Nɨawari41hch_wb2
Teyuitɨwamete wa'ukiyari. Rawiri nɨawarieya.
1'Aixɨa pɨ'itɨarie kemɨ'ane memɨwerarani 'aixɨa mɨtiwaxeiya,Yawé hetsiena kanitanuamɨkɨ kepauka 'uximatɨarika hetsiena mɨye'ani.2Yawé hetsiena kanitanuamɨkɨ, tukari kanipitɨamɨkɨ,yutemawiekame kanayeitɨamɨkɨ xeime kwieyaritsiemeta memeye'unie yɨkɨ memiyurieni pɨkawapitɨani.3Kepauka mɨtitakwine, Yawé kanitatɨrɨkariyamɨkɨ,'aixɨa reu'eriekame kanayeitɨamɨkɨ.4Ne mɨpaɨ neputaine:«Yawé, keneneutinenimayata,'aixɨa keneneuyuri, 'ahepaɨtsita 'axanepɨtiuyuri».5Memɨnetsi'aye'unie 'axa'anekɨa memɨnetsiheukahɨpa, mɨpaɨ meputiyuane nehetsiemieme:«¿Kepaukari pɨmɨni?¿Kepaukari tepitatɨmaiya?»6Kepauka memɨnetsi'uyexeiyatɨkɨka heitseriemekɨ mepɨka'uta'axe,'uwata memɨyekɨne 'axamenetekuxatatɨ mepakɨka.7Memɨnetsi'aye'unie meyukuxeɨrieme nehetsiemieme mepɨte'utixaxata,nehetsie mepɨte'ahɨpa. Mɨpaɨ mekaniutiyuaneni:8«Mɨkɨ yu'utatsie 'akaitɨ hatsuakuri pɨka'anukukeni,'axamɨti'ane hetsiena kanikahani».9Nehamiku 'ɨaritɨ yemekɨ hetsiena nemɨtiwiyakaikwi nehamatɨa mɨrakwaiwekai,nehepaɨtsitari kaneuniukani.10Yawé, 'ekɨ matsi, keneneutinenimayata,kenenanukuketɨaneta nemɨnekɨhɨanikɨ.11'Ana mɨpaɨ nepɨretimani nemɨmetsinaki'atsitɨakɨ:xɨka mɨnetsi'aye'unie kanetsi'a'iwa.12'Aixɨa nemɨtiuyeikakɨ pepɨnetsituikani,'ahɨxie yuheyemekɨ ne'uyeikame pepɨnetsi'ayeitɨani.13'Aixɨa ketikuxaxatsiwani Yawé, 'Ixaheri Kakaɨyarieya,tsepanetɨ xeitsienituyari wiyari manuyekɨka yaxeikɨa ketikuxaxatsiwani.'Aixɨa pɨ'ane meta 'aixɨa pɨ'ane.No translations available.