La Amɛ22
Nɔ nami he ngmlaa kɛ yi jemi la
1Ye Mawu, ye Mawu, mɛni he je nɛ o si mi? Mɛni he je nɛ o yi kɛ bua we mi, nɛ o ku tue kɛ fɔ ye nɔ́ nami ɔmɛ a nɔ?2I ngɛ mo tsɛe nyɔ kɛ pia, kɛ ye hɛ mi vo nyu, ke o ye kɛ bua mi, se klanaa.3I le kaa Mawu nɛ ngɛ klɔuklɔu ji mo!Yi jemi nɛ wa tsɛ ɔmɛ kɛ haa mo ɔ bɔle o matsɛ sɛ ɔ. A ngɔ a hɛ kɛ fɔ o nɔ, nɛ o je mɛ.5A kpa ngmlaa kɛ tsɛ mo nɛ o bu mɛ tue. A tsɛ we mo yaka gblee ngɛ a fimi be ɔmɛ a mi.6Se ami lɛɛ i pi nɔmlɔ hu, gɔgɔ kɛkɛ ji mi, nɛ nɔ ko bui mi.7Nɔ tsuaa nɔ yeɔ ye he fɛu faa!8A muɔɔ mi nɛ a biɔ ke, “Nɔ ɔ nɛ ke e wo e kɔmɔ kulaa kɛ fɔ Mawu nɔ ɔ ji enɛ ɔ lo? Nɔ ɔ nɛ ke Mawu naa e he bua jɔmi ɔ ji enɛ ɔ lo? Wa ma he e munyu ɔ maa ye, ke Mawu he e yi wami.”9Mo nɛ o ha ye nyɛ fɔ mi pɛpɛɛpɛ nɛ tɔtɔmi ko be. Nɛ o hyɛ mi kɛ je ye bimwɔyo mi.10I ngɔ ye hɛ ngɔ fɔ o nɔ kɛ je ligbi nɛ a fɔ mi ɔ, nɛ mo ji ye Mawu be fɛɛ be.11Koo je ye he! Haomi na mi, nɛ i be yemi kɛ bualɔ ko.12He nyɛli nɛ he ngɛ gbeye bɔle mi kɛ kpe, a ngɛ kaa Bashan na kuhi.13A pa nya mi kɛ ma ye ngɔ kaa jatahi nɛ ngɛ kee kɛ yaa nu lohwe.14Ye he wami tsuo ta, kaa nyu nɛ kpa pue si. Ye wuhi tsuo je a bi a nya, nɛ ye tsui ngɛ sue.15Ye kuɛ si gbli kaa zu, nɛ ye lilɛ du ye nya mi, ejakaa o si mi kɛ ha gbenɔ.16Ye he nyɛli, nimli yayamihi, a bɔle mi kaa gbehi; a ngɛ ye ninehi kɛ nanehi kɔɔe.17I ma nyɛ maa kane wuhi abɔ nɛ ngɛ ye nɔmlɔ tso ɔ mi. Hyɛ bɔ nɛ nimli yayami nɛ ɔmɛ ngɛ mi kpee ha.18A fia asɔ ngɛ ye tade ɔmɛ a nɔ, nɛ a gba kɛ ha a he.19Oo Tsaatsɛ Mawu, koo sa kɛ ya se. Oo Mawu, mo ji ye he wami, mo he ha mi mla!20Mo je mi kɛ je gbenɔ mi. Mo kpɔ ye wami nɛ he jua wa a kɛ je nimli yayami nɛ ɔmɛ a dɛ mi.21Mo kpɔ mi kɛ je jata nɛ ɔmɛ a nya mi, nɛ o je mi kɛ je nga mi na nɛ ɔmɛ a koli kpɛ. Ee, Mawu ma he ye tsɛmi ɔ nɔ, nɛ e ma kpɔ mi.22I ma je o yi kɛ tsɔɔ ye nyɛmi ɔmɛ tsuo; nɛ i ma ye o nyakpɛ níhi nɛ o tsu ɔmɛ a he odase ngɛ asafo ɔ hɛ mi.23I ma de ke, “Mo je Mawu yi, mo nɔ tsuaa nɔ nɛ o yee lɛ gbeye. Nyɛ ti nɔ tsuaa nɔ nɛ bu e biɛ ɔ. Israel ma a tsuo, nyɛ je e yi.24Ejakaa e bu ye haomi tsɛmi ɔ tue. E plɛ we e se kɛ wui mi. Benɛ i kpa ngmlaa kɛ tsɛ lɛ ɔ, e nu nɛ e ba.”25I ma da si ngɛ o nimli ɔmɛ tsuo a hɛ mi nɛ i ma je o yi. I ma ye ye si womi ɔmɛ a nɔ ngɛ nihi tsuo nɛ buu o biɛ ɔ a hɛ mi.26Ohiafo ɔmɛ maa ye ni nɛ a maa tɔ. Nɔ tsuaa nɔ nɛ hlaa Mawu se blɔ ɔ, e maa na lɛ nɛ e ma je e biɛ ɔ yi. A tsui ma nya kɛ neneene bua jɔmi.27Je ɔ tsuo maa na nɛ a maa kpale kɛ ba Mawu ngɔ. Jejeeje ɔ tsuo ma ja lɛ.28Ejakaa Tsaatsɛ Mawu ji Matsɛ; lɛ nɛ e yeɔ je ɔ nɔ.29He nɔ woli kɛ humihi tsuo, nɔ tsuaa nɔ nɛ ji adesa nɛ a fɔ lɛ nɛ e ma gbo ɔ, ma ja lɛ.30Wa bi ɔmɛ hu ma sɔmɔ lɛ; ejakaa a maa nu e nyakpɛ ni peemi ni ɔmɛ a he ngɛ wa nya.31Bimɛ nɛ a fɔ we lolo po maa nu nyakpɛ ni slɔɔtohi nɛ e tsu ha wɔ ɔmɛ.
Biblica, Inc.