1Yave lakisaka munu Yeswa, mfumu ya banganga-Nzambi, yina vwandaka ya kutelama na mantwala ya mbazi ya Yave, mpe Satana vwandaka ya kutelama na lubakala ya Yeswa samu na kufunda yandi.2Mpe Yave tubaka na Satana: «Satana, bika Yave kangisa nge yinwa. Ee, ni Yave me soola Yelusalemi, bika yandi kangisa nge yinwa. Yeswa kele ve mutindu kisisi yina ba me katula na tiya?»3Yeswa vwandaka ya kutelama na mantwala ya mbazi, yandi vwandaka ya kulwata binkuti ya mvindu.4Mbazi zabisaka na bayina vwandaka na yandi na kukatula Yeswa binkuti yina. Mpe yandi tubaka na Yeswa: «Tala, mu me katula masumu ya nge mpe mu ke lwatisa nge binkuti ya feti.»5Mbazi tubaka dyaka: «Beno tula Yeswa yimpu ya bunganga-Nzambi na yintu.» Bawu tulaka yandi yawu mpe lwatisaka yandi binkuti. Mbazi ya Yave vwandaka ya kutelama kuna.6Mbazi ya Yave singisaka Yeswa na kutuba:7Yave, Nzambi ya Binwanike na kutuba:«kana nge landa banzila ya munu,kana nge sadila misiku ya munu,nge ke kuma ntwadisi ya Yinzo ya munu,nge ke kengidila lupangu ya munu,mpe mu ke tula nge na mulonga ya bayinake na kusadilaka munu awa.»
Kisyelo ya Yave
8«Kuwa, nge Yeswa mfumu yabanganga-Nzambi, mutindu mosimpe beno banganga-Nzambiyina kele na yandi,beno kele kidimbu ya mambuyina ke kwiza.Mu ke fidisa kisyelo ya munu,ba ke bokila yandi “Mutwikila”.9Tala, ditadi yayi mu me tulana mantwala ya Yeswa,yawu kele na meso nsambwadi,na zulu ya ditadi kaka mosi yayi.Munu mosi ke sonikamambu na zulu ya yawu, mpemu ke katula masumu ya yinsi yayina kilumbu mosi.Ni Yave, Nzambi ya Binwani me tuba yawu.10Yave, Nzambi ya Binwanike na kutuba, na kilumbu yina,konso muntu na kati ya beno kebokila bampangi ya yandi,samu na kwiza kuvukana na kyesena yisi ya yinti ya vinumpe na yisi ya yinti ya fike.»