Nehimaiya6
Ñkaiso Ubiọọñọ ke Umaana Mbọp Ndibene
1Ke ini Sanbalad, Tobia, Kesem awo Arab ye mme asua ñnyịn mbon ako ekekoppo ke ami mmaamaana mbọp ndibene, ñko ke ufañ ndomokeed ikibaaha aba, akpesʌkado ami mmeñkedọññọ udọk ke inuaatob diin;2Sanbalad ye Kesem emaedọñ utom ennọ ebo: “Di, yak ñnyịn isoobo ke esịd idʌñ keed ke unaisọñ Ọnọ.”Ado ammọ ekeduak adinnam miin ibak;3anam ami mmaadọñ mme isʌñutom nnọ ammọ ye ibọọrọ ami: “Ami nnam ataa ekamba utom anam ndiikanna ndi. Ntaha ake utom akpetreke nọ ami nsọiyọ ibịne ndufo-o?”4Ammọ emaendọñ ukem utom ado akañ inaañ ennọ miin, ndin ami ñnyʌñ nnọ ammọ ukem ibọọrọ kwa ini.5Ndin, ayọhọ akañ ition, Sanbalad amaadọñ awo amọ ukem utom ado annọ, ndin awo amọ amaakama ñwed ake awo imiikidianna inua6e-ekewette ke esịd ete:
“Etañ ke atu mme idịd, ñko Kesem ate ke ado akpanikọ, ke afo ye mme Yuu eduak adisọñ iwuod, ndin ke anye asịn ndufo ebọp ndibene. Ke akanna ado, naña ikọ ami asaña, ete ke afo abiido adidem ammọ7ñko ke amesosio mme prọfed ate etañ ikọ ami ubaña fiin ke Yeruselem: ‘Adidem mmọdo ke Yuda!’ Ndin ikọ ami ayaadʌk adidem utọñ; kap di, yak isoobo.”8Ami mmaadọñ utom nnọ anye mbo ntom: “Utọ ñkpọ a-afo atañña do itịppeke; afo afiọk akere anye ado ke iwuod mfo atañ.”9Afịd ammọ ekenwana adisịn ñnyịn ndịk ke idem, ekere ebo, “Ubọk ayaanekke amem ammọ tutu ammọ ikanna inam utom ado aba, ndin awo idiikweeñeke.”
Ado ami mmaabọñ akam, “Idahami nsọọñọ miin ubọk.”10Usen keed ami mmaakaa ufọk Semaiya ayịn Delaiya, ayịn Mehetabel, e-ekekʌkkọ esịn ke ufọk amọ. Anye amaabo, “Yak ñnyịn isoobo ke ufọk Abasi, ke esịd tembịd, yak ñnyịn inyʌñ ibeet udọk tembịd, sia mme awo esʌkedi eduwot fiin, ammọ esʌkedi akonayio eduwot fiin.”11Ado ami mmaabo, “Ado se awo nte ami ñkpefeghe? Me awo nte ami ñkpedʌk tembịd mbaak akenyaaña uwem amọ? Ndiikaaha!”12Ami mmaakịt ke idooho Abasi akedọñ anye, ado ke aketañ idiọọk prọfesi ambaña miin sia Tobia ye Sanbalad emaekpe anye akʌk.13Ekekpe anye nọ ansịn miin ndịk ke idem mbaak ke adinam ntoro ami ndue, nọ ammọ ennọ idiọọk anyịñ adinsuenne miin.14Abasi mmi, toiyo Tobia ye Sanbalad, ke se ammọ ekenam; nyʌñ toiyo prọfed Noadia ye naña anye ye mme prọfed mbon ako esʌk esinwana adinsịn miin ndịk ke idem.15Emaebọp ndibene ema ke ayọhọ usen afiọñ edịb mme ition ke Elul, ke usen aba mme duob mme iba.
Ubiọñọ ke Ndibene Ekebọppọ Ema
16Ke ini afịd mme asua ñnyịn ekekoppo ebaña ami, afịd mme idịd e-ekannake ñnyịn ekʌk emaekop ndịk enyʌñ ekịt usʌhọde itie ammọ, sia ammọ emaekịt ke ekenam utom ami ke unwam Abasi ñnyịn.17Ñko, ke mme usen ado mme mbọọñ Yuda emaenọ uwak ñwed esọk Tobia, ndin ibọọrọ amaanyʌñ ato Tobia abịne ammọ.18Sia uwak awo ke Yuda emaeta unwọñọ enọ anye, sia anye akedooho ebe ayịn Sekanaiya ayịn Ara, ndin ayịn amọ Yehohanan akedọ ayịn awonwaan Mesulam ayịn Berekia.19Ñko, ammọ emaesʌk ekaa iso etañ ebaña mme nti adinam amọ ennọ miin enyʌñ edọkkọ anye se ami ñketañ. Ndin Tobia amaanọ mme ñwed ensọk nọ ato do ami ñkop ndịk.Biblica, Inc.