1 Peter5
1Vii anưq, gô — kung laa khơl draq ji laa adro dơơp xanưk truh kaluh pơơl dal ku Lôôk Wơơt Dêh, kung laa adro e phon tađnah tađnaak jeq jah kahnoq vlôh — ahmưk nhăk khơl draq đom katul oh ay:2Dayh xakaq 'yo bơy de ku Kơy Plêêk măn katul oh ay, dưk dơơp kông varơuq 'yo xiap — leh dơơp kach raanq uunq, đơu dêq xuum dơơp hloh tyauq iq Kơy Plêêk — kung be dơơp dii xuum hmưch trôôch lơy ich bơh dơơp kach dêq paraat hlah hlaak;3ji kung leh dơơp đaji laa kơy kôôch dưk xanok khơl adro đơu Kơy Plêêk heq pahnăp, tađôôy muut đnư, laa jêêk vlôh tômq ramil ka bơy de.4Yôôch atêq tuôôy Kơy Xakaq Trưưu Thier Yơơt jah kahnoq vlôh, oh ay hnoq nhonq xok đoat tađnah tađnaak leh hư hlơp.5Dang đanưq, khơl wơơy blaay lơy, dayh tameng tyauq khơl draq. Dêq hloay pheq hlưp xok varơuq apôôt xăk đôôyq dii mamuuyq, vii Kơy Plêêk tachơơl hlê khơl katơơk galơh, bơh kahniq vanong plêêk ka khơl apôôt xăk.6Vii anưq, dayh apôôt xăk pôôt 'laarq ti taay yaak ku Kơy Plêêk xôq Kadraq tơơk oh ay tok đom kawat ta klip,7tuôôy heq pahnăp kaluh lo biit ku haay ka Kadraq, vii Kadraq văch xiap oh ay.8Dayh talăng jăk, dayh rơơt rol. Adro tachơơl ku oh ay, laa kamuuych, dang đaji ôô vomq ook tarok, đong karauq rawiit, axek kơyq nưq xôq kek luôôt.9Dayh tachơơl hlê ni, dưk kajưk đom xuum tuôq, xet đaneq oh ay tuôq Lôôk ku haay tol loch dêh araak pheq chiuq kung kaluh pơl dal đanưq.10Bơh tuôôy heq chiuq pơơl muuyq jơy, Kơy Plêêk ku tôôy vanong plêêk, Kơy heq taayh oh ay truh dii tađnah tađnaak đơơy đơơy ku Kadraq đom Lôôk Wơơt Dêh, kadih Kadraq hnoq dơơp xaleep, kung ta'meq, dơơp ăm kalh paraat ji kajưk dik.11Apôôy qwuyen dưk xakaq thuôk truh Kadraq dong truh đơơy đơơy. Amen.12Gamưh Sin-vanh, muuyq adro oh ay muuyq xuum tyauq kach gô 'yo xet, gô heq valơk kach lêq hlê ka oh ay, ahmưk nhăk ji dơơp xanưk neq laa vanong plêêk dong dik ku Kơy Plêêk. Dayh dưk kajưk đom vanong plêêk nưq.13Tayuup vah aduq Ba-bi-lôn, tayuup jah rơơlh đaji oh ay, vôôch hlơq oh ay. Mak, koot kanau gô, kung đanưq.14Dayh vôôch hlơq mamuuyq bơơn kabiin hiip xung xiaq.
Apôôy vôôch varơuq hrok hrol măn dii dêq hloay oh ay laa khơl manih đom Lôôk Wơơt Dêh.
Apôôy vôôch varơuq hrok hrol măn dii dêq hloay oh ay laa khơl manih đom Lôôk Wơơt Dêh.
FAR EAST BROADCASTING COMPANY