اقرأ 1 Aka Abuumu 2

1 Aka Abuumu2

Abing Abon ba nlum ba Isreel Nya a

¹A wo li abon ba nlum ba Isreel: Ruben, Simon, Levi, Juda, Isaka, Jebulum,²Dan, Josef, Benjamin, Naftali, Gad a Aser.

Et'tohngo Ji Juda Tete Rehng Go Et'tohngo Ji Hejron

³Abon ba nlum ba Juda: Er, Onan a Sela, ane ara baa nnenkal a Kanan wo jele bo ka-e, ji jolo mmon no nkal no Sua. Er ji jolo ngbokambang a mmon no Juda, jolo eb'bi nsaba ala nne go ejang bi Jehova, owo wahnge Jehova wul-e no.⁴Nkala mmon no nlum no Juda no bo jo lung-e re Tama jele Pereji a Jera ka Juda, Juda bele abon ba nlum alon kpee.⁵Abon ba nlum ba Pereji ba a: Hesiron a Hamul.⁶Abon ba nlum ba Jera ba a: Jimri, Etan, Heman, Kalkol a Darda, bo kpee jolo abon na alon.⁷Abon ba nlum ba Karmi ba a: Akar ji ko ntong ba kunu Isreel, eji á rannge ntahm, nyi bungu re, nne kꞌrod nsol nyi bo ma yake ka Esowo.⁸Mmon no nlum no Etan wo a: Ajaria.⁹Abon ba nlum ba bo jele ka Hejiron ba a: Jerameel, Ram a Keleb.

Nti Ebangenab Ji Ram

¹⁰Ram wo jolo nde no Amminadab, fvfo Amminadab wo jolo nde no Nason, ye ji jolo ntubesi no anebe Juda.¹¹Nason wo jolo nde no Salmon, Salmon wo jolo nde no Boas.¹²Boas wo jolo nde no Obed fvfo Obed jol nde no Jesse¹³Jesse wo jolo nde no Eliab ji jolo ngbokambang a mmon no nlum, etoono mmon no nlum Abinadab, etoono abon ba nlum era Simea,¹⁴go abon ba nlum na ani Netanel, go abon ba nlum na alon Raddi,¹⁵go abon arakera Ojem, go abon asehma Devid.¹⁶Abonannyehn ba nkal ba a, Jerua a Abigel. Abon ba nlum ara ba Jerua ba a: Abisai, Joab a Asahel¹⁷Abigel wo jolo nnyehn no Amasa ji nde bo jo lung-e re Jeteri ji jolo nne a Isimel.

Keleb mmon no nlum no Hejiron

¹⁸Kaleb mmon no nlum no Hejiron, Ajuba nkal ewe jele abon ka-e, Jeriod tob jele abon ka-e. Abon Ajuba ba nlum ba a Jeser, Sobab a Ardon¹⁹Eji Ajuba kpo no Kaleb ko Efrad, ye ji jele Hur ka-e.²⁰Hur wo jolo nde no Uri, fvfo Uri wo jolo nde no Bejalel.²¹Eji jolo ano Hejron, ji ma kang nya atahl ara, song ko mmon no nkal no Makir ji nde no Giled . Á limi elkoro a ne á jel Segub ka-e.²²Segub jolo nde no Jair, ye ji jo fili eltahl ejahbe ebra go Giled.²³(Wo Gesur a Aram noko ebta ko Havod Jar fvfo bo tob ko Kenad a ejahbe atahl ara nya jolo sennge bo kak:) Nyaa kpee jolo etꞌtohngo Makir nde no Giled

²⁴Eji Hejiron kpo no go Kaleb Efrata, Abija nkal no Hejiron jele Asur ka-e, ye ji jolo nde no Tekoa.

Jerameel mmon no nlum no Hejiron

²⁵Abon ba nlum ba Jeremeel ba a; ye ji jolo ngbokambang a mmon no nlum no Hejiron, Ram ngbokambang a mmon no nlum no Buna, Oren, Ojem go Ahija.²⁶Jerameel bele nkal noko no bo jo lung-e re Atara, á jolo nnyehn no Onam.²⁷Abon ba nlum ba Ram ji jolo ngbokambang a mmon no nlum no Jerameel ba a: Masi, Jamin a Eker.²⁸Abon ba nlum ba Onam ba a: Sammai a Jada. Abon ba nlum ba Sammai ba a: Nadab a Abisu.²⁹Nkal no Abisu bo jo lung-e re Abihel, ye ji jele Aban a Molid ka-e.³⁰Abon ba nlum ba Nadab ba a: Seled a Appaim, Seled kpoo mmon á jelem.³¹Mmon no nlum no Appaim wo a: Isi ji jolo nde no Sesan. Sesan jolo nde no Alayi.³²Abon ba nlum ba Jada ji jolo mmonannyehn no Sammai ba a , Jeter a Jonatan, Jeter kpoo, mmon á jelem.³³Abon ba nlum ba Jonatan ba a: Pelet a Jaja, a wo li et'tohngo ji Jerameel.³⁴Sesan mmon no nlum á jelem, sehngem ba nkal ba ba. Á bele nlokeltum no lohng go Ijib no bo jo lung-e re Jara.³⁵Sesan ka Jara nlokeltum ewe mmon ewe no nkal á ko-e go elbal, á jel Ata ka-e.³⁶Ata wo jolo nde no Natan, Natan jol nde no Jabad,³⁷Jabad jol nde no Eflal, Eflal jol nde no Obed,³⁸Obed jol nde no Jehu, Jehu jol nde no Ajaria,³⁹Ajaria jol nde no Helesi, Helesi jol nde no Eleasa,⁴⁰Eleasa jol nde no Sisma, Sisma jol nde no Sallum,⁴¹Sallum jol nde no Jekamia, Jekamia jol nde no Elisama.

Et'tohngo Ji Kaleb

⁴²Abon ba nlum ba Keleb ji jolo mmonannyehna Jerameel ba a: Mesa ji jolo ngbokambanga mmon no nlum, ye ji jolo nde no Jif, fvfo mmon ewe Maresa ji jolo nde no Hebron.⁴³Abon ba nlum ba Hebron ba a: Kora, Tappua, Rekem a Sema.⁴⁴Sema jolo nde no Raham, fvfo Raham jol nde no Jokiyam. Rekem jol nde no Sammayi.⁴⁵Maon jolo mmon no Sammayi, fvfo Maon wo jolo nde no Beti-Jur.⁴⁶Nne elkoro Kaleb, Efa, wo jolo nnyehn no Haran, Moja a Gajeji. Haran wo jolo nde no Gajeji.⁴⁷Abon ba nlum ba Jada ba a: Regem Jotam, Gesam, Peleti, Efa a Saaf.⁴⁸Nne elkoro Keleb Maaka, wo jolo nnyehn no Seber a Tirana.⁴⁹Á tob jele Saaf, ji jolo nde no Madmana a Seva ji jolo nde no Makbena a Gibea. Mmon no nkal no Keleb bo jo lung-e re Aksa.⁵⁰Ane baa tob jolo et'tohngo ji Kaleb. Abon ba Hur ji jolo ngbokambang mmon no Efrata; Sobal nde no Kiriad Jearim.⁵¹Salma wo jolo nde no Betlehem a Haref ji jolo nde no Beti Gader.⁵²Et'tohngo ji Sobal ji jolo nde no Kiria Jearim ji a; Haroe, ejang anebe Manahata,⁵³a esi ejahbe nya Kiriad Jearim, anebe Itriti , Putiti, Sumati, a Misrati. A wo anebe Jara a anebe Esitaol lohng no.⁵⁴Et'tohngo ji Salma: Betlehem, Netofati, Atroti Beti Joab, ejang Manahati, Jorit,⁵⁵asi ajahbe nya abanyonawer ba lene go Jabesi: Anebe Tirati, Simeati a Sukati . A wo li anebe Kenit ba lohng go ebangenahb ji Hammad, nde no Rekab.