn mơ̆n, lơi tơm jơ sŏng lơi căư jơno ơ̆ don kơ̆mbrit băl î lơ̆gay nùs ham-kơñ dunya dê, ƀòn mơ̆n digơlăn jîng dubă gư̆t kơhea, tơpăt-durư̆ng gư̆m ngăc-ngăr nơ̆m rai dô,13ndăng jơ cơkhă-cang jơno don kơnơm lơngăp-lơnge î jơno mơñ trôh jơno gơklŏ Yang Tơm Trồ dê dơng mang rlo î Yang Dŏng-Klàs ƀòn mơ̆n la Yang Dŏng-Klàs Jesu,14Bơtao sŏng phi să tơm Kơnràñ bơh ƀòn mơ̆n lơi tơwai ƀòn mơ̆n klàs bơh kơp jơno tồi-glài gư̆m lơi rao lơhiê ma Kơnràñ du lang bol ăn dêh, la lang bol ngăc-ngăr î bră niem.15Bơtău cĕ lơ̆gay jơno gư̆n, mơ̆ndơm-mơ̆nieng gư̆m tơng niem wăl î jơh lơ̆gay gơnoăr wêl-tăl. Bư̆ng lơi cro găy lăng ơ̆săp-ơ̆său kon.
FAR EAST BROADCASTING COMPANY