Read Zakali 9

Zakali9bqc_sim

Yã́ zↄ̃lɛa Isailiↄ ibɛɛↄwa

¹Dii a yãda Adalaka bùsula,i to yã́ zↄ̃lɛ Damasiwa,asa Sili mɛɛwiapiá aà pↄ́ɛ,i kɛ Isaili buiↄ ńtɛ̃ɛ no.²Yã́pi a zↄ̃lɛ Amatawa lↄɛń Tiio ń Sidↄ̃o,baa kɛ́ aa dɛ ↄ̃nↄnaↄ ũ maamaa.³Tiideↄ bĩ́i gbãa bo lìa ń wɛ̃́lɛi,aa ã́nusu kã̀aańzi lán ũfãawa,aa vua nↄ̀nↄaańzi lán zɛ́ guu pɛ̀lɛawa.⁴Gwa! Dii a ń pↄ́ↄ símá,i zɛ́ pↄ́ aa vĩ ísiaa midɛ.Tɛ́ mɛ́ a kṹ ń wɛ̃́lɛpiwa.⁵Asekelonideↄ e, vĩa i ń kṹ.Gazadeↄ lualua maamaań Ɛkɛlonideↄ lↄ, asa tãmaa a ń nɛ́ɛ.Gazadeↄ kua ń kíawa,Asekeloni a gↄ̃ bɛzia ũ.⁶Buipãleↄ zↄ̃lɛ Asedoda,Dii i Filitɛ̃ↄ wala midɛ.⁷I nↄ̀ↄ kòlokpasai bↄ ń lɛ́zĩ,i tɛ̃ bↄ ń lɛ́u.An gbɛ̃́ pↄ́ gↄ̃̀ↄ gↄ̃ wá Lua pↄ́ ũɛ,aa gↄ̃ lán Yudaↄ buiewa,Ɛkɛlonideↄ gↄ̃ aà gbɛ̃́ↄ ũ lá Yebusiↄ kɛ̀wa.⁸Dii i a bùsu ń a gbɛ̃́ↄ dↄ̃́azĩgↄ̃ pↄ́ lɛ́ mↄ́ lɛ́lɛimáↄ yã́i.Gbãamↄnɛdeↄ gbãablemá lↄo,asa aↄ wɛ́tɛńzi saɛ.

Siↄna Kía mↄa

⁹Á Siↄnadeↄ, à pↄnakɛ maamaa,á Yelusalɛũdeↄ, à kúkuakɛ.À gwa, á kía lɛ́ mↄ́wá,ì yãkɛ a zɛ́wa mɛ́ zĩ̀blenaɛ.Aà nↄ̀sɛ niɛ mɛ́ a di zàa'ĩna kpɛ,a di zàa'ĩn nɛ́ bↄlↄ kpɛ.¹⁰A zĩkasↄ̃goↄ bↄlɛ Ɛflaiũ bùsuu,a to zĩkasↄ̃ↄ ku Yelusalɛũ lↄo,wi zĩkasaↄ ɛ́'ɛ.A aafia kpàwakɛ bui píiɛ,i kible za ísialɛ la ń a lɛ́leo,za Uflatai e dṹnia lɛ́wa.

¹¹Á gbɛ̃́ pↄ́ á dɛ zĩ̀zↄↄ ũ sↄ̃,má á bↄlɛ ɛ̀ isaipiuma bàakuaánↄ au yã́i.¹²Á zĩ̀zↄ pↄ́ á dↄ̃ á bↄↄ,à su á wɛ̃́lɛ bĩ́ideu,baa gbã málɛ oɛ́,má ɛa asea kpáwá lɛɛ pla.¹³Yudaↄ mɛ́ ma sá ũ, má sápi kã́,Ɛflaiũ buiↄ mɛ́ ma ka ũ, má dau,mí Siↄnadepiↄ gbaɛ Gɛlɛkiↄwa.Aa gↄ̃mɛɛ lán nɛgↄ̃na fɛ̃ndawa.

¹⁴Za musu Dii a bↄ a gbɛ̃́piↄwa,aà ka a gɛ̃ fìoo lán loupilɛawa.Dii Lua a kã̀aepɛ,i mↄ gɛↄmidↄkĩi oi zàa'ĩana guu.¹⁵Dii Zĩgↄ̃de a ↄlia a gbɛ̃́ↄzi,aa ń ibɛɛↄ taitai,aai ↄ̃zↄ̃ ń gↄ̃kɛbↄↄwa.Aa ń bↄ́ↄ'i mi,aai pala lán vɛ̃ɛminawa.Aa kɛ zĩ́uzĩulán ta pↄ́ wì au ɛ́lɛò sa'okĩiwawa.¹⁶Dii an Lua a ń suaba gↄↄ beea kpàsa sãↄ ũ,aaiↄ tɛkɛ aà bùsuulán kíafua gbɛ̀ bɛɛɛdeↄwa.¹⁷Aaↄ maa mɛ́ an kɛfɛna a kɛ zài.Ɛ̀waasoↄ lɛkpɛↄ yↄ́yↄ pↄ́wɛna yã́i,wɛ̃́ndiaↄ wɛ̃wɛ̃, kɛ́ vɛ̃ɛ di yã́i.

Zakali 9 / bqc_sim

Yã́ zↄ̃lɛa Isailiↄ ibɛɛↄwa

Siↄna Kía mↄa

Zakali9bqc_sim