Faarotikaa Maxaafa132
Mageniinke Galmixxa Saadino
Tsiyoonixxe Koobaaba'aa Alalle Me'ati woddixxa Faaro
1Ee, Duuchchi Woddike Goottaa! Daawwiti'ni geyyeekaabara duuchcha qaabbati.2Isi Duuchchi Woddike Gootti'a kakate'eYa'iqoobike Lumoke Mageni'a hiyye wereegee qici,3«Duuchchi Woddik Gootti galaabaa,qophpheesannoxxee'eYa'iqoobike Lumoke Duuchchi Woddike Gootti'amine ijaaranno qico'nimini'aa aagabe'no;taqete'ninna galabe'no;diiphabe'no yookaan mugabe'no.»6No'onna Kakotike Taabotixxa odo Efiraata he'nee lanqennen;Yi'armike boga'ni isoo anfennen.7«Amme Duuchchi Woddike Goottike galdumiba'a me'ino;lekka isixxi haxxaaba kumbu hino.8Ee, Duuchchi Woddike Goottaa Ke'i!Hunna atixxa leellishshaake Kakotike Tabotinni weltihafuura adhdhittattoxxe bakkabaa'a me'i.9Qeese atixxi qullumma oddo'witowwaal;ardi atikinna illillisee faarsowwaal.»10Erganijo atike Daawwitixxee'e hiteehariirteteka manjo waaldoxxe'e.11Duuchchi Woddik Gootti Daawwiti'a dhugaatixxa kako,jijjiirendabaaxxenni hiyyee qici:«Atixxe horte giddii'nmitte atixxe moote'ni ofo'lshannon.12Labbaxxi atixxi oose kako anxa heqexxoolennabarachchiisenneka ajajuwwa heqqexxooleinsa'neexxi labbaxxi ooseatixxe moote'ni duuchchi woddi'a mootaan.»13Duuchchi Woddik Gootti Tsiyoonii'i fi'lemmaxxee'eise'e galdumma ifike assedho'a fedhe'een.14«Ise duuchchi woddi'a anke galdumixxe bakkan;isee eeyyeennaxxee hedhannoxxe bakka assedhannon.15Tsiyyoni'a ittaachcho bira sa'isee'e isee eebbisannon;isexxi hiyyeeyyenna goddite ittashsha assannon.16Isexxe qeese'ni anjira odeessanno;ardi isekinna illilleeteti farsaan.17«Daawwitixxe sannenaa'ni moyanji moyaashsha assannon;galchaashshanna ora isi'a qophpheessannon.18Ani naapha iseke'n shooko odeessanno;kallachchi isik kinni cala cala hiyyaan.»The Word for the World International