Sálumu59
Aburemei wóuniribei
1Nubungiute, sefubána hawéi náganiñu; sefubána hawéi ha agayuahabaña nuagu;2sefubána hawéi adügütiña wuribani! Sefubána hawéi gáfarahatiña!3Ladüga añahein gürigia gabafutiña agurabaha lun gayara lan háfarunina hilagubei.Nabureme, maduruntina houn, madügün au figóu;4madügüntina ni kata wuribati gama lumoun afuresehatiña lun hachubarun nuagun. Agaguduabá! Higabu nubaroun ani arihabá!5Buguya, Aburemei Suntigabafu, Habungiute Ísüraelina, agaguduabá béiguabaña gibe tubungiutegu; magudemeda hamá wuribatiña ha bun.6Giributiña áriebu, áwouheina kei ounli, aba hegeyedaguni uburugu;7hariñaga áfuriheina hakutaü hayumulugugiñe: «Úati kaba lan aganbawa!»8Gama lumoun buguya, Aburemei, éherahatibu hau; adügatibu bula hau gibe tubungiutegu ha.9Aramudaguñu nuba bóubawagu, Nubungiute, ladüga buguya nérebei, le óunigirubalina.10Liábiba Bungiu le hínsiñehabubei nun nubaroun; larihagüdübei heferidirun náganiñu nun.11Magudemeda hamá bun, mabulieidagun hamaamuga numutuniña, chagaguagüdabaña lau bubafu ani ǘnabugüdabañame. Bungiu óunigirubalina!12Afigouhatiña lidan sun le hariñagun; ragülaña hapantan guánarügü luma liyeeni háfiñurun!13Gumuguagüdabaña, gumuguagüdabaña lau bigañi! Gumugua hamá! Subudiwalá luagu Bungiu lan urúeibei hadan lánigu Hakobu darí lagumuhóun larigei ubóu!14Danme le hagiribudun áriebu áwouheina kei ounli, éibugeinei fulasu áluaha éigini, hagúarahaba ladüga lilouguan hadarirun.16Ánheinti au, neremuhaba uremu bun binaafin, nagúarahaba adimureha luagu bubafu luma bínsiñehabu, ladüga buguya óunigirubalina, bóubawagu naramudagua lidan nidiheri.17Neremuhaba uremu bun, Nubungiute, buguya nérebei, buguya óunigirubalina; buguya Bungiu le hínsiñehabubei nun!
Bible Society of Honduras