Olwimbo8shr_buk

1Ocibâga mushinja wîrhu, olya wayonkaga ibêre lya nyâmà ! Singa amango nkubuganyire embuga nanakuhôbera abandi barhanangaye.2Nanakuhêka nkuhise omu mwa nyâmà nâwe onyigîrize. Nankakulabuzize oku irivayi lyâni linjinja n’oku murhobo gwâni gw’engerenadi;3Okuboko kwâge kulembe kwo nshegemire, n’okulyo kwâge kwo kunzonzire.4Banyere b’e Yeruzalemu, mwe mukasinga, murhatule, murhatule Musîmwa wâni n’ensa y’okushâsha kwâge erhacihika.5Mwa ndi ola wayinamuka arhenga omu irungu ayegemîre Omuzigirwa wâge? Ho nakutuliraga aha murhi gw’epomi, halya nyoko ayankiraga izîmi lyâwe honênè, halyâla ayankiraga izîmi omuzîre wakuburhaga .6Ompire nka ciziriko oku murhima gwâwe, nka ciziriko oku kuboko kwâwe. Bulyâla obuzigire kwo buzibuha nka lufù , emitula yo miguma n’okuzimu, naye ye karhagomba. Emyampi y’emitula gubà muliro, ngulumira ya Nyamuzinda.7Amîshi galuge kurhi, garhazimiza buzigire, nanga obuzigire burhahêkwa na lwîshi. Owahâna ebiri omu mwâge byoshi mpu agule enzigi, kagayo kwône akayungukamwo.

Enyûshûlo

8Mwâli wîrhu ali murhò: ibêre lyâge lirhacihona; Lêro kurhi rhwajira mwâli wîrhu olusiku bâmuganîza?9Akabà ali lukûta, rhwalushwinja n’amarhale, gukabà muhango, rhunâgusêze n’embaho z’enduluma.10Ncîbêrîre lukûta, n’amabêre gâni go galigi minâra. Omu masù gâge, ndi nka mbwîne omurhûla obu!11Salomoni âjiraga ishwa ly’emizâbîbu aha Baali-Hamoni. Alilangisa abalanzi, mpu ngasi muguma ayishimugalulira ebyafa by’amalehe: cihumbi ca magerha.12Eryani ishwa ly’emizâbîbu ndwîrhe nalilangîra: Wâni Salomoni ebihumbi by’amagerha byo byâwe, n’amagana abirhi g’abalanzi b’amalehe.13Nâwe wabêra omu masâne, abirhu badwîrhe bakuyumva. Nâni, obè nka walinyumvîsa! izù lyâwe !14Yâka, Muzigirwa wâni obè nka kashafu, nka mutwîra gwa kashafu kalume, oyâkire oku ntondo z’amalâshi!
expand_more
Search