Zakaariyaasii Raagichaa
10
/
gax_twf
Adde'etti Deebi'iisa Kolbaa Yihuda'aatii fi Israa'elii
1
Rooba furmaataa akka isinii kennuuf,
Mootii Waan Maraa gaafadha'a;
ka duumensa roobaa ergee,
tiifuu roobaa isinii kennee,
fichaa magariisa godhu Mootii Waan Maraa ti.
2
Waaqoti dharaa
waan gatii hin qanne dubbatan;
worri moru mudhii dharaa dhaggan;
oojjuu sobaalle himan.
Isaan akkasumaan
nama jajjabeessan;
tanaaf kolbaan tissee dhaddee rakkattee,
akka hoole'ee joonjiti.
3
Mootiin Waan Maraa, «Ani tissitootatti guddoo aareera;
sooressitootalle hin adaba.
Ani Mootiin Waan Maraa Ka Waan Mara Dade
hoolota tiyya kolbaa Yihuda'aa hin kunuunsa.
Akka farda kiyya ka lolaa ka ittiin kooruu
isaan hin godha.
4
Kolbaa Yihuda'aa keessaa
bulchitooti
ta akka dhakaa roga ijaarsaa
ta akka togaa dunkaanaatii fi
guubee lolaa jiranu hin ka'an.
5
Isaan wolumatti te'anee
akka loltoota jajjabaa
diinota ifii dhoqqee karaa keessaa irratti
dhidhiitanee injifatanuu hin te'an.
Mootiin Waan Maraa isaan woliin waan jiruuf
isaan lola keessatti
abbootii fardaa diinota hin qaanessan.
6
«Ani kolbaa Yihuda'aa hin jabeessa;
kolbaa Israa'eliille hin fayyisa.
Ani isaaniif waan nawuuf,
akka duriititti isaan hin deebisa.
Isaan akka ani tanaan qara
ijjumaa isaan lakkisee hin beennee hin te'an.
Ani Mootii Waan Maraa Waaqa isaanii waan te'eef,
daadimata isaanii hin dhage'a.
7
Kolbaan Efreemii akka worra jajjabaa hin te'an.
Isaan akka nama daadhii woyni'ii unee hin gammadan.
Ijoolleen isaanii tana dhaggitee hin gammaddi;
gadhaan isaaniille Mootii Waan Maraatitti hin gammada.
8
Ani kolbaa tiyya beessisaan waamee
wolitti isaan hin qaba.
Ani isaan waan woduuf
akkuma durii laakkossa isaanii hin fakkansa.
9
Ani gosa biyya adda addaa oddu'utti
isaan bittinneessulle
biyya fagoo san jiraatanee na hin qaabatan.
Isaanii fi ijoolleen isaanii jiraatanee,
gara biyya ifii hin deebi'an.
10
Ani biyya Gibxi'iitii
deebisee isaan hin fida.
Biyya Asoorii keessaalle'ee
haga latti isaan dhiphattutti
wolitti isaan qabadha.
Gara biyya Giil'aadiitii fi Libaanonii
deenisee isaan hin galcha.
11
Yennaa isaan abbaayaa rakko'oo keessa dabaranu,
ani danbalii hin dhowa.
Qilee ka te'e lagi Nayilii hin goga.
Asoor hin salphatti;
Gibxille ulee bokku'uu
ta mootumma'aa hin dhaddi.
12
Ani kolbaa tiyya hin jajjabeessa.
Isaanille jecha kiyyaaf hin ajajaman» jedha.
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter