Read ቢያፓ ባሼ ዓይኑሞ 8

ቢያፓ ባሼ ዓይኑሞ8mdy_twf

¹ኔኤኒ ታ ዒንዶ ዻንፆ ዻንቄታ ጌርሲጉዲ ማዔቴ ዓይጎ፤ጎይፃ ታ ኔኤና ካኣሚ ሄርቄቴዓይጎ ዓሲያኣ ታና ቶኦቺንዱዋንቴኬ።²ታ ዒንዶ ማኣሪ ታ ኔና ዔኪ ጌልዜምዒኢካ ናሹሞ ዛላ ኔ ታና ዔርዛንዳያታንቴኬ፤ታኣኒ ሮኦማኖ ዓኣፖ ጩኡጴዓኣፆ ዎይኖ ዑዦ ኔና ዑሼያናንዳንቴኬ።

³ዒዚ ሻውሎ ኩጮ ኬሬ ማሂ ታኣም ጌሣኔ፤ሚዛቆ ኩጮና ታና ዒ ኮንቃኔ።

⁴ዒንሢ ዬሩሳላሜ ዉዱራሢ!ታ ዒሻሢ ፔኤሮ ዔቂ ኮዓንዳያ ሄላንዳኣናዒንሢ ዒዛ ካኣሚ ጴቹዋጉዲ ሃዳራ ታ ዒንሢ ጋዓኔ።

ላሃሳ ዓይኑሞ

⁵ፔ ላጋሢኮ ጌኤታ ጌኤቂንቲዓሳ ናንጉዋ ዳውላፓ ሙካዛ ሃና ዖናዳይ?ዑኡቴሎ ዓይኑሞሚና ኔ ዒንዳ ኔና ባኒ ሾዔ ቤዞጋዞ ዴማፓ ታ ኔና ጴቼኔ።⁶ጋፑዋ ናሹሞና ኔ ዒኖ ጋራ ታና ኮንኮጉዲ ጫርጊ ሃሼ፤ኔኤኮ ኩጮይዳኣ ዒማይዲ ታና ሌሊ ዓርቄ።ናሹሞ ሃይቢጉዲ ዎልቄና ዓኣያኬ፤ዒናፓ ናሽኮ ናሹሞዋ ዱኡፒጉዲ ፑርታኬ፤ናሹሞ ሼኤላሢ ፆኦሲ ታሞ ሼኤሎጉዲኬ።⁷ሚርጌ ዋኣሢ ናሹሞ ታሚ ዎዻኒ ዳንዳዑዋሴ፤ዬይ ዺቦ ዋኣፃ ዔኤዻኒያ ዳንዳዑዋሴ፤ዓሲ ፔኤኮ ዓኣ ቆሎና ቢያ ናሹሞ ሻንቃኒ ማሌቴናሹሞ ሚኢሼና ሻንቂንቱዋኣሢሮ ዬይ ሚሚኢቻ ባኣዚ ማዓኔ።

⁸ሃጊ ኮንቾ ዴይሢባኣ ዻካ ጌኤዳ ኑኡኮ ዓኣኔ፤ዓሲ ዒዞ ጎቻኒ ኑና ዖኦጬቴኑ ዓይጎ ባኣዚ ማዻኒ ዳንዳዓይ?⁹ዎንዴ ዒዛ ኬኤሌ ዲሢ ማዔያታቴዒዞ ዑፃ ቢራ ዓንጊ ሴኤላ ኑ ኮሼያናንዳኔ፤ዒዛ ካታሞ ጌሎ ካሮ ማዔያታቴሊባኖኦሴ ሚፆ ዓርሶና ላሾ ጋጋርዞና ኑ ዎዼያናንዳኔ።

¹⁰ዓካሪ ታኣኒ ኬኤሌ ዲሢኬ፤ዻንፃ ታኣኮ ሹዎና ኮሺንቴ ካፒፆ ካፖ ዼጌ ቤዞኬ፤ታኣኒ ዒዛና ዎላ ማዓኣና ታ ዒሾ ሃውሺሳያኬ።

¹¹ሴሎሞኔኮ ባዓልሃሞኔይዳ ዎይኔ ጎሺ ዓኣኔ፤ዬያ ዎይኖ ጎዦ ጎሽኪ ዎርቃ ዓሶምሚኢሼ ጪጊ ጪጊ ጎሽካንዳጉዲ ዒዚ ዒንጌኔ፤ዬይ ፔቴ ፔቴ ዓሳ ፔቴ ሺያ ማዓ ሹቺ ቢራ ዒዛም ጪጋኔ።¹²ታኣኮ ዎይኖ ጎዣ ታኣሮኬ፤ዔዞ ሴሎሞኔ! ኔኤኒ ፔቴ ሺያ ሹቺ ቢራጎዦ ጎሽካ ዓሳኣ ላምዖ ፄኤታ ሹቺ ቢራ ዔካኒ ዳንዳዓኔ።¹³ኔኤኒ ታ ዑኡቴሌ! ዱማ ዱማ ባኮ ቱኮና ቤዞ ኬስኬቴታ ላጋ ኔኤኮ ዑኡዞ ዋይዛኒ ኮዓኔ፤ታኣም ሂንዳ ኔኤኮ ዑኡዞ ዋይዚሴ።

¹⁴ታ ዒሼ! ዑኬና ታ ባንሢ ሙኬ፤ሳውቃ ዼኤሻ ባቃላ ዹኮ ዑፃፂካ ሮኦታሢንታ ሞይላሢ ናኣቶጉዲ ማዔ።

ቢያፓ ባሼ ዓይኑሞ 8 / mdy_twf

ላሃሳ ዓይኑሞ

ቢያፓ ባሼ ዓይኑሞ8mdy_twf