REV - BUU7
1Kugon rinyi Me to miri ko Izhi nza wa ki ri nde ri kungo nza ri mgbumgblume, wa ri ran raa ngungu mgbɨre nza no wa ran fu ri mgbumgblume ko ka ri ne ko ka ri ko konkron ri tan.2Nga me bru to vren ko Izhi ri a zhu kusi nzan ran hon shu ri mbe Izhi riwa ari vri ri wo. Ka yo wa miriko Izhi nza-a mgbamgban wawa Izhi a no wa gbengbren no wa kpa mgbumgblume nga ne.3Ivren ko Izhi-a ka tre ri,<<Ran no mgbumgblume, ne ko ka konkron ya ran, tse ki yo mkpan ri wa ndu Izhi ri mbe Izhi ri chi ri.>>4Nga me wo ri wawa wa he ri nkpan ri mbe Izhi ri chi mba wa he 144,000. Wa zhu ri wa rɨme wuru don hari ri Israila,5ko rɨme ritan a he ri nji ngo wuru don hari: Wa he wa gɨzhi wa Yahuda, Ruben, Gad,Asha, Naftali, Manase, Simiyon, Lawi, Isaka, Zebulum, Yusufu, Benjami.9Kugon rinyi Me ya, ijibu nji wa ka ki riwa njo a ran to bla wa ran! Wa zhu ri wa gbunji, ri wa gɨzhi, ri wa nkon ri wa rɨme, nga wa ki ri kusi kpanchi nga riwa vren ntɨma, wa su wa tsro kinklan nga wari ngizhi wa takpari ri wo mba.10Wa ka ndzu raan ri,<<Ikpachuwo zhu ri Izhi mbu ye, riwa a son ri tu kpanchi, nga zhu ri vren Ntima!>>11Imiri ko Izhi waka kuki ri kusan kpanchi, Wa rinkon, nga kyawa wa vri ti nza. Imba waka sontu gɨzhi ri kusi kpanchi-a nga gbre Izhi,12wa ran tre ri,<<No he ngamba! Igbre, imkpen, wiwiri, ide ri ngiri, no he wa Izhi mbu hi riwa a ran kre ran! No he ngamba!>>13Iri rimi wa rinkon-a ka miyen wen ri,<<Wawa wa su tsro kinklan mu wa he wa ngan nye, nga wa zhu kutan nye ye?>>14Me nyime wu ri,<<Me ran to ran, nji rinkon. Wu to.>> Ka tre mo ri, <<Wa nyi wa he nji wawa wa ye zhi ri nchon yaa ri si kpa ri. Wa ngla wa tsro mba wari no he kinklan ri yii vren ntɨma.15Ritu wan nye wa kukri ri kusan kpanchi Izhi wari ri ti ndu ri wu bla vi bla mbre ri tra ti baan wan. Wawu ri wa a he ri kpanchi ya wa no kya ran bre wa ran.16Iyon ko ila ima ran ti wa ngaran; izhi ran hu wa ran nga wa ran to lo kya ngaran,17ritu ivren ntɨma, riwa a he ri tsutsu kpanchison, ari he nji ri kshu wa, nga ari tsro wa nkon hi ri gba ima ri de vri. Naga Izhi ri se ima si zho ri wa ri si.>>
The Word for the World International