ⵣⴰⴽⴰⵔⵉⵢⵢⴰ7rif_tti

ⵉⵙⴻⵇⵙⵉⵜⴻⵏ ⵅ ⵓⵙⵙⴰⵏ ⵏ ⵓⵥⵓⵎⵎⵉ - ⴰⵡⴰⵍ ⴰⵎⴻⵣⵡⴰⵔⵓ ⵏ ⵙⵉⴷⵉ

1ⵉⵎⵙⴰⵔ ⴷⴻⴳ ⵓⵙⴻⴳⴳⵯⴰⵙ ⵡⵉⵙⵙ ⴰⵔⴻⴱⵄⴰ ⵏ ⵓⵊⴻⴵⵉⴷ ⴷⴰⵔⵉⵢⵓⵙ, ⵍⴰⵎⵉ ⴷⴷ-ⵢⵓⵙⴰ ⵡⴰⵡⴰⵍ ⵏ ⵙⵉⴷⵉ ⵖⴰⵔ ⵣⴰⴽⴰⵔⵉⵢⵢⴰ, ⴷⴻⴳ ⵡⴰⵙⵙ ⵡⵉⵙⵙ ⴰⵔⴻⴱⵄⴰ ⵏ ⵓⵢⵓⵔ ⵡⵉⵙⵙ ⵜⴻⵙⵄⴰ, ⴷⴻⴳ ⵓⵢⵓⵔ ⵏ ⴽⵉⵙⵍⵓⵡ,2ⴰⵇⴰ ⵉⵙⵙⴻⴽⴽ ⵍⴳⴻⵏⵙ ⵏ ⴱⴰⵢⵜ-ⵉⵍ ⵛⴰⵔⴰⵚⵉⵔ ⴷ ⵔⴰⵊⴰⵎ-ⵎⴰⵍⵉⴽ ⴷ ⵢⴻⵔⵢⴰⵣⴻⵏ ⵏⵏⴻⵙ ⵎⴰⵃⴻⵏⴷ ⴰⴷ ⵜⵜⴰⵔⴻⵏ ⴰⵔⴹⴰ ⵣⵣⴰⵜ ⵉ ⵡⵓⴷⴻⵎ ⵏ ⵙⵉⴷⵉ,3ⵓⵎⵉ ⵙⵙⴰⵡⴰⵍⴻⵏ ⴰⴽ-ⴷ ⵉⴽⴻⵀⵀⴰⵏⴻⵏ, ⵉⵏⵏⵉ ⵉⴵⴰⵏ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⵓ ⴰⴽ-ⴷ ⵉⵏⴰⴱⵉⵢⵢⴻⵏ, ⵇⵇⴰⵔⴻⵏ: “ⵎⴰ ⴰⴷ ⴰⵔⵏⵉⵖ ⴷⴻⴳ ⵓⵢⵓⵔ ⵡⵉⵙⵙ ⵅⴻⵎⵙⴰ ⴰⴷ ⵔⵓⵖ ⵓ ⴰⴷ ⵄⴻⵣⵍⴻⵖ ⵉⵅⴻⴼ ⵉⵏⵓ ⴰⵎ ⵎⴰⵎⵎⴻⵛ ⵜ ⵜⵜⴻⴳⴳⴻⵖ ⵍⴻⵅⵅⵓ ⵄⴰⴷ ⴰⵟⵟⴰⵙ ⵏ ⵉⵙⴻⴳⴳⵯⵓⵙⴰ?”
4ⵢⵓⵙⴰ-ⴷⴷ ⵖⴰⵔⵉ ⵡⴰⵡⴰⵍ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⵉⵏⵏⴰ:
5“ⵙⵉⵡⴻⵍ ⴰⴽ-ⴷ ⵎⴰⵔⵔⴰ ⵍⴳⴻⵏⵙ ⵓ ⴰⴽ-ⴷ ⵉⴽⴻⵀⵀⴰⵏⴻⵏ, ⵉⵏⵉ: ⵍⴰⵎⵉ ⴽⴻⵏⵏⵉⵡ ⵜⵥⵓⵎⵎⴻⵎ ⵓ ⵜⴻⵡⵜⵉⵎ ⵅ ⵉⴷⵎⴰⵔⴻⵏ ⵏⵡⴻⵎ ⵣⴻⴳ ⵡⴻⵛⴹⴰⵏ, ⴷⴻⴳ ⵓⵢⵓⵔ ⵡⵉⵙⵙ ⵅⴻⵎⵙⴰ ⵓ ⴷⴻⴳ ⵓⵢⵓⵔ ⵡⵉⵙⵙ ⵙⴻⴱⵄⴰ, ⵓ ⵎⴰⵏ ⴰⵢⴰ ⵍⴻⵅⵅⵓ ⵄⴰⴷ ⴰⵟⵟⴰⵙ ⵏ ⵉⵙⴻⴳⴳⵯⵓⵙⴰ, ⵎⴰ ⵜⵥⵓⵎⵎⴻⵎ ⴽⴻⵏⵏⵉⵡ ⵅⴻⵏⵏⵉ ⵉ ⵏⴻⵛⵛ, ⵙ ⵜⵉⴷⴻⵜⵜ ⵉ ⵏⴻⵛⵛ?6ⵍⴰⵎⵉ ⵜⴻⵛⵛⵉⵎ ⵓ ⵍⴰⵎⵉ ⵜⴻⵙⵡⵉⵎ, ⵎⴰ ⵡⴰⵔ ⵜⵉⵛⵛⵉⵎ ⵉ ⵢⵉⵅⴻⴼ ⵏⵡⴻⵎ ⵓ ⵎⴰ ⵡⴰⵔ ⵜⵉⵙⵡⵉⵎ ⵉ ⵢⵉⵅⴻⴼ ⵏⵡⴻⵎ?7ⵎⴰ ⵡⴰⵔ ⵜⵓⵖⵉ ⵉⵍⵉⵇ ⴰⴷ ⵢⵉⵍⵉ ⵣⵉ ⵙⵙⵉⴱⴱⴻⵜ ⵏ ⵡⴰⵡⴰⵍⴻⵏ ⵉ ⵉⵊⵊⴰ ⵙⵉⴷⵉ ⴰⴷ ⵜⵜⵡⴰⴱⴰⵔⵔⵃⴻⵏ ⵙ ⵓⴼⵓⵙ ⵏ ⵉⵏⴰⴱⵉⵢⵢⴻⵏ ⵏ ⵣⵉⵛ ⵓⵎⵉ ⵜⵓⵖⴰ ⵜⴻⵇⵇⵉⵎ ⵓⵔⵛⴰⵍⵉⵎ ⵄⴰⴷ ⵙ ⵉⵎⴻⵣⴷⴰⵖ ⴷⵉ ⵍⵀⵓⴷⵏⴻⵜ ⴰⴽ-ⴷ ⵜⵏⴻⴷⴷⴰⵎ ⵉ ⴷ ⴰⵙ ⴷⴷ-ⵉⵏⵏⴹⴻⵏ, ⵓ ⵍⴰⵎⵉ ⵜⵓⵖⴰ ⵄⴰⴷ ⵉⵎⴻⵣⴷⴰⵖ ⴷⵉ ⵜⴰⵎⵎⵓⵔⵜ ⵏ ⵍⵊⴰⵏⵓⴱ ⵓ ⴷⵉ ⵜⴻⵎⵎⵓⵔⵜ ⵉⵡⴰⵟⴰⵏ?”
8ⵢⵓⵙⴰ-ⴷⴷ ⵡⴰⵡⴰⵍ ⵏ ⵙⵉⴷⵉ ⵖⴰⵔ ⵣⴰⴽⴰⵔⵉⵢⵢⴰ, ⵉⵏⵏⴰ:
9“ⴰⵎⵎⵓ ⵉ ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⵉ ⵉⵇⵇⴰⵔⴻⵏ: ‘ⵃⴻⴽⵎⴻⵎ ⵙ ⵉⵊⵊ ⵏ ⵍⵃⵓⴽⵎ ⵉⵙⴻⴳⴳⴷⴻⵏ ⵓ ⴳⴳⴻⵎ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⴰⵔⵔⴻⵃⵎⴻⵜ ⵉⵊⵊ ⴰⴽ-ⴷ ⵡⴻⵏⵏⴻⵖⵏⵉ.10ⵡⴰⵔ ⵃⴻⵚⵚⴰⵔⴻⵎ ⵜⴰⵊⵊⴰⵍⵜ ⵓⵍⴰ ⴷ ⴰⵢⵓⵊⵉⵍ ⵏⵉⵖ ⵍⴱⴰⵔⵔⴰⵏⵉ ⵓⵍⴰ ⴷ ⴰⵎⴻⵥⵍⵓⴹ, ⵓ ⵡⴰⵔ ⵜⵜⴻⵊⵊⵉⵎ ⵓⵍⴰ ⴷ ⵉⵊⵊ ⴰⴷ ⵉⵅⴰⵔⵔⴻⵚ ⴷⵉ ⵍⵖⴰⵔ ⴹⵉⴷⴷ ⵉ ⵓⵎⴰⵙ ⴷⴻⴳ ⵡⵓⵍ ⵏⵏⴻⵙ!’11ⵎⴰⵛⴰ ⵏⵉⵜⵏⵉ ⵓⴳⵉⵏ ⴰⴷ ⵡⵛⴻⵏ ⵜⴰⵢⵏⵉⵜ ⵓ ⵏⵉⵜⵏⵉ ⴳⴳⵉⵏ ⵎⴰⵔⵔⴰ ⵙ ⵍⵎⴻⵇⵍⵓⴱ ⵓ ⴱⴻⵍⵍⵄⴻⵏ ⵉⵎⴻⵣⵣⵓⵖⴻⵏ ⵏⵙⴻⵏ, ⵃⵉⵎⴰ ⵡⴰⵔ ⵜⵜⴻⵙⵍⵉⵏ.12ⵏⵉⵜⵏⵉ ⵙⵙⵇⴻⵙⵃⴻⵏ ⵓⵍ ⵏⵙⴻⵏ ⴰⵎ ⵢⵉⵊⵊ ⵏ ⵓⵎⴻⵙⵎⵉⵔ, ⵎⴰⵃⴻⵏⴷ ⵡⴰⵔ ⵜⵜⴻⵙⵍⵉⵏ ⵛⵛⴰⵔⵉⵄⴰ ⴷ ⵡⴰⵡⴰⵍⴻⵏ ⵏⵏⵉ ⴷⴷ-ⵉⵙⵙⴻⴽⴽ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⵙ ⴰⵔⵔⵓⵃ ⵏⵏⴻⵙ ⵙ ⵓⴼⵓⵙ ⵏ ⵉⵏⴰⴱⵉⵢⵢⴻⵏ ⵏ ⵣⵉⵛ, ⴰⵍⴰⵎⵉ ⴷⴷ-ⵢⵓⵙⴰ ⵉⵊⵊ ⵏ ⵓⴷⵓⵇⵇⴻⵣ ⴷ ⴰⵎⴻⵇⵇⵔⴰⵏ ⵏ ⵡⴻⵖⴹⴰⴱ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ.13ⴰⵇⴰ ⵉⵎⵙⴰⵔ ⴰⵎ ⵎⴰⵎⵎⴻⵛ ⵉⵍⴰⵖⴰ ⵏⴻⵜⵜⴰ ⵣⵉⵛ, ⵎⴰⵛⴰ ⵏⵉⵜⵏⵉ ⵡⴰⵔ ⵙⵍⵉⵏ ⵛⴰ. ⵙ ⵓⵢⴻⵏⵏⵉ ⵍⴰⵖⴰⵏ ⵍⴻⵅⵅⵓ ⵏⵉⵜⵏⵉ ⵓ ⵏⴻⵛⵛ ⵡⴰⵔ ⵜⵜⴻⵙⵍⵉⵖ ⵛⴰ, ⵉⵇⵇⴰⵔ ⵙⵉⴷⵉ ⵏ ⵍⵄⴻⵙⴽⴰⵔⴰⵜ.14ⵏⴻⵛⵛ ⴰⴷ ⵜⴻⵏ ⵣⵓⵣⵣⴰⵔⴻⵖ ⵅ ⵎⴰⵔⵔⴰ ⵍⴻⴳⵏⵓⵙ ⵏⵏⵉ ⵜⵓⵖⴰ ⵡⴰⵔ ⵙⵙⵉⵏⴻⵏ ⵓ ⴰⵡⴰⵔⵏⵉ ⴰⵙⴻⵏ ⴰⴷ ⵜᵉⵜⵜⵡⴰⵅⴰⵔⵔⴻⴱ ⵜⴻⵎⵎⵓⵔⵜ, ⵓⵍⴰ ⴷ ⵉⵊⵊ ⵄⴰⴷ ⵡⴰⵔ ⵅⴰⵙ ⵉⵥⴻⴽⴽⵡⵉ ⵓ ⵓⵍⴰ ⴷ ⵉⵊⵊ ⵄⴰⴷ ⵡⴰⵔ ⴷⴷ-ⵉⴷⴷⵉⴽⴽⵡⵉⵍ. ⵏⵉⵜⵏⵉ ⴰⵔⵔⵉⵏ ⵜⴰⵎⵎⵓⵔⵜ ⵉⵄⵉⵣⵣⴻⵏ ⴷ ⵉⵛⵜ ⵏ ⵍⵇⴻⵛⵄⴻⵜ ⵏ ⵓⵏⴻⵅⵍⵉⵄ.’”
expand_more
Search